KOHELETI 5:17 - Bibilia Kui Mdedie fo Kimochi

¹⁷ Mkonu yake yose nyi ilia meemenyi na mawawio hafoi na okuchukuchu na ndaaṟe.

KOHELETI 5:17 ပူးပေါင်းရင်းမြစ်များ

MAWOOKIONYI 3:17

Kawia na Adamu: “Omtana omeidikia kidedo kya mka opfo kolya ndunda tsa ikidi lilya ndekututuma ngakuwia; makulalye-ho; mdemifo fukae fui msese kipfa kyapfo iyo, nokulie shelya kui mawina mandi ui na moo hose,

1WAMANGI 17:12

Mka ulya mkusu kamhaluo, “So Ruwa ai na moo, njiwode mkate pfo, shile nnde imu ya mso fui kinungunyi na mafuda maangu hai chupenyi na inyi njikeri isana shingu shiwi kundu njisungusie kelya kyako na manachu oko, lulye luwedie opfu.”

2WAMANGI 1:2

Ahazia kaoloka kiidi kya itiṟisha lya kiṟiha kya koṟofeni, kiidi kya Samaria, kafaṟika mnu. Kyasia Ahazia kaduma ndumi, “Hendenyi muwese ko Baal-zebubu, Ruwa o Ekroni, ke, ‘Njechia ndaaṟe ii?’”

2WAMANGI 1:6

Wakambia, “Mndu aluchea, kawonana naso kaluwia, hendenyi wuyenyi ko Mangi ulya amuduma mummbie, Mndumii nahamba adi, ‘Ngesa nyi kipfa kulawode Ruwa kiidi kya Israeli mtano mohenda iwesa ko Baal-Zebubu, ruwa o Ekroni? Kyasia, ko kipfa kya ikyo ochisoka o kitaṟenyi ulekidooya-pfo kya indi nochipfa.’”

2WAMANGI 5:27

Kyasia saka iya ya Naamani yechikuwada iyo na oshari lopfo mlungana.” Nao kawuka oshangunyi loke awodo nyi saka kawa cha kuṟeṟa ya mtsudu.

YOBU 21:25

Ungi kapfa amsokie nyi fowa ing'any i mrimenyi, alawode ma kicha kimu alesonja.

SHIIMBO SHA DAWIDI 102:9

Kyamba njilelya mafu cha kelya, na ilongalonga kenyoo kyako na mchenyeṟe.

SHIIMBO SHA DAWIDI 127:2

Iṟunda lyanu nyi lya wulya, muikure ngamenyi otuko, mkafurumia ihenda ilaa, na ilya shelya kui ngataṟa; O nekeinenga mkunde oke mado.

SHIIMBO SHA DAWIDI 39:6

Mndu nyiekehenda ipfo na ipfo cha kiriinje; nyiekefohika tupu kipfa nyi mai na mai; nyiekewika kisa manya alaichi msa aikiduo.

SHIIMBO SHA DAWIDI 78:33

Ko ikyo nalefuiṟa mfiri iya yawo cha mumuyo, na maaka yawo kui ngapo tsa oweṟe.

KOHELETI 2:10

Njileima kindo ma kimu meso hakopfo; manya mrima foko njilefuima sia fuwelangie-pfo; kipfa mrima foko fulekeseka kya maṟunda halya hose haletano nyi mawoko hako, kipfa iṟunda liwei ohawi loko.

KOHELETI 2:23

Kipfa mkonu yake yose nyi fowa na iṟunda lyake naalyo, ma kalaa kio awode sia-pfo. Isho nyi wulya na maai.

KOHELETI 2:24

Mndu o wandu awode kicha kada ilya na inyo, na iwihiṟia moo foke na shicha kiidi kya iṟunda lyake-pfo. Isho shiwukie owokonyi ko Ruwa.

KOHELETI 7:14

Kiheri keiṟimiṟa chihio, Na mkonu fo kiwi ukusaṟe. Ruwa nawikie shoshe shing'ang'ane kundu mndu o wandu nalaidime imanya idedo lyose lyechiituma numa.

MAWUTO HA WASU 12:23

Oweṟe cha ili malaika o Mndumii kamkapa nyi ili indi alalewikya Ruwa kiṟumi. Kalio nyi mashinu ai na moo kapfa.