KOHELETI 5:1 - Bibilia Kui Mdedie fo Kimochi

¹ Ringa kudende kopfo ili uihenda mba ya Ruwa; Nyi necha itikiria kundu uicho kota iwuta kidaso kya matondo. Iwo walaichi ke waiwuta kiwicho

KOHELETI 5:1 ပူးပေါင်းရင်းမြစ်များ

2MBONYI TSA MAHERI 26:16

Kiheri mangi Uzia awewode pfinya, nalewada ikushela sa lulemuendie irumatso lyake. Naletwaṟa Mndumii-Ruwa, Ruwa oke kaanga mbenyi ya Mndumii-Ruwa, akusirie ikoṟa ubani rasionyi lya Mndumii-Ruwa.

YOBU 11:2

“Mfoeṟa fu fo madedo fuwekudeo fulahauyo?

YOBU 22:12

A ngesa, Ruwa ai huye ruwehu? Kake ambuya chandu nyenyeri tsi haleshe chandu tsi huye.

SHIIMBO SHA DAWIDI 89:7

Ruwa naoweshie mnu mengenyi ya waele, naoweshye kota wose wamtengetie.

IWUKA 3:5

Nao Mndumii-Ruwa kahamba, “Manya kulatikirie iya; wuta shadu shapfo ipfo; madendenyi hapfo; kyamba iya handu uhoṟoki nyi handu haele.”

IWUKA 30:18

“Sungusia mboṟiko ya aṟeṟa na mrihiyo folyo fo ilama, lyesambia; na iyo nochiliwika makidi hawi ha ihema lyesanzia na rasio, na iyo nowikepfo mṟinga.

MFANANO 10:19

Handu kuwode madedo hafoi kochiwuṟika wuwicho pfo, Kyaindi ichu mokanga dumbu lyake namṟango.

MFANANO 15:8

Mwano fo mndu mbicho fuwichuṟye Mndumii; Indi shiterewo sha mndu mhoṟotsu nyi sia yake.

MFANANO 21:27

Kyaano kya walai wecha nyi kiwichuṟiye Kii kiwicho-wicho ili mandi alasumhanyi aende.

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

MAWUTO HA WASU 10:33

Nahong'u oweṟe na lulya ngaduma wandu kopfo. Na iyo kowewuta necha ili omcha. Kyasiang'u aiwa so lose lukeri iya oshangunyi lo Ruwa luadanye isho umbwawase nyi Mndumii shose.”

MAWUTO HA WASU 17:11

Nawo wandu wa nyi wawei na sonu kota walya wa Tesalonyikye, nyi waleambya idedo na wulalutsu wose wakawa wesumasuma ipfo mṟehonyi mfiri yose kundu wawone koka shindo sho nyi wudo shii lohi.

1 WAKORINTO 11:22

Ale! Mulawode mba tsekulia-pfo na ikunyoya? Ang'u mopiṟa siṟi ya Ruwa na ihutsya walya walawode kindo sonu? Njimuwie njida ngesa? Njimwichike ko? Kya ikyo njemwichikanyi.

WAEBRANIA 10:26

Kyamba kokoya so ili lomma ipfunguyo kilya kii lohi lokedekyo hando luwonyi kochitsuhase kidaso kingi kyewuta-ho wunyamaṟipfo.

YAKOBO 1:19

Iki mukiichi, wanawawama wako wakunde. Indi orio mndu nawe mwangu kui yadanya na mlemeri kui ideda na mlemeri kui idosa nyashi.

YOSHUA 5:15

Nalyo mnene ulya o mbahanyi ya Mndumii-Ruwa kawia Yoshua, “Wuta shadu shapfo kyamba handu ha uhoṟoki nyi hai haele.” Nalyo Yoshua kawuta kudo.