KOHELETI 4:8 - Bibilia Kui Mdedie fo Kimochi

⁸ Kuwode mndu ai amonyi, awode o kawi pfo, awode mana ma manomae pfo; na wusuṟi woke wuwode mtsitsiopfo, meso hake haihuda wusuṟi-pfo. Naho kahamba nyi kipfa kya iki njiṟunda, na ikuima shicha? Isho nasho nyi maai na wukiwa wung'anyi.

KOHELETI 4:8 ပူးပေါင်းရင်းမြစ်များ

MAWOOKIONYI 2:18

Mndumii-Ruwa kahamba, “Chi kicha mndu nakae kikoke amonyipfo, njechimbikia momwikanyia afananyi nao.”

SHIIMBO SHA DAWIDI 39:6

Mndu nyiekehenda ipfo na ipfo cha kiriinje; nyiekefohika tupu kipfa nyi mai na mai; nyiekewika kisa manya alaichi msa aikiduo.

SHIIMBO SHA DAWIDI 39:7

A wulalu nkiki njiweda, Hoi Mndumii? Kikusirio kyako nyi kopfo.

MFANANO 27:20

Ko waṟumu na inyamaṟika shekeihuda-pfo; Manya meso ha wandu haihudapfo.

KOHELETI 1:13

Ngawika mrima foko ngashiha shose shekewutika wuyaenyi ngametambahaluo kui wuṟango; nyi wukiwa wung'anyi Ruwa ainengie wandu; walye wukiwa.

KOHELETI 1:8

Shindo shose shiichuo mawina halewa ihamba, riso lyechiihuda iwona-pfo, na kudu kokepeleko iicho pfo.

KOHELETI 2:21

Kipfa kuwode mndu maṟunda hake nyi kui wuṟango, kui mahio, kui wuaria; nao nechideeya mndu alahawinyie manya kitutu. Isho se nyi wulya na wukiwa wulechiwa ihamba.

KOHELETI 2:23

Kipfa mkonu yake yose nyi fowa na iṟunda lyake naalyo, ma kalaa kio awode sia-pfo. Isho nyi wulya na maai.

KOHELETI 4:7

Ngawuya ngawona shindo sha maai.

KOHELETI 5:10

Mokunda fesa echiihuda fesa-pfo Ma mokunda kilula echiihuda shilimu-pfo. Isho nasho nyi maai.

KOHELETI 5:9

Kyaindi hamu na isho, kiira kya oruka nyi mangi eketambahanyia mnu wasoṟo wake kipfa kya dema.

YESAYA 5:8

Ochia lo walya waiengeṟa mba numa ya mba na iwika dema hafui na dema, kulawonoho handu, nanyo kimuwaṟi ikaa handu hamu muwenyi orukenyi.

YESAYA 55:2

Kitewe ketaa fesa ko kindo kilai kando nki? Na shilya mowona ko kindo kilaihutsa? Njiadanyienyi mnu, mlye kilya kii kicha na ikuchihiṟa kui wunoru.

MATAYO 11:28

Kekucheenyi na koko nyo, mukeri iwina muwei walemye nyi maṟio malemeri; na inyi njimuwihiṟye moo.

LUKA 12:20

Kyaindi Ruwa kambia, ‘Iyo nyi tondo, kio-ki nyi wechicha ishiha moo fopfo wafuduo, aka isho uteseheṟie nyi shechiwa sha-u?’

1YOHANE 2:16

Kyamba ishi shose shii sha wuyana shikeri shidi, nyi lango tsa nyamenyi na lango tsa meso na useṟeṟi wo moo. Nasho shiwukye ipfo ko Wandepfo, indi nyi ipfo wuyana.