KOHELETI 3:4 - Bibilia Kui Mdedie fo Kimochi

⁴ Kiheri kefihiṟa, na kiheri keseka; Kiheri kya fowa, na kiheri kechihiyo;

KOHELETI 3:4 ပူးပေါင်းရင်းမြစ်များ

MAWOOKIONYI 21:6

Sara kahamba, “Ruwa amenjiwutia kindo kesetsa; orio oose echiicho nechiseka hamu na inyi.”

2SAMWELI 6:16

Kiheri waleshika mṟinyi fo Yerusalemu, Michali ai mana o Mangi Sauli na mka o Dawidi, kaimehia itiṟishenyi, kasuo mnu mrimenyi lilya alewona Dawidi kechitoolatola na ishina osehu lo Ruwa.

SHIIMBO SHA DAWIDI 30:11

Mkonu fo iawuka lyako kolihaluo lyatemo; Konjiwuta masaṟa, konjiṟika sia.

SHIIMBO SHA DAWIDI 30:5

Kipfa tuke yake nyi ya oweṟe sa lwangu, Madedo hake hai na moo. Kofia kilio kekecha ili kio, Indi ngamenyi kukawada sia.

IWUKA 15:20

Na Miriamu mwikimbi o kika, mshiki o Aroni, kaira ipalu owokonyi loke; waka wose wakakure wakaosha numa yake, wawode mapalu wechishina.

KOHELETI 3:5

Kiheri kekumba maho, na kiheri kesanyia maho; Kiheri kechunguṟia, na kiheri keda ichunguṟia

KOHELETI 7:14

Kiheri keiṟimiṟa chihio, Na mkonu fo kiwi ukusaṟe. Ruwa nawikie shoshe shing'ang'ane kundu mndu o wandu nalaidime imanya idedo lyose lyechiituma numa.

YESAYA 40:1

Wihiṟienyi wandu moo, wihiṟienyi wandu moo, wandu wako, Ruwa onu ahamba.

YESAYA 40:2

Hambenyi na mrima fo Yerusalemu, wienyi mṟi fo kui ṟu ling'anyi ke shida yake yamesia, wuwicho woke womedeo; kipfa naleambilia ko owoko lo Mndumii ngapo ngeria kawi ko kipfa kya wunyamaṟi woke wose.

MATAYO 11:17

‘A ili lowemkapya mtoṟiṟo, nanyo ma mlashine. Nyi lomekapa shilio, nanyo ma mlafuhe?’

MATAYO 9:15

Na Yesu kawawia, “A wandu wa walinyi waidime iwado nyi fowa ili menyi-wali akeri nawo? Na kukae kushike mafiri iliindi menyi wali echiondwo kowo, nyilyo wechikwotoya.

LUKA 1:58

Wandu walya wa mṟasa foke na wa kishari kyake wekiicho ke Mndumii amemnetseṟa ado, wakawado mnu nsia.

WAROMA 12:15

Kewechihionyi kimu na iwo wawachihie, muwelia na iwo welia.

2 WAKORINTO 7:10

Kyamba fowa tsi tsii njamtse nyi Ruwa tso tsiende mdumbuye fowika-ho okiṟo fulai na samanya; indi fowa tsii njiamtse nyi wuyana wu tso tsihendende opfu.

YAKOBO 4:9

Hendenyi mukuwiṟishe, mukuinadye na ilia. Seko tsanu tsihaluke tsiwe shilio, na sia ihaluke iwe ṟenze.