KOHELETI 3:12 - Bibilia Kui Mdedie fo Kimochi

¹² Inyi njiichi kuwode kicha kowo kiidie ichihiyopfo ma iwuta mecha kipfa wai na moo.

KOHELETI 3:12 ပူးပေါင်းရင်းမြစ်များ

SHIIMBO SHA DAWIDI 37:3

Ukusirie Mndumii uwute mecha, ukae aa wuyana, uchihiṟo nyi wuhendeli.

KOHELETI 11:9

Iyo manake, chihiyo kipfa nyi ui mkoho, na mrima fopfo fuchihiyo ikeseka kiheri ki, uweosha ohendo lo mrima fopfo, na ipfo kiidi kya isho uwonyi na meso hapfo; kyaindi nowemanya ke kipfa kya isho shose Ruwa nechikuende mengenyi nakuanduye.

KOHELETI 2:24

Mndu o wandu awode kicha kada ilya na inyo, na iwihiṟia moo foke na shicha kiidi kya iṟunda lyake-pfo. Isho shiwukie owokonyi ko Ruwa.

KOHELETI 2:3

Ngawekusaṟa mrimenyi foko chando njechichihiṟa mbihu foko na mvinyo na ngoo yako ikawenjisongoya kiidi kya wuṟango iwadana na wutondo, mṟasa njiwone shilya shicha shiwaṟi wandu, kundu wawute isho mkonu yose ya moo fowo aa wanda.

KOHELETI 3:22

Na wudo ngawewona kuwode kindo kicha kota mndu ichihiyo kya maṟunda hake pfo; kipfa nyi mooko foke; kipfa nyiu echimbihiṟa se nawone isho shechimwituma numa?

KOHELETI 8:15

Ngawuya iṟumisha sia, kipfa mndu o wandu awode idedo lyose licha shia mnengeṟi kota ilya pfo, na inyo na iseka; nawekukaya nasho shii shake mkonu yose amneenge yekaa iya wuyana, ainengo nyi Ruwa.

YESAYA 64:5

Iyo nokeambia ulya mowuta shilya shichihiṟie shi sha lohi, wandu walya wekekumbuo njia tsapfo; ambuya, nyi uwewode nyashi naso lulewuta wunyamaṟi; lomekaa kiidi kya mbonyi tsi kiheri kileshe, ngesa, so lochihiṟo?

LUKA 11:41

Kyasia, shilya shii ipfo kya-mba, saṟienyi nasho wandu, na shose nyi shechimbiia sha osu.

MAWUTO HA WASU 20:35

Na ishi shose njiwei mupfungya nasho mtaato kundu nanyo mukuwinyishe ipfuṟukanya wafafa mochikumbwo kilya Mndumii Yesu ahambye ke, ‘Nanga iinenga kota yambya.’”

NGUMBUO YA MAWAWASO 12:18

Indi mochishiliia oshangunyi lo Mndumii-Ruwa, Ruwa onu, handu Mndumii-Ruwa, Ruwa onu echisambuṟa. Mochishilya nyo na wana wanu wa kika na wa kisoṟo waṟundi wanu na shisinga shanu, na Walewi wekekaa mṟinyi yanu.

NGUMBUO YA MAWAWASO 12:7

mochiliiapfo shelya oshangunyi lo Mndumii-Ruwa, Ruwa onu na mochichihio nyo handu hamu na wandu wa kanyi konu kipfa kya mbora mochisumbo nyi Mndumii-Ruwa, Ruwa onu.

NGUMBUO YA MAWAWASO 26:11

Na iyo nochichihiyo kya mecha hose Mndumii-Ruwa, Ruwa opfo alekusumba iyo na wa mba yapfo. Nawo wechichihio hamu na iyo.

NGUMBUO YA MAWAWASO 28:63

“Chandu kilechihia Mndumii-Ruwa imuonyishia na impfumbutsa mkaengeṟeka na wudo Mndumii-Ruwa echichihio imwendie ngapo na irumatsa. Nanyo mochiwuto ipfo orukenyi kundu muihenda iluchilia.

1TIMOTEO 6:18

Wawe wechisumba, wafeṟe mfeṟa fo mawuto mecha, wawe makitomoka wakundi ilekia.