KOHELETI 2:7 - Bibilia Kui Mdedie fo Kimochi

⁷ Na inyi ngahuṟa masinga na masinga waka, ngawada oshari lung'any kanyi koko; ngaingiki masaa, mmbe na machondi, kota walya wose wawenjisongoye kiidi kya Yerusalemu;

KOHELETI 2:7 ပူးပေါင်းရင်းမြစ်များ

MAWOOKIONYI 13:2

Abramu nawei msuṟi mnu, ko shuma, na fesa na sahapu.

MAWOOKIONYI 14:14

Abramu kekiicho ke manomae ambado shidenyi kainengya waleu wake shisha walya walefeeyo kulya kanyi koke, wandu mahana haṟaṟu na ikumi na nyanya (318), kawaduo mṟasa Dani.

MAWOOKIONYI 15:3

Abramu kahamba, “Ambuya ulennenga luwapfo, na isinga lyi lyilefeeo kunu kanyi koko nyio mokyooṟa oko.”

1WAMANGI 4:23

Mmbe nnoru ikumi (10) na mmbe tselisa makumi hawi (20), machondi ihana (100) handu hamu na sariha, sumbuda, mburu tsa nja na nguku njinoru.

2WAMANGI 3:4

Kyasia Mesha Mangi o Moabu, nawekewikia machondi orio maka naweketaa mangi o Israeli mafufuta ha machondi (100,000) ha kika na masuwa (100,000).

2MBONYI TSA MAHERI 26:10

Nalewesungusia na mnaṟa ingi injitumuhaṟe shihongonyi sha nuka, na isuma maṟungu ha mṟinga hafoi, kipfa nawewode shuma shifoi shihongonyi sha kundu kukuirie na kundu kui rendewele. Kipfa kya ili awekundi mnu maṟunda ha madema, nalewia wandu wechiwemba wakadema msabibu kundu ko oruka sa kukuirie na idema kundu kuwode teri injionyishe nyi mbosha.

EZRA 2:55

Wana wa waṟundi wa mangi Solomoni; sa walewuya iwuka wusingenyi wana wa Sotai, wana wa Hasoferethi; wana wa Peruda;

EZRA 2:58

Wanethini wose hamu na waṟundi wa mangi Solomoni waweshikie wandu mahana haṟaṟu na makumi kenda na wawi (392).

NEHEMIA 7:57

Shishari sha waṟundi wa mangi Solomoni walewuya wusingenyi nyi wa kishari kya Sotai, wa Sofereti, wa Perida;

YOBU 1:3

masaa hake nyi machondi shiku mfungade (7,000) ngamia shiku shiṟaṟu (3,000) mbe tsiwi tsiwi mahana hatanu (500) na nzoi njika mahana hatanu (500) na waṟundi wafoi, wafoi mnu nakamu; kipfa kya wusuṟi woke kawada kiṟumi kota wandu wose wai ora lo ngamenyi lo isanga.

YOBU 42:12

Kiidi kya maka ya Yobu ileosha Mndumii-Ruwa kambikia ona kota ilya kuwooka. Kyasia Yobu kawada machondi shiku ikumi na shiina, ngamia shiku shiṟandaṟu, mbe shiku shiwi na nzoi njika kiku kimu.

LUKA 12:45

Kyaindi msoṟo ulya kawuya ikusaṟa ipfo mrimenyi foke, mndumii oko nyi akeleo icha, kawooka ikapa wodoe wa kyumi na wa kika, na ilya na inyo na inango.