KOHELETI 2:5 - Bibilia Kui Mdedie fo Kimochi

⁵ ngawada shiahu shifoi ngadonga pfo mashidi ha ndunda tsa mbaṟi tsifoi,

KOHELETI 2:5 ပူးပေါင်းရင်းမြစ်များ

NEHEMIA 2:8

Kingise njikuterewa nyi iki ke kuṟehiye paruo ko Asafu mringi omashidi ha mangi kundu nanjinenge mbau tsesungusia maboriti ha mongo iya ya hekalu, njombombo tsa mṟi fulya na mba yo yako njechikaa.” Nalyo mangi kaidikia kiterewo ki kyako kyamba Mndumii-Ruwa nyi awei kimu na inyi.

SHIIMBO SHA SOLOMONI 4:12

Mdemi fui fushingie nyi mshiki oko, mpora, kimeda kii kishinge, soka injikape ofano.

SHIIMBO SHA SOLOMONI 4:13

Isho shidoye nyi mdemi fo mkuyu, fuwode ndunda njicha da, na shindo sha wuhuru.

SHIIMBO SHA SOLOMONI 4:16

Kure iyo otanu lo mtsudu, na iyo otanu lo nuka njo, wiwitenyi huya mdemi foko, opfudano luwono huya mdemi, mkunde oko naide mdeminyi foke, nalye ndunda tsake njicha tseloda.

SHIIMBO SHA SOLOMONI 5:1

Njiida na kyahunyi kyako, mshiki oko, mana mka o walyi. Njihaa manemane na shiungo , njilya iwuwu lyako lya wuki, njinyo mvinyo foko na maruwa hako. Henda lyenyi, nyonyi, ee, nyonyi mnu, wakunde wako.

SHIIMBO SHA SOLOMONI 6:2

Mkunde oko nasokia kyahunyi kyake, matutenyi ha rihani, kundu nalise kyahunyi, Kundu luhae ndunda.

YEREMIA 39:4

Sedekia mangi ya Yuda na Waasikari wake wose wekiwawona, wakasheṟuka. Wakawuka nja ya mṟi kio, wechiidia mdeminyi fo mangi, kichuminyi kya makidi hawi ha njomombo tsiwi, wakahenda ora lo Araba.