KOHELETI 2:3 - Bibilia Kui Mdedie fo Kimochi

³ Ngawekusaṟa mrimenyi foko chando njechichihiṟa mbihu foko na mvinyo na ngoo yako ikawenjisongoya kiidi kya wuṟango iwadana na wutondo, mṟasa njiwone shilya shicha shiwaṟi wandu, kundu wawute isho mkonu yose ya moo fowo aa wanda.

KOHELETI 2:3 ပူးပေါင်းရင်းမြစ်များ

MAWOOKIONYI 47:9

Yakobo kahaluo Farao, “Maaka ya ohendo lo moo foko nyi ihana na makumi haṟaṟu (130) maaka ya moo foko ilewa njiangu, na ya maturo; manya ileshikia maaka ya wande wapfo.”

YOBU 14:14

Ngesa, mndu kapfa nechiidima se ikaa na moo? Mfiri yako yose ya maṟunda njiwekuweda mṟasa kiheri kepfunguyo kishike.

SHIIMBO SHA DAWIDI 104:15

Na mpfinyo fuchihiṟe mrima fo mndu, nawaṟe kyamu kyake ko mafuda, na mkate fuwihiṟie mndu moo foke.

MFANANO 20:1

Mvinyo fukeri motaluo, mṟinga fonanza fukeri mofahya; orio mowuka-pfo echitengeluka akeri-se mṟangopfo.

KOHELETI 1:17

Ngawika mrima foko ngamanya wuṟango, ngawewona isho shose nyi maai na maai.

KOHELETI 10:19

Mfuho fokewiko kipfa kya seko Na mvinyo fokechihiṟa mrima; na fesa tsekeende iawutsia shindo shose

KOHELETI 12:13

Iki nyi kiheo kishikie kya madedo hose haweichio india Ruwa, nowade mawawaso hake; kipfa ikyo kiwaṟi mndu.

KOHELETI 2:24

Mndu o wandu awode kicha kada ilya na inyo, na iwihiṟia moo foke na shicha kiidi kya iṟunda lyake-pfo. Isho shiwukie owokonyi ko Ruwa.

KOHELETI 5:18

Ambuya inyi njilewona kindo kicha kiwaṟi nyi mndu ilya na inyo, na ikeseka kya maṟunda mecha aṟundie kunu orukenyi mfiri yake yose aleinengo nyi Ruwa kipfa ilo nyi ohawi loke.

KOHELETI 6:12

Kipfa nyiu aichi shii shicha sha mndu o wandu kiidi kya ohendo lo moo foke iya wuyana cha mṟinjenyi? Nyiu echiidima iongoya mndu o wandu shindo shechiituma kamewuka iya wuyana?

KOHELETI 7:18

Kikuwaṟi noindie idedo lyo lya kuwoka, na lilya lya kawi da; cha kipfa kuoindia Mndumii-Ruwa nochihuyo.

KOHELETI 7:25

Manya kudo, njilelanga imanya na iṟisa iwalia wulaanyi na kitewe kya mbonyitsiipfo, na ngoseṟa imanya wunyamaṟi nyi kindo kya mai, na wutondo nyi uwaṟumu.

KOHELETI 8:15

Ngawuya iṟumisha sia, kipfa mndu o wandu awode idedo lyose licha shia mnengeṟi kota ilya pfo, na inyo na iseka; nawekukaya nasho shii shake mkonu yose amneenge yekaa iya wuyana, ainengo nyi Ruwa.

MATAYO 6:24

“Kwipfo mndu echiidima ifuṟukanya wanene wawipfo; kipfa kumu nyi echisuo ulya umu, nakunde ulya o kawi; ang'u nahalukie ichu, nainyale ulya ungi. Ma mochiidima isanza mupfuṟukanye Ruwa hamu na Mamonapfo.”

WAEFESO 5:18

Ma mulakunanze na mpfinyo fuwode kidetsa okiio, indi muichuṟo nyi Mumuyo Mwele.

WACHILI 9:13

Msabibu fukahaluo na ihamba, ‘Ngesa mokusaṟa njechiidima ida iṟunda lyako lyewuta mvinyo fokechihiṟa maruwa na wandu njihende ikulisa wukiwa wo iitoṟia mashidi?’

1SAMWELI 25:36

Kiheri Abigaili alewuya na kanyi, nalekoya Nabali asungusie mfuho fung'anyi kulya kanyi fo kiumangi. Nabali nawekesekie mrimenyi foke mnu nakamu, kyamba nawemnanzi mnu nakamu. Ko ikyo Abigaili alemmbia kindo kyosepfo mtano ili lya ngama ngamenyi.