KOHELETI 2:26 - Bibilia Kui Mdedie fo Kimochi

²⁶ Kipfa Ruwa nekeinenga ulya amchihiṟie wuṟango, wulaanyi na sia; indi mdeko nekemneenga wukiwa, kasanyia na iwika kikumbinyi kundu nainenge ichu Ruwa amteseheṟiye. Isho nasho nyi wulya na maai.

KOHELETI 2:26 ပူးပေါင်းရင်းမြစ်များ

MAWOOKIONYI 7:1

Mndumii kawia Noe, “Henda kuidie na ipfo safinenyi iyo na wa kanyi kopfo wose; kyamba kunu kiidi kya wanduwa na iyo njikuwonyiho ui mcha sumhana na inyi.”

YOBU 32:8

Indi mumuyo fui kiidi kya mndu mṟufu fo Ruwa menyi pfinya, foketarama mndu imanya.

YOBU 38:36

Nyiu alelosha ilaha “kwaṟaṟa” kya iichuo lya meda fo Nili. Ang'u kawia ilong'oi ke kuicha mvuo?

SHIIMBO SHA DAWIDI 39:6

Mndu nyiekehenda ipfo na ipfo cha kiriinje; nyiekefohika tupu kipfa nyi mai na mai; nyiekewika kisa manya alaichi msa aikiduo.

SHIIMBO SHA DAWIDI 51:6

Ambuya nyokechihiṟo nyi wukiilohi wo mrimenyi. Iyo nyochinjikumbuṟa wuṟango kui kiṟika,

MFANANO 13:22

Mndu mcha nechideea wachuku wake kyooṟa, Na masaa ha mdeko nyi kisa kya mndu o wusumhanyi.

MFANANO 2:6

Kipfa Mndumii nekeinenga wandu wuṟango; Dumbunyi lyake kuwode wulaanyi na imanya shose,

MFANANO 28:8

Ichu moengeṟia masaa hake mbucha na nawode nanga, Nekesanyia mndu ulya ekesaṟya wakiwa.

KOHELETI 1:13

Ngawika mrima foko ngashiha shose shekewutika wuyaenyi ngametambahaluo kui wuṟango; nyi wukiwa wung'anyi Ruwa ainengie wandu; walye wukiwa.

KOHELETI 1:14

Ngawewona maṟunda hose hai mawute orukenyi, ate shose nyi wulya piu.

KOHELETI 2:25

Ngesa nyiu echiidima ilya na iwihiṟia mrima foke moo kanjikooya?

KOHELETI 3:10

Njilewona ngataṟa Ruwa ainengie wandu kundu walye wukiwa.

LUKA 1:6

Nawo wakawa wecha wasumhanyi ipfo sumuhana na Ruwa wawawi, wakahenda wechihendelia mawawaso hose na njopfundo tsa Mndumii tsose, ma walaṟatsie-ho kindo.

YOHANE 16:24

Mṟasa wulalu mulemeterewe kindo kui rina lyakopfo. Keterewenyi nalyo mochienengo na msiha fonu fuichwo pacha.”

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.