KOHELETI 2:21 - Bibilia Kui Mdedie fo Kimochi

²¹ Kipfa kuwode mndu maṟunda hake nyi kui wuṟango, kui mahio, kui wuaria; nao nechideeya mndu alahawinyie manya kitutu. Isho se nyi wulya na wukiwa wulechiwa ihamba.

KOHELETI 2:21 ပူးပေါင်းရင်းမြစ်များ

2MBONYI TSA MAHERI 34:2

Nalewuta mecha oshangunyi lo Mndumii-Ruwa. Naleoshana na mchumie fo sahuye o mangi Dawidi, kaindia mawawso ha Mndumii-Ruwa ko mrima foke fose.

2MBONYI TSA MAHERI 35:18

Kuwodese mkonu fungi fo Pasaka sa fulemeṟumisho kudo cha ifu, kiidi kya Israeli yose wokia mkonu ya mangi Samueli-pfo. Kulemewoneke pfo mangi ma umu kiidi kya Israeli, sa alemeidima iṟumisha mkonu fo pasaka chandu mangi Yosia alewuta, handu hamu na wakohanyi, Walewi na wandu wose wa Yuda, wandu Waisraeli, na wandu wose sa wekekaa Yerusalemu.

SHIIMBO SHA DAWIDI 39:7

A wulalu nkiki njiweda, Hoi Mndumii? Kikusirio kyako nyi kopfo.

SHIIMBO SHA DAWIDI 49:10

Ee, nyi echiliwona, ma walaanyi wekepfa. Tondo na isembo wose wekedeka. Na ideeya wengi masaa hawo.

SHIIMBO SHA DAWIDI 49:11

Maṟungu ha shipfu nyi mba tsawo tane mlungana, nyi kanyi kowo shishari na shishari. Iwo walesenda madema hawo; kui marina hawo wawenyi.

KOHELETI 2:20

Ngahaluka ngalehela piu mrimenyi njechisumukiya kya ikuwinyisha na maṟunda kunu orukenyi.

KOHELETI 4:4

Ngakusaṟa kya masaa hose na orio iṟunda lya wuaria, ke nyi kiidi kya mndu ailimbana na mana o mae. Isho nasho nyi maai na maai.

KOHELETI 4:8

Kuwode mndu ai amonyi, awode o kawi pfo, awode mana ma manomae pfo; na wusuṟi woke wuwode mtsitsiopfo, meso hake haihuda wusuṟi-pfo. Naho kahamba nyi kipfa kya iki njiṟunda, na ikuima shicha? Isho nasho nyi maai na wukiwa wung'anyi.

KOHELETI 9:18

Wuṟango wuidiye shisha sha shida; Indi mdeko umu nekenyamaṟa mecha hafoi.

YEREMIA 22:15

Alewo! Nochichilia kipfa kehodana, na wandu kiu mashidi ha meresi? Ndeo nalelya na inyo, na ianduo, kya sungusihu nyi hondo aleiṟimiṟa.

YEREMIA 22:17

Kyaindi meso hapfo na mrima fopfo, fuwode kindo kyosepfo shila nyi lango, na ipusuo samu ilawode mti, na iwonyia na iwuta kui wuminyi.’”