KOHELETI 2:17 - Bibilia Kui Mdedie fo Kimochi

¹⁷ Kyasia ngasukio nyi moo, kipfa orio iṟunda ndelitana likanjiwichuya, ke orio kindo nyi wulya na maai.

KOHELETI 2:17 ပူးပေါင်းရင်းမြစ်များ

1WAMANGI 19:4

Nao kachumia ohendo lo mfiri puti kaafukia nuka ya msanga. Kyasia kashika handu kadamia wanda ya ikidi lya mretemu. Kalanga opfu kahamba, “Kyashika, njiidima se-pfo. Hoi Mndumii-Ruwa, kunjiwutie moo foko. Inyi njii mcha kota wandie wako-pfo.”

YOBU 14:13

“Kima ulenjiowisha ko waṟumu, njiwechikaapfo mṟasa nyashi yapfo ihuo; na kiheri kilya uteseheṟie kikamesia nuwechinjikumbuo.

SHIIMBO SHA DAWIDI 89:47

Kumbuowo chando inyi njilakeri o mlungana; ke mndu ulemuwumba nekekaa ko kiheri kifui!

KOHELETI 1:14

Ngawewona maṟunda hose hai mawute orukenyi, ate shose nyi wulya piu.

KOHELETI 1:17

Ngawika mrima foko ngamanya wuṟango, ngawewona isho shose nyi maai na maai.

KOHELETI 2:11

Ngawuya ngaambuya maṟunda hose njileṟunda na mawina hako hose, ate shose nyi maai na maai, kuwode ho kiira iya wuyanapfo.

KOHELETI 2:22

Kipfa mndu nyi kiki ekewona ho kui iṟunda lyake lyose, na itambahana lyake iya orukenyi.

KOHELETI 3:16

Ngoseṟa ya isho ngawewona se handu ha mwaanduye kuwode ho deko, na handu ha lohi kuwode iwonyio.

KOHELETI 4:2

Ko ikyo ngaṟumisha wapfu walemepfa kota iwa wai na moo wulalu.

KOHELETI 4:3

Kiidiye ikyo ngahamba nanga ulya alamewoneke, alalewona mawicho hakeri iwutika kunu wuyana.

KOHELETI 6:9

Nanga iwona na meso kota irangia rangia kui lango, isho nasho nyi maai.

EZEKIELI 3:14

Nalyo Mumuyo fo Ruwa fukanjiira alya fukanjiduo haleshe, ngahenda njii msokie nyi fowa na nyashi, kyaindi pfinya ya Ruwa iwei na inyi.

YONA 4:3

Wulalu Hoi Mndumii, ngakuterewa, ukunjiwutie moo foko; kipfa nanga inyi ngapfa kota njekaa na moo.”

YONA 4:8

Nalyong'u kiheri kya mfiri mnengeṟi fomedo huye, Ruwa kadika otanu luwuka ora lo ngamenyi lurie ngumia ing'anyi, mnengeṟi fukalasa Yona oo mdohu itane auma, kalanga opfu kahamba, “Nanga ngakupfiia kota ikaa na moo.”

HABAKUKI 1:3

Nkili unjiloṟa wuwicho, na injiolongia wuminyi? Kifa inyamaṟa na wukika shii oshangunyi loko; kuwode shiloyo na marekiano.

MAITALA 11:15

Kokoya nyi wudi ochinjiwutia, nanga onjiwaha oweṟe lumu! Kokoya unjiwodie osaṟio ipfo kyamunyi kyapfo, kulanjide njiiṟiwane na wukiwawu woko.”