KOHELETI 10:8 - Bibilia Kui Mdedie fo Kimochi

⁸ Mosuma rina nechiolokapfo amonyi Na mosanja mba njoka yechimmada.

KOHELETI 10:8 ပူးပေါင်းရင်းမြစ်များ

2SAMWELI 17:23

Kyasia Ahithofeli kawado nyi sonu ing'anyi mnu kipfa kya ili Absalomu aleha wulaanyi woke; kaala njonyi huye ya nzoi yake, kaidoya kahenda mṟinyi foke, kakuotsuo kapfa, kaṟiko shipfunyi hando ndeye awemṟike.

2SAMWELI 18:15

Kyasia, wanake ikumi wekekudika shihia, na wuda na mapfumu ha shideni ha Yoabu, wakaṟingicha Absalomu, wakambaha.

ESTA 7:10

Kyasia wakaduo Hamani wakamasa alya ikidihu handu ha Mordekai. Nyashi ya mangi ikahuo.

SHIIMBO SHA DAWIDI 57:6

Wawikie ndusu tsiinjioke maṟaushi tsinjiwade madende; Mrima foko fufusokie mfowa; wasumie rina oshangunyi loko; wakaolokapfo wawenyi!

MFANANO 11:6

Wulohi wo wahendeli wochiwakiṟa, Indi waṟiingi wechiwado ipfo mtambonyi yawo wawenyi.

MFANANO 26:27

Mosuma rina nyi echiolokiapfo amonyi; Na mopiṟimitsa iho lyechimbuuya.

KOHELETI 10:9

Motsana maho hechimmbika shifaṟe Na mopaṟa mashidi nechiwonapfo ndenga

AMOSI 5:19

Nyi cha mndu aledichia miiso, kakoyana na ngaṟe, ang'u mndu aleida na mba kawika owoko loke mawandenyi, kaimado nyi njoka.

AMOSI 9:3

Wakaowa alya kitoonyohu kya fumvu lya Karmeli njechiwashiha njiwaonduo ho; kokoya wawechiwona mkuachie ipalyipalyinyi kundu kuṟungukie mnu, njedikapfo molyimo fuwaimade.

WACHILI 9:5

Kaoshana nawo wakahenda Ofra ko ndeye oke na ipfo kawaha wana wamae wose makumi mfungade (70) huye ya iho limu. Kyaindi Yothamu, mana mtutu o Yerubabeli nalekia, kipfa naleowa.