KOHELETI 10:12 - Bibilia Kui Mdedie fo Kimochi

¹² Madedo ha mndu mṟango hawode osaṟio Indi dumbu lya tondo lyemmeṟa o amonyi.

KOHELETI 10:12 ပူးပေါင်းရင်းမြစ်များ

2SAMWELI 1:16

Kyamba kido Dawidi kahamba, “Nyi iyo okuendie ofu lu kumonyi, kipfa nyi iyo okuṟingishia kumonyi ke nowahie mshimbuo chu o Ruwa.”

YOBU 16:5

Kyaindi njiwemuwika pfinya kui dumbu lyako na makusaṟo helembalemba na dumbu lyako hawemusiṟa moo.

SHIIMBO SHA DAWIDI 140:9

Nawo ili wairia mdo wandu wo wekenjitengetia, mawawiṟo ha momu yawo hawashikie wo wawenyi.

SHIIMBO SHA DAWIDI 37:30

Dumbu lya mndu o lohi lyededa osaaṟe, na olimi loke lokedumbuo mondu.

SHIIMBO SHA DAWIDI 64:8

Nyi wudo wechihataṟo, olimi lowo lochilimbana nawo. Wose wechiwawona wechisingitsa mdo.

MFANANO 10:10

Mokemya na riso nechiende fowa; Kyaindi tondo liwode madedo hafoi lyechioloka.

MFANANO 10:8

Msa mṟango mrimenyi nechiambilia iwawaso, Kyaindi tondo liwode madedo hafoi lyechioloka.

MFANANO 12:18

Kuwode modeda alakusaṟa, cha motocha na oshu; Indi olimi lo wusumhanyi nyi oru.

MFANANO 15:2

Olimi lo wuṟango lokededa wulaanyi necha; Indi madumbu ha matondo hekepusuo wutondo.

MFANANO 15:23

Mndu nekechihiṟo nyi mhaluye fo dumbu lyake; Na idedo lyechidedo kiheri kisumhanyi nyi lilicha cha iki.

MFANANO 19:5

Mṟingishi o wongo nechikapo; Ma mohamba wongo echikiapfo.

MFANANO 22:11

Ulya akundi wuilyi wo mrima, na isaṟia lya dumbu; Mangi nyechiwa mbuya yake.

MFANANO 26:9

Chandu msha fokekapa mndu mnanzi kuwoko; Na wudo mfanano dumbunyi lya tondo.

MFANANO 31:26

Nekedambuo dumbu lyake kui wulaanyi Wuwawaso wucha wui kiidi kya olimi loke.

KOHELETI 12:11

Madedo ha walaanyi hafananyi na heolongia; cha msumari yekapia na iwadia kindo, nyi wudo wakeri walya madedo hawo iwo wai wanene wa wandu madedo hawukie ko mlisi umu.

KOHELETI 4:5

Tondo lyekelema mawoko halyo Likalya kelya kyalyo lienyi

KOHELETI 5:2

Kuladede madedo ha wusembo kui dumbu lyapfo ma mrima fopfo fulawe mwangu ideda oshangunyi lo Ruwa: Kipfa Ruwa nyi ai ruwehu, na iyo nyi iya wanda ui, ko ikyo madedo hapfo hawe maangu.

KOHELETI 5:6

Kulalekie dumbu lyapfo lidetse mbihu fopfo; ma kulahambe oshangunyi lo malaika-cho ke nodekio; kitewe Ruwa nasukio nyi ṟu lyapfo nki, na inyamaṟa iṟunda lya mawoko hapfo?

KOHELETI 9:17

Madedo ha wenyi wuṟango hakadedo ko osaaṟe hekeichio kota kifahyo kya mchili kiidi kya matondo

MATAYO 12:35

Mndu cho ai mcha ipfo kisenyi aṟikye kii kicha nyi echiendepfo kicha, na mndu chu mbicho ipfo kisenyi aṟikye ki kiwicho kawende-fo shindo shiwicho.

LUKA 19:22

Nao kambia, ‘Na madedo ha dumbu lyapfo nyihechikuwonyia naho owingo, iyo msoṟo mbicho. Nyi uweichi ke nyi njii mndu mkeremi, njekekuiria kindo njilaleṟie na isambuo sa njilawaaye.

LUKA 4:22

Kyasia wose wakachihiyo kyake, wakaṟihio shidedo shilya sheloda shilewuka dumbunyi lyake wakahamba, “Aka ichu chi mana o Yosefu?”

WAEFESO 4:29

Dumbunyi lyanu kulawuke-pfo idedo lyiwicho; indi orio idedo lii licha lyetarama wengi, lilele na walya kowuṟyo, kundu waimwadanya.

WAKOLOSE 4:6

Dedo lyanu liwe lyenongowya mdonyi kiheri kyose likae lyelodaloda mbala, mumanye chando kimuwari ihaluo orio mndu kiheri kyose.