IWUKA 9:8 - Bibilia Kui Mdedie fo Kimochi

⁸ Mndumii-Ruwa kawia Mose na Aroni, “Irenyi ohi lo mafu ha nungunyi ya modo, numa Mose nahakumbe huye ruwehu oshangunyi lo Farao.

IWUKA 9:8 ပူးပေါင်းရင်းမြစ်များ

IWUKA 8:16

Mndumii-Ruwa kawia Mose, “Wia Aroni, Hoṟuo ndichi yapfo, nokape kilulyi kya orukenyi, kundu kukaepfo nda iya orukenyi lose lo Misri.”

IWUKA 9:10

Kyasia wakaira mafu ha nungunyi ya modo, wakahoṟoka oshangunyi lo Farao; Mose kahakumba huye ruwehu naho hakawa maude heshimba na ipuṟuka ko wandu na ko shuma.

IWUKA 9:7

Farao kaduma wandu, na ambuya, kuwode ma umu o wana wa Israeli alepfapfo. Kyaindi mrima fo Farao fuwei mlemeri, manya nalainenge waduwo momu wakuhendie.

IWUKA 9:9

Naho hechiwa mafu mamamiri huya oruka lo Misri lose, naho hechiwa maude hechishimba na ipuṟuka ko wandu na ko shuma, orukenyi lo Misri lose.”