IWUKA 9:25 - Bibilia Kui Mdedie fo Kimochi

²⁵ Na mvuo iya ikakapa orio kiwei mademenyi kyose, mndu o wandu, na shuma, orukenyi lose lo Misri; mvuo yo ya manzaho ikakapa orio kilimu kya mademenyi, na ifunja orio ikidi lya mademenyi.

IWUKA 9:25 ပူးပေါင်းရင်းမြစ်များ

SHIIMBO SHA DAWIDI 78:47

Kanyamaṟa msabibu yawo kui mvuo ya manzaho, na mkuyu yawo kui mṟinga fo mbeo ya mtsudu.

SHIIMBO SHA DAWIDI 78:48

Kalekia mmbe tsawo tsikapo mvuo ya manzaho, na mapo hawo nyi makuṟuṟuma.

IWUKA 9:19

Kyasia, wulalu duma owinyi faṟa waitike shuma shapfo shiide na mba na isho shose uwode ipfo mademenyi hapfo; kyamba orio mndu ang'u shuma echikoyo demenyi, alameitso na mba, nechikapo nyi mvuoyo ya manzaho, nawo wechipfa.’”

IWUKA 9:24

Kyasia, kukakaapfo mvuo ya manzaho, na modo fulonganyi na mvuo iya ya manzaho, njiwawo mnu, sa ilalembono orukenyi lose lo Misri wokia lowa mkambo.

IWUKA 9:6

lyi lya ngama Mndumii-Ruwa, kawuta mbonyi tso, na shuma shose shishiwikie kulya Misri shikapfa; kyaindi kiidi kya shuma sha Waisraeli kulapfeho ma kimu.

EZEKIELI 13:13

Koikyo Mndumii-Ruwa nahamba njechiende owira lung'anyi lurianyi na mvuo ya manzaho, nalo lochiolokia omombo lo na iluolotsa wanda kipfa kya nyashi yako.

YOSHUA 10:11

Kiherikyo wawekeri idicha Waisreli ipfo mpṟimkonyi ya Beth-haroni, Mndumii-Ruwa kawasotsia mvuo ya manzaho, maho hang'anyi hawuka Ruwehu wakeri njienyi mṟasa Azeka. Kyasia walya walewoho nyi mvuo i ya maho nyi wawefoi kota walya walewoho nyi shisha sha Waisraeli.