IWUKA 8:4 - Bibilia Kui Mdedie fo Kimochi

⁴ Na lyefurumia shilo sho shechikudoya iyo, na huya wandu wapfo, na huya waṟundi wapfo wose.’”

IWUKA 8:4 ပူးပေါင်းရင်းမြစ်များ

1WAMANGI 13:6

Mangi kahaluo, kawia mndu ulya o Ruwa, “Terewa Mndumii-Ruwa opfo, unjiterewie, kundu njiwihiṟio owoko loko.” Mndu ulya o Ruwa katerewa Mndumii-Ruwa, owoko lo Mangi lukawihiṟo lukawa chandu luwei kuwoka.

SHIIMBO SHA DAWIDI 107:40

Kapusuya wanene wuilo, na iwatengesha kiidi kya nuka ilawode njia.

IWUKA 10:17

Kyasia wulalu, ngamuterewa, njihoṟienyi wunyamaṟi woko kambalyi limu tupu, muterewe Mndumii-Ruwa, Ruwachu onu, nakenjiwuta opfu lu tupu.”

IWUKA 8:24

Mndumii-Ruwa, kawuta ado; kukocha tendemra nzi tsa kiṟiha mnu nakamu, tsikaida na mba ko Farao, na mba ko waṟundi wake, na orukenyi lose lo Misri; nalo oruka lukanyamaṟika kipfa kya nzi tso.

IWUKA 8:3

na medafo fochiichuo ngelepacha, natso tsechidoya huye tsiide na mba kopfo, na kiṟihenyi kyapfo kelaa, na kitaṟenyi kyapfo, na mmbenyi ya waṟundi wapfo, na huya wandu wapfo, na kiidi kya mariko hapfo, na kiidi kya shihia shapfo sheruwikia mso.

IWUKA 8:5

Mndumii-Ruwa kawia Mose, “Wia Aroni, ‘Hoṟuo owoko lopfo na ndichi yapfo huya meda, huya shimeda, na huya nduwa; tsa mṟinga, noendepfo ngele tsicheye orukenyi lose lo Misri.’”

IWUKA 9:28

Terewenyi Mndumii-Ruwa; cha kipfa makuṟuṟuma ha hang'anyi mnu na mvuo yo ya manzaho hashikie, na inyi njechimuinenga momu mukuhendie, mlakaese ngoseṟa.”

YESAYA 19:11

Wanene wa Soani wawa matondo piu; wenyi wuchili waṟango wa Farao, chila yawo yawatondosha; nyi wuda mochiidima iwia Farao, “Inyi nyi mana o mndu mṟango na mana o mangi o kacha?”

YESAYA 19:22

Nao Mndumii nyi echikapa Misri, kekapa na ichiṟa; nawo wakawuya ko Mndumii, nechiidikia shiterewo shawo na iwachiṟa.

YESAYA 23:9

Mndumii menyi Matorito nyio aleanduo iki, kundu nanyamaṟe orikiki lo kiṟumi kyose, na isutsa wandu wa wuyana wose piu.

DANIELI 4:37

Na hong'u inyi Nebukadneza njiadapfuma Mangi ya ruwehu, njimṟumisha, njimuindia; kipfa mawuto hake hose nyi ha lohi, na njia tsake nyi tsa sumuhana; walya wekushela wose nekewasotsa.

MAITALA 21:7

Kyasia wandu wakahendia Mose, wakambia, “Lomewuta wunyamaṟi lukanunuwia Mndumii-Ruwa na iyo daa. Terewa Mndumii-Ruwa naluwute njokatsi.” Nahong'u Mose katerewia wanduwo.