IWUKA 7:9 - Bibilia Kui Mdedie fo Kimochi

⁹ “Ili Farao echideda nanyo, namuwie, kewutenyi ṟiho; nlyondi ochiwia Aroni, ‘Wada ndichi yapfo, noikape wanda oshangunyi lo Farao, kundu ihaluke njoka.’”

IWUKA 7:9 ပူးပေါင်းရင်းမြစ်များ

IWUKA 10:13

Kyasia Mose kahoṟuo ndichi iya yake huya oruka lo Misri, na Mndumii-Ruwa kaende otanu kuwuka ora lo ngamenyi huya oruka, mkonu puti, na kio taṟaṟaa; koikitambaṟuka otanu lulya lo ora lo ngamenyi lukaende nzihe.

IWUKA 4:17

Na iyo nochiambia ndichi ii owokonyi lopfo, na kui ndichi ii nochiloṟa shichano shilya.”

IWUKA 4:2

Mndumii-Ruwa kambia, “Nki ki ikyo uwode ipfo owokonyi lopfo?” Kahamba, “Nyi ndichi.”

IWUKA 4:20

Kyasia Mose kaira mka oke na wana wake, kawadosia mhongohu fo nzoi, na kawuya tane Misri; na Mose kaduo ndichi iya ya Ruwa owokonyi loke.

IWUKA 4:3

Kammbia, “Ikumbe wanda;” kaikumba wanda, nayo ikahaluka njoka; Mose kadicha oshangunyi loyo.

IWUKA 7:8

Mndumii-Ruwa kadeda na Mose na Aroni, kahamba,

IWUKA 9:23

Mose kaleshia owoko loke ruwehu; na Mndumii-Ruwa kaende makuṟuṟuma na mvuo ya manzaho; na modo fukaoloka orukenyi; Mndumii-Ruwa kaende mvuo ya manzaho orukenyi lose lo Misri.

YESAYA 7:11

“Shiha kichano kya Mndumii-Ruwa opfo; shiha handu kui wanda mnu ang'u handu kui huye mnu.”

EZEKIELI 29:3

Mbie kudi, Inyi Mndumii-Ruwa menyi matorito ngahamba njidi: “Inyi njelimbana na iyo mangi o Misri, Iyo nyi kinyau kilee medenyi Nili! Kyamba nuichi ke meda fo Nili nyi fopfo, Ke nyi iyo ufuwikie!

MATAYO 12:39

Nao kahalwo kawawia, “Mbaṟi-i ya wandu i mbicho idahye na iṟuhuya nyi ipfula kiṟingishyo. Nayo ma yechinengyo kiṟingishyopfo chila na kiṟingishyo kya mwikimbi Yona.

YOHANE 10:38

Indi kokoya ngawa mohawuta nahong'u mulanjiidikye inyi modeda, keidikyanenyi na maṟunda ho hako mukuwutye-ho imanya kya kisimirya ke o Wande ai na inyi na inyi njii na Wande.”

YOHANE 2:18

Kikatewa Wayuda wakawesa Yesu, “A nyi kichano kya kiki owuta oluloṟa ke nuwode pfinya ili ohenda itana kudo?”

YOHANE 6:30

Nahong'u wakambia, “A nyi kiki otana kyeluloṟa kichano so lukiwone luwute-ho ikuidikya iyo. Nyi owika-pfo kuda ngesa?