IWUKA 7:5 - Bibilia Kui Mdedie fo Kimochi

⁵ Na Wamisri wechimanya ke inyi njii Mndumii-Ruwa, ili njechihoṟoya owoko loko Misri na iwutapfo wana wa Waisraeli wawuke kiidi kyawo.”

IWUKA 7:5 ပူးပေါင်းရင်းမြစ်များ

SHIIMBO SHA DAWIDI 138:7

Ma ngawechumia kiidi kya wukiwa nochinjiamtsa, nochihoṟuo owoko huye ya nyashi ya wakituwa wako, na owoko lopfo lo kulyo lochinjikiṟa.

SHIIMBO SHA DAWIDI 9:16

Mndumii nyi akuloṟa kainutsya mwanduye; Nyi adeha mtahachi kui maṟunda ha mawoko hake.

IWUKA 10:2

Na iyo noidime ihamba madunyi ha mana opfo, na madunyi ha mchuku opfo, nyi mbonyi njiki njilewutia Misri na shichano shako njileloṟa kiidi kyawo; wawuteho imanya ke inyi nyi Mndumii-Ruwa.”

IWUKA 10:7

Nyilyondi waṟundi wa Farao wakambia, “Mnduchu nechiwa mdeho koduso mṟasa indii? Inenga wanduwa momu wakuhendie, wakeṟundia Mndumii-Ruwa, Ruwa owo; ate omemanya ke Misri yamenyamaṟika?”

IWUKA 14:18

Na Wamisri wechimanya ke Inyi njii Mndumii-Ruwa ilyi njechikuwonyia kiṟumi ko Farao, na makari hake, na wedoya frasi tsake.”

IWUKA 14:4

Na inyi njechiumiṟa mrima fo Farao, nao namuoshe numa, inyi njii Mndumii-Ruwa.” Kyasia wakawuta wado.

IWUKA 18:8

Mose kaongoya ndee o mka mbonyi tso tsose Mndumii-Ruwa, alewutia Farao na Wamisri kui kipfa kya Waisraeli. Na mbonyi njiumu tsose tsilemhoya njienyi, na chandu Mndumii-Ruwa alewaashuo.

IWUKA 3:20

Na inyi njechihoṟuo owoko loko, na ikapa Misri kui ṟiho tsako tsose, njechitsiloṟa kiidi kyake, na numa nechimwinenga momu muhende

IWUKA 6:1

Mndumii-Ruwa kawia Mose, “Wulalu nochiwona chandu njechiwutia Farao; kyamba kui owoko lukahari nechiwainenga momu wakuhendye kowo, na kui owoko lukahari nechiwafuna orukenyi loke.”

IWUKA 6:6

Kyasia, wia wana wa Waisraeli, lnyi nyi Mndumii-Ruwa, na inyi njechimuwuta nyo muwuke ipfo shia maṟio ha Wamisri, na inyi njechimuashuo wusingenyi wowo, na inyi njechimukiṟa kui owoko luhoṟotsu, na kui mwanduye fung'anyi;

IWUKA 7:17

Mndumii-Ruwa nahamba, ‘Kya mbonyitsi nochinjimanya ke inyi nyi Mndumii-Ruwa; ambuya, njikapa mṟingafu fo ipfo medenyi na ndichi ii njiwode owokonyi loko, nafo fochihaluka fuwe samu.

IWUKA 8:10

Farao kambia, “Ngama.” Kahamba, “Kikekuwia kido chandu ohamba; kundu nokuwutieho imanya ke kuipfo ang'anyi cha Mndumii-Ruwa, Ruwa odupfo.”

IWUKA 8:19

Nalyo wahanga walya wakawia Farao, “Iki nyi kimnyo kya Ruwa;” na mrima fo Farao fukawa mlemeri, nalawaadanyie; na wudo da chandu Mndumii-Ruwa ewawia.

IWUKA 8:22

Na inyi mkonufo njechiletsana oruka lo Gosheni, handu wandu wako wekekaa, kundu nzi tso tsilakaepfo; kundu iyo nowuteho imanya ke inyi nyi Mndumii-Ruwa, kiidi kya wuyana.

EZEKIELI 25:17

Kipfa njihenda iwataa kiṟache king'anyi kui nyashi yako, nawo wechiwutaho imanya ke inyi nyi Mndumii-Ruwa, ili wechiwona kiṟache kyako huye yawo.”

EZEKIELI 28:22

uwute wuikimbi kipfa kyapfo ke Inyi Mndumii-Ruwa ngahamba njidi: ‘Inyi njihenda ilimbana na iyo Sidoni, njihende ikuloṟiaho mng'ano foko kiidi kyapfo, Ili mandi njechiawutsiaho muanduye yako huye yapfo, njiwekuloṟa wuele woko, nyi lyo mandi ochiwutaho imanya ke Inyi nyi Mndumii-Ruwa.

EZEKIELI 32:15

“Kyamba ili mandi njikeri ihenda ihaluo orukalo lo Misri nuka ya msanga, na masaa hake hose hadao, na wandu wake wose wahende iwoho, nahong'u nyi wechiwutaho imanya ke Inyi nyi Mndumii-Ruwa.

EZEKIELI 36:23

Ambuya nyi njikeri ihenda iwihiṟia wuindi woko wuele rina li lyako mlelisalucha kiidi kya mkambo ya wandu. Kipfa kya ikyo mkambo yo ya wandu wechihenda imanya ke inyi nyi Mndumii-Ruwa. Nyi Inyi Mndumii-Ruwa menyi matorito ngahamba. Kyamba kipfa njechihenda iwaloṟa kiṟumi kya rina lyako.

EZEKIELI 39:22

Waisaeli nyi wechimanya ke Inyi Mndumii-Ruwa njiwekerise Ruwa owo wokia maheriho na wulalu.

EZEKIELI 39:7

Rina lyako liele lyechihenda imanyika kiidi kya Israeli. Manya njechiinengase wandu momu wasaluchese rina li lyako lielepfo. Kyasia wandu wa mkambo wechiwutaho imanya ke inyi nyi Mndumii-Ruwa ai mwele o Israeli.