IWUKA 7:16 - Bibilia Kui Mdedie fo Kimochi

¹⁶ Na iyo nommbie, ‘Mndumii-Ruwa, Ruwa o Waebri, nanjiduma kopfo, ikuwia, Inenga wandu wako momu, kundu wahende injiindia ipfo nuka; na iyo omenjiicho mṟasa wulalupfo.’

IWUKA 7:16 ပူးပေါင်းရင်းမြစ်များ

IWUKA 10:3

Kyasia, Mose na Aroni wakaida na ko Farao, na immbia, “Mndumii-Ruwa o Waebri, nahamba adi, Ngesa! Nochileha mṟasa indi ihendelia oshangunyi loko? Inenga wandu wako momu wakuhendie, kundu wanjiṟundie.

IWUKA 13:15

nahong'u kiwekeri ili Farao alekuumiṟa mrima foke, alaluinenge momu fokurepfo, Mndumii-Ruwa kakapa wawee wose wawei orukenyi lo Misri, wa wandu na wa shuma; kui kipfa kya ikyo njekeinenga Mndumii-Ruwa wawee wose, kokoya nyiwa kisoṟo; kyaindi wana wawee wose wa wana wako njekewatalaa.

IWUKA 14:5

Mangi ya Misri kawio ke wandu walya wamedicha; na mrima fo Farao, na mrima ya waṟundi wake ikahalutso ilawe cha ya wanduwo, nawo wakahamba, “Nki ki ikyo lowuta, lukalekia wana wa Waisraeli wahende walaluṟundiese?”

IWUKA 3:12

Na Mndumii-Ruwa, kahamba, “Nkya lohi njechikaa hamu na iyo na kichano ke nyi inyi ngakuduma nkyo iki; komemarisa iwuta wanduwo ipfo Misri, mochiindia Ruwa kunu fumvunyi.”

IWUKA 3:13

Mose kawia Ruwa, “Ambuya, ili njechishika ko wana wa Waisraeli, na iwawia, Ruwa o ndeanu nanjiduma konu; nawo wakanjiwesa, Rina lyake nyiu? Njiwawie njida?”

IWUKA 3:18

Nawo wechiicho ṟu lyapfo; na iyo nochihenda, iyo na wameku wa Waisraeli ko mangi ya Misri, nommbie, Mndumii-Ruwa o Waebri nakoyana naso, ko ikyo wulalu lokuterewa, luienge momu luhende ohendo lo mkonu iṟaṟu kulya nuka, luhende iwutiapfo Mndumii-Ruwa odu kidaso.”

IWUKA 4:22

Na iyo nowie Farao, Mndumii-Ruwa nahamba adi, Israeli nyi mana oko, mana oko mmbee;

IWUKA 4:23

Na inyi ngakuwia, ‘Inenga manachu oko momu nakuhendie, kundu naidime injiṟundia, na iyo koleha imnenga momu nakuhendie; kyasia ambuyang'u, inyi njechiwaaha mana opfo, mmbee.’”

IWUKA 7:4

Indi Farao echimuadanyiapfo, na inyi njechihekia owoko loko huya Misri, na iwutapfo matorito hako, wandu wako, wanawo wa Waisraeli, wawuke orukenyi lo Misri kui mdumbuye ing'anyi.

IWUKA 8:1

Mndumii-Ruwa kawia Mose, “Ida na ko Farao, nommbie, ‘Mndumii-Ruwa nahamba adi, Inenga wandu wako momu, kundu waidime injiṟundia.

IWUKA 8:20

Mndumii-Ruwa kawia Mose, “Kure ngamenyi otuko nohoṟoke sumhana na Farao; ambuya naikure nahende mṟingenyi, nokemmbia, ‘Mndumii-Ruwa nahamba: Inenga wandu wako momu wakuhendie kundu wanjiṟundie inyi.

IWUKA 9:1

Naho Mndumii-Ruwa kawia Mose, “Iyo ida na ko Farao, nommbie, ‘Mndumii-Ruwa, Ruwa o Waebri, nahamba: Inenga momu wandu wako kundu wahende njiṟundia.

IWUKA 9:13

Mndumii-Ruwa kawia Mose, “Kure ngamenyi otuko, nohoṟoke oshangunyi lo Farao, nommbie, ‘Mndumii-Ruwa o Waebri, nahamba: Inenga wandu wako momu kundu wahende injiṟundia.

YESAYA 45:13

Inyi njilemuira kiidi kya wulohi, inyi njechihoṟotsa njia tsake tsose; njechiwika mṟi foko, nao nalekie wandu wako walesamiṟo, kulawode itaa fesa ma iinengo kindo kya nnga,” Mndumii menyi Matorito ahamba.

YEREMIA 50:33

Mndumii-Ruwa o matorito nahamba adi: “Wandu wa Israeli wakeri iwonyio; kake na wandu wa Yuda. Walya walewaduo wapfungo wawawada ma walakunde iwalekia.