IWUKA 4:5 - Bibilia Kui Mdedie fo Kimochi

⁵ kundu wawuteho iidikia ke Mndumii-Ruwa, Ruwa o Abrahamu, Ruwa o Isaki, Ruwa o Yakobo amekuchea.”

IWUKA 4:5 ပူးပေါင်းရင်းမြစ်များ

MAWOOKIONYI 12:7

Mndumii kawonekia Abramu, kechihamba, “Njechiinenga luwa lyapfo orukalu.” Nao kawikia Mndumii chu alemchea kitaṟa kewikia kidaso.

MAWOOKIONYI 17:1

Kiheri Abramu awei mndu o maaka makumi kenda na kenda, Mndumii-Ruwa kachea Abramu, kambia, “Inyi nyi Ruwa. Menyi wuitoṟi, chumia oshangunyi loko, kulawode tewe.

MAWOOKIONYI 18:1

Na Mndumii-Ruwa kawonekia Abrahamu kufui na mashidi ha Mamre, kiheri awedamie o mongo fo ihema lyake kiheri kya mrike fo mfiri.

MAWOOKIONYI 26:2

Mndumii kammbonekia, kahamba, “Kulasoke wohenda Misri, kaa orukenyi sa njechikuwia.

MAWOOKIONYI 28:13

Ambuya, Mndumii-Ruwa nahoṟokiho, kechihamba, “Inyi nyi Mndumii, Ruwa o ndeo Abrahamu, na Ruwa o Isaki; orukalu uleepfo njechikuinenga iyo na oshari lopfo.

MAWOOKIONYI 48:15

Kawikia Yosefu mboṟa, kahamba, “Ruwa ichu wande wako Abrahamu na Isaki walechumia oshangunyi loke, o Ruwa chu alenjiteteṟa ohendo lo moo foko fose mṟasa inu,

MAWOOKIONYI 48:3

Yakobo kawia Yosefu, “Ruwa Menyipfinya nalenjichea kulya Luzu, orukenyi lo Kanaani, kanjiwikia mboṟa,

1WAMANGI 18:36

Kekishikia kiukanyi kiheri kya kidaso kya kiukanyi, mwikimbi Elia kasembelia, kahamba, “Iyo Mndumii-Ruwa o Abrahamu, na o Isaki na o Israeli, na kimanyike na pata, ke iyo nyio Ruwa kiidi kya Israeli, na ke inyi nyi mṟundi opfo, na ke ngawuta shose kui idedo lyapfo.

2MBONYI TSA MAHERI 20:20

Ili lya ngama, wakakure ngamenyi na otuko, wakahenda mṟasa kiidi kya nuka ya msanga ya Tekoa. Kiheri waweikure wahende, Yehoshafati kahoṟoka, kawawia, “Njiadanyienyi, nyo wandu wa Yuda na wandu wekekaa Yerusalemu! Idikienyi Mndumii-Ruwa, Ruwa onu, nanyo mochikutumuhaṟa. Muidikie waikimbi wake, nanyo mochihuyo.”

IWUKA 19:9

Mndumii-Ruwa kawia Mose, “Ambuya, Inyi njiicha na kopfo kiidi kya ipuchi lyiwanzi kundu wanduwa waicho kiheri njechideda na iyo, kundu nawo wawuteho ikuidikia iyo tane mlungana.” Mose kawia Mndumii-Ruwa, madedoho ha wandu.

IWUKA 3:15

Ruwa kawiase Mose, “Wia wana wa Waisraeli madedo ha, MNDUMII Ruwa o ndeanu, Ruwa o Abrahamu, Ruwa o Isaki, Ruwa o Yakobo nanjiduma konu; ili nyilyo rina lyako tane mlungana, nalyo nyi ngumbuo yako tane marika hose.

IWUKA 3:16

Henda, sanyia wameku wa Waisraeli handu hamu nowawie Mndumii-Ruwa o ndeanu, Ruwa o Abrahamu, Ruwa o Isaki, Ruwa o Yakobo, nalenjichea, kanjiwia, nkya lohi ngamuchease, njilewonase isho muiwutio ipfo Misri.

IWUKA 3:18

Nawo wechiicho ṟu lyapfo; na iyo nochihenda, iyo na wameku wa Waisraeli ko mangi ya Misri, nommbie, Mndumii-Ruwa o Waebri nakoyana naso, ko ikyo wulalu lokuterewa, luienge momu luhende ohendo lo mkonu iṟaṟu kulya nuka, luhende iwutiapfo Mndumii-Ruwa odu kidaso.”

IWUKA 3:4

Mndumii-Ruwa kekiwona ke nahaluka naambuye, Ruwa kamlaha kuwuka makidi hawi ha kingeṟa kilya kahamba, “Mose! Mose!” Kahamba, “Aichu njii a.”

IWUKA 3:6

Kahambase, “Inyi nyi Ruwa o ndee, Ruwa o Abrahamu, Ruwa o Isaki, na Ruwa o Yakobo.” Mose kashikia kyamu kyake; kyamba naleowuo iambuya Ruwa.

IWUKA 4:1

Mose kahaluo kahamba, “Kyaindi, ambuya, wechinjiidikiapfo, manya wechiicho ṟu lyakopfo, kipfa wechihamba, Mndumii-Ruwa alekucheapfo.”

IWUKA 4:31

Wandu wakaidikia, na lilya waleicho ke Mndumii-Ruwa nachea wana wa Waisraeli, na ke nalewona matuuro hawo, wakaaramtsa mdo yawo wakaadapfuma.

IWUKA 4:4

Mndumii-Ruwa kawia Mose, “Hoṟuo owoko lopfo, noiwade mhasifo; (kahoṟuo owoko loke kaiwada, nayo ikahaluka ikawa ndichi owokonyi loke),

YESAYA 7:9

na mdo fo Efraimu nyi Samaria, na mdo fo Samaria nyi mana o Remalia, mulakunde iidikia nyi kya lohi mochiwanga-pfo.”

YEREMIA 31:3

inyi Mndumii-Ruwa ngawachea njiwuka haleshe. Inyi njikundi kui ikunda lya lohi, ko ikyo ngaweengeṟa iwa mhendeli kopfo.

YOHANE 11:15

Na inyi ngachihio ili njilawekeriho kipfa kyanu nyo kundu muwuteho iidikya. Indi nndenyi-ng'u luhende kulya koke.”

YOHANE 11:42

Na inyi na mbeichi nyi owa monjiadanya kiheri kyose. Kya indi nyi kipfa kya wandu wa wahoṟoki iya waiṟingichye nkyondo ngakihambya kundu wechiwuta-ho iidikya ke nyi iyo unjidumye.”

YOHANE 20:27

Kiidima kawia Toma, “Keende-ng'u kimnyo kyapfo na aa noweambuya na mawoko hako, uweende na owoko lopfo noluwike aa owarinyi loko. Ma kulawe mlemeshi iidikya kya indi uwe mwidiki.”

YOHANE 20:31

Kya indi itsi tsii-njiṟehye-ho kundu mukuutyeho iidikya ke Yesu akeri Kristo Mana o Ruwa, na ipfo kundo mwidikye mudi mushike ikoya-pfo moo kui pfinya ya rina lyo lyake.

YOHANE 5:36

Indi inyi njiwode kiṟingishyo kyako king'anyi kota kilya kya Yohane. Kyamba maṟunda njiṟunda halya wande alenjienenga njihaṟunde, naho nyiho haiṟingishia ke nyi Wande alenjiduma.

MAWUTO HA WASU 7:2

Stefano kahamba, “Wanawawama wako na wawandie wako, kenjiadanyenyi! Ruwa chu menyi wuitoṟi alewonekya mku chu odu Abrahamu lyamandi ei kulya Mesopotamia alamehenda kulya Haranyi.

WAEBRANIA 11:16

Indi wulalu nyi kilya kicha kota walekikuleshya, nakyo nyi kya ruwehu. Nkyo kimaduma Ruwa alawepfia sonu isendo Ruwa owo, kyamba nyi alewawikya mṟi.