IWUKA 33:3 - Bibilia Kui Mdedie fo Kimochi

³ washikie oruka lokeletseka maruwa na wuki; cha kipfa inyi njechichumia kiidi kyanupfo; kyamba nyo mui wandu wawode ngoo njiumu; njilashike iwaarisia njienyi.”

IWUKA 33:3 ပူးပေါင်းရင်းမြစ်များ

2WAMANGI 17:14

Kyaindi walakunde iicho, wakaumiṟa mrima yawo cha wasahuyawo walawekundi iidikia Mndumii-Ruwa, Ruwa owo.

SHIIMBO SHA DAWIDI 78:8

Ee-da, walawe cha wandee wawo, kishari kya mtoolo na wutimbiri, kishari kilekekusungusia mrimenyi, manya mrimenyi foke fulawei lohi ko Ruwa.

IWUKA 13:5

Na kechiwa ili Mndumii-Ruwa, echimuduo mṟasa orukenyi lo Wakanaani, na Wahiti, na Wahivi, na Wayebusi, orukalo aleliia wandeanu nyamu ke nechikuinenga iyo, nyi oruka luwode maruwa na wuki, nlyondi mochiwada kiṟundio ki kiidi kya merifu.

IWUKA 23:21

Kuringenyi oshangunyi loke, mwadanyie ṟu lyake; manya mulamdose nyashi; kyamba; echimuhoṟia madeko hanupfo; cha kipfa rina lyako lyii ipfo kiidi kyake.

IWUKA 3:17

Na inyi ngahamba, Njechimudosa kuwuka kiidi kya matuuro ha Misri na imuduo orukenyi lo Mkanaani, na Mhiti, na Mwamori, na Mperizi, na Mhivi, na Myebusi, njechiwaduo orukenyi luichuo maruwa na wuki.

IWUKA 3:8

na inyi ngasoka njicheiwaashuo mawokonyi ha Wamisri. Njechiwawutapfo njiwadose kuwuka orukalo tane oruka lucha, na lusalari; oruka luichuo wuki na maruwa; oruka lo Mkanaani, na Mhiti, na Mwamori na Mperizi, na Mhivi, na Myebusi.

IWUKA 32:14

Na Mndumii-Ruwa kailacha wuwicho wulya alehamba ke nechiwutia wandu wake.

IWUKA 33:5

Mndumii-Ruwa kawia Mose, “Wia wana wa Waisraeli, Nyo nyi wandu muwode ngoo njiumu; kokoya ngaida na kiidi kyanu oweṟe lumu, njechimrumatsa; kyasia wulalu kuatuonyi shindo shanu sha wulole kundu njiidime imanya kindo njechimuwutia.”

IWUKA 34:9

Kahamba, “Kokoya wulalu ngawona osaṟio oshangunyi lopfo, Mndumii-Ruwa ngakuterewa, Mndumii-Ruwa nochumie kiidi kyadu, kyamba nyi wandu luwode ngoo njiumu; nokeluhoṟia wuwicho wodu na wunyamaṟi wodu, nolukudaye luwe waoṟi wapfo.”

YESAYA 48:4

Kipfa njilemanya ke iyo nyi uwode mtolo, na nzingo yapfo nyi ya menya, na kyaanda kyapfo cha aṟeṟa;

YEREMIA 11:5

Wakawuta wado inyi njechiinutsia shose shako njilewia waku wawo kya iwainenga oruka luwode maruwa na wuki chandu ki itane inu.” Na inyi ngahaluo “Kiwe kido Mndumii-Ruwa.”

EZEKIELI 20:6

Kiherikyo njilewawikia kyasa ke njihenda iwawuta orukenyi lo Misri njiwaduo orukenyi njilewasumbuṟia njimonyi, oruka luichuo wuki na maruwa, oruka sa lulucha kota njoruka tsingi tsose.

WALEWI 20:24

Kyaindi, ngamemaa imuwia, “Mochioṟa oruka lowo, Inyi ngamuinenga orukalo muluitoṟie, oruka luisoka maruwa na wuki.” Inyi nyio Mndumii-Ruwa, Ruwa onu njilemuletsana na mkambo ingi ya wandu.

YONA 3:10

Ruwa kawona mawuto hawo, ke wandu wadumbuya lohi wakada mkao yawo njiwicho. Nahong'u Ruwa kada kilya kiwicho alehamba awekundi ikiwuta, kailacha mahiyo hake.

YONA 3:4

Yona kawoka iida na kulya mṟinyi mfiri fumu mfi, kakoṟoṟoma kechihamba, “Kukamsia mfiri makumi haana Niniwe fochirumatso.”

MAITALA 13:27

Walewia Mose, “Luleshika orukenyi kuleluduma luhende iitichia; nyi oruka luwode wuki wufoi na maruwa hafoi na ili nyi indunda lyalo.

MAITALA 14:12

Njechiwakapa kui ndaṟe njiwicho na iwaarisia kuleshe; kyaindi kipfa kyapfo iyo, njechisungusia mkambo fungi fung'anyi, fuwode pfinya kotawo.”

MAITALA 14:8

Kokoya Mndumii-Ruwa achihio kyaduso, nechiluduopfo na iluinenga orukalo luwode mfoeṟa fo maruwa na wuki.

MAITALA 16:13

Ngesa, nyi kindo kitutu ili kuleluwuta kulya Misri, oruka luwode maruwa na wuki, kundu noche iluwaahia kunu nuka? Kingise, nokutana mnene odu!

MAITALA 16:21

“Lekanenyi na wanduwa, njiwakombetse wulalu kudi.”

MAITALA 16:45

“Kaa haleshe na wandu wa njiwakombetse wulalu kudi! Kyaindi wo wakakukumba wanda na kyamu.”

MAWUTO HA WASU 7:51

Nyo nyi mui mudi na okuchu mulunganyi ilehya Mumuyo Mwele mulai wadine ngoo manya madu; chandu waku wanu wawewutye nanyo na wudo da.

NGUMBUO YA MAWAWASO 4:24

cha kipfa Mndumii-Ruwa, Ruwa onu nyi modo fokekombetsa; o nyi Ruwa moṟisaṟisa.”

YOSHUA 5:6

Waisraeli nyi walechumia kyaṟonyi kulya nuka handu ha maka makumi hana (40), koikyo wasoṟo wose waweshitsie maka yehenda shidenyi nyi walearisikia kulya nuka kipfa walalekunda iicho kilya Mndumii-Ruwa alewawia. Kyamba Mndumii-Ruwa nyi naweliye wandu wo nyamu ke nyi echiwainenga oruka luichuo maruwa na wuki, nyi wudo aweteṟie wandu wo.

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.