IWUKA 3:8 - Bibilia Kui Mdedie fo Kimochi

⁸ na inyi ngasoka njicheiwaashuo mawokonyi ha Wamisri. Njechiwawutapfo njiwadose kuwuka orukalo tane oruka lucha, na lusalari; oruka luichuo wuki na maruwa; oruka lo Mkanaani, na Mhiti, na Mwamori na Mperizi, na Mhivi, na Myebusi.

IWUKA 3:8 ပူးပေါင်းရင်းမြစ်များ

MAWOOKIONYI 11:5

Ruwa kacha iwona mṟi na mnaṟa fulya wandu waweifuwika.

MAWOOKIONYI 11:7

Lusokeng'u napfo, luwarahanyitse mdediefo fowo kundu walaadanyanese madedo wo wenyi ko wenyi.”

MAWOOKIONYI 15:13

Mndumii kawia Abramu, “Nomanye lohi ke oshari lopfo wechiwa wahenu orukenyi lulai lowo, wechisingia wandu wo, nawo wechiwalisa wukiwa maaka mahana haana (400).

MAWOOKIONYI 15:14

Na mkambofo, wechiwasingia, njechiwaanduya numa, wechiwukapfo na masaa hafoi.

MAWOOKIONYI 18:21

nahong'u, njikeri isoka wulalu njiwone kokoya isho waiwuta shisumhanyi na kieṟeṟo kilya kilenjichea, ang'u kokoya chi wudopfo, njimanye.”

MAWOOKIONYI 43:11

Ndee Israeli kawawia, kokoya nyi wudo, wikenyi mudi; irenyi shindo shicha sha kunu orukenyi muwike ipfo shikunjenyi shanu, mudaye mnducho shindo sha nnga, zeri kitutu, na wuki sa wututu, ubani na manemane, na lozi na jozi.

MAWOOKIONYI 46:4

Inyi njechisoka hamu na iyo tane Misri; na inyi njechikuwihiṟase, ili ochipfa Yosefu nechishikia meso hapfo na owoko loke.”

MAWOOKIONYI 50:24

Yosefu kawia wana wa mae, “Inyi njikeripfa, kyaindi Ruwa nechimuchea nyo nechimudosa kuwuka kunu orukenyi, mṟasa kulya orukenyi aleliia Abrahamu, na Isaki na Yakobo nyamu.”

1MBONYI TSA MAHERI 1:15

na Wahivi, na Waarki, na Wasini;

NEHEMIA 9:8

Kowembona ke nyi awei mhendeli oshangunyi lopfo, kowembikia kyasa ke nyi ochiinenga oshari loke oruka lu lo Wakaanani, Wahiti, Waamori, Waperizi, Wayebusi na Wagirgashi. Naiyo koweawutsia kyasa ki kyapfo, kyamba nyi ukeri mhendeli.

SHIIMBO SHA DAWIDI 12:5

Kipfa kya iwonyio lya wafafa, Kipfa kya isumkia lya wahuṟi, Wulalu njechihoṟoka; Mndumii ahamba, Njechiringa ichu waimpiṟa.

SHIIMBO SHA DAWIDI 12:6

Madedo ha Mndumii hai Maele, Hafananyi na fesa injikoṟe modonyi, iya wuyana; Injisanje ka mfungade.

SHIIMBO SHA DAWIDI 34:8

Sahenyi muwone chando Mndumii ai mcha. Nanga mndu ulya akusirie koke.

SHIIMBO SHA DAWIDI 91:15

Nechinjilaha na inyi njechimwidikia, njechikaa handu hamu nao maukiwenyi, njechimkiṟa na imng'anyisha.

IWUKA 12:41

Kiwei masionyi ha makayo mahana haana na makumi haṟaṟu (430), nyi kiwei mkonu fulya fulya ke matorito ha Mndumii-Ruwa, halewuka orukenyi lo Misri.

IWUKA 12:51

Fuwei mkonu na fulya fulya fumu, Mndumii-Ruwa iwuta wana wa Waisraeli orukenyi lo Wa Misri kui matorito hawo.

IWUKA 13:5

Na kechiwa ili Mndumii-Ruwa, echimuduo mṟasa orukenyi lo Wakanaani, na Wahiti, na Wahivi, na Wayebusi, orukalo aleliia wandeanu nyamu ke nechikuinenga iyo, nyi oruka luwode maruwa na wuki, nlyondi mochiwada kiṟundio ki kiidi kya merifu.

IWUKA 3:17

Na inyi ngahamba, Njechimudosa kuwuka kiidi kya matuuro ha Misri na imuduo orukenyi lo Mkanaani, na Mhiti, na Mwamori, na Mperizi, na Mhivi, na Myebusi, njechiwaduo orukenyi luichuo maruwa na wuki.

IWUKA 34:11

Ambuya idedo lyi njikuwawasia inu; ambuya, mbele yapfo ngawutaho Mwamori, na Mkanaani, na Mhiti, na Mperizi, na Myebusi, na Mhivi.

IWUKA 5:23

Cha kipfa wokia njilehenda ko Farao, ngadeda nao kui rina lyapfo, nalewutia wandu wa mawicho; manya kuleashuo wandu wapfo manyalepfo.”

YESAYA 36:17

mṟasa njiche imuduo oruka kui cha oruka lonu muwenyi, oruka lo mso na mvinyo, oruka lo mkate na madema ha msabibu.

YESAYA 64:1

Kima kiwechiwa kong'alawuo ruwehu kosoka kundu mafumvu hadedeme oshangunyi lopfo,

YEREMIA 11:5

Wakawuta wado inyi njechiinutsia shose shako njilewia waku wawo kya iwainenga oruka luwode maruwa na wuki chandu ki itane inu.” Na inyi ngahaluo “Kiwe kido Mndumii-Ruwa.”

YEREMIA 2:7

Inyi ngawawika kiidi kya oruka luichuo kando, mulyepfo ndunda na mecha hose haipfo, indi nyo kiheri kilya muleida kiidi kya oruka lulya, mulefanyitsa oruka lulya loko na kyooṟa kyako mkakihaluo kindo kisuikie.

YEREMIA 32:22

Kowainenga orukalu uweteṟie waku wawo oruka luisotsa wuki na maruwa.

EZEKIELI 20:6

Kiherikyo njilewawikia kyasa ke njihenda iwawuta orukenyi lo Misri njiwaduo orukenyi njilewasumbuṟia njimonyi, oruka luichuo wuki na maruwa, oruka sa lulucha kota njoruka tsingi tsose.

WALEWI 20:24

Kyaindi, ngamemaa imuwia, “Mochioṟa oruka lowo, Inyi ngamuinenga orukalo muluitoṟie, oruka luisoka maruwa na wuki.” Inyi nyio Mndumii-Ruwa, Ruwa onu njilemuletsana na mkambo ingi ya wandu.

AMOSI 2:10

Ngoseṟa njilewadosa wuka orukenyi lo Misiri, ngawateteṟa maaka makumi haana kulya nuka, kundu mwitoṟie oruka lo Mwaamori.

MAITALA 13:18

Muitiichie orukalo chandu lui. Risenyi-da kokoya wandu waipfo wawode pfinya ang'u wai wafafa, wafoi ang'u waangu.

MAITALA 13:19

Tiichienyi kokoya orukalo lulucha ang'u luwicho, na kokoya mṟi yawo wekekaa nyi makambi ang'u nyi mba tsinjiṟingichie na omombo.

MAITALA 13:27

Walewia Mose, “Luleshika orukenyi kuleluduma luhende iitichia; nyi oruka luwode wuki wufoi na maruwa hafoi na ili nyi indunda lyalo.

YOHANE 3:13

Ma kulelemedoe mndu kulya ruwehupfo, na ichu alewesoka ruwehu nyio Mana o Mndu ai ipfo ruwehu.

YOHANE 6:38

Kipfa kyannenga ngasoka ruwehu chi kundu njiwute kya chila yakopfo kya indi kundu njihende iwuta kii kya chila ya ichu alenjiduma.

NGUMBUO YA MAWAWASO 1:25

Kiheri walewuya, waleluendie ndunda maata tsa orukalo na iluwia ke orukalo Mndumii-Ruwa, Ruwa odu ailuinenga nyi lui lucha.

NGUMBUO YA MAWAWASO 1:7

wulalu irenyi nzohoṟa tsanu muire kyaṟo. Hendenyi Orukenyi lo mafumvu ha Waamori na Wambaṟa ya oruka lo mṟasenyi kulya Araba, mafumvuhu na mapichinyi, ipfo Negebu na njora tsa wambaṟa ya ipalyipalyi; ee-daa hendenyi tane oruka lo Kaanani na lo Lebanoni tane kulya medenyi fung'anyi fo Eufrate.

NGUMBUO YA MAWAWASO 27:3

Muṟehie huyaho madedo hose ha mawawasoho hose, ili mochiida na orukenyi lulya luwode wusuṟi na teri njicha sa Mndumii-Ruwa, Ruwa o waku wanu alewateṟia.

NGUMBUO YA MAWAWASO 28:11

“Mndumii-Ruwa nechimuonyisha shifoi: wana, shuma na shilyimu mademenyi ipfo orukenyi aleliia waku wanu nyamu ke nechimuinenga,

NGUMBUO YA MAWAWASO 6:3

Ko ikyo lanye Waisraeli, wadenyi osaaṟe ihaawutsia kundu muwone mboṟa; na ipfumbuka mnu ipfo orukenyi luichuo maruwa na wuki chandu aleteṟia.

NGUMBUO YA MAWAWASO 7:1

“Mndumii-Ruwa Ruwa onu, nechimushitsa orukenyi handu mochiwikapfo handu hekaa nao nechifunapfo mkambo ifoi iwukepfo. Kiheri mochiida napfo, nechifunapfo oshangunyi lonu mkambo ingi mfungade ing'anyi na iwode pfinya kota nyo: Wahiti, Wagirgashi, Waamori, Wakanaani, Waperizi, Wahivi, na Wayebusi.

YOSHUA 5:6

Waisraeli nyi walechumia kyaṟonyi kulya nuka handu ha maka makumi hana (40), koikyo wasoṟo wose waweshitsie maka yehenda shidenyi nyi walearisikia kulya nuka kipfa walalekunda iicho kilya Mndumii-Ruwa alewawia. Kyamba Mndumii-Ruwa nyi naweliye wandu wo nyamu ke nyi echiwainenga oruka luichuo maruwa na wuki, nyi wudo aweteṟie wandu wo.

YOSHUA 9:1

Kyasia wamangi wose wawei molyolya ya meda fo Yordani na oruka lose lo ipfo mafumvunyi na lo ipfo mapuchinyi na wambaṟa ya ipalyipalyi lya Mediterania liwei sumuhana na Lebanoni, Wahiti, Waamori, Wakaananyi, Waperizi, Wahivi na Wayebusi kiheri waleicho mbonyi tsa Waisraeli,

YOSHUA 9:7

Waisraeli wakahaluo Wahivi wo, “Nyi wuda lochiidima iwika mkundana nanyo? Kofia mokekaa kufui naso.”