IWUKA 3:2 - Bibilia Kui Mdedie fo Kimochi

² Malaika o Mndumii-Ruwa kamchea, kiidi kya olewo lo modo fuweiaka makidi hawi ha kingeṟa Mose kaambuya, ate! Kingeṟa kilya kiweaka modo, nakyo manya kilasenekie.

IWUKA 3:2 ပူးပေါင်းရင်းမြစ်များ

MAWOOKIONYI 21:17

Ruwa kaicho ṟu lya mleu ulya. Malaika o Ruwa kalaha Hajiri kuwuka ruwehu, kambia, “Nki ki kikuwode, Hajiri? Manya kulaowuo, cha kipfa Ruwa ameicho ṟu lya mleu ulya ipfo kundu ai.

MAWOOKIONYI 22:11

Nalyo malaika o Mndumii-Ruwa kamlaha kuwuka ruwehu, kahamba, “Abrahamu! Abrahamu!” Nao kahamba, “Nyi iya njii.”

MAWOOKIONYI 48:16

na malaika alenjiashuo mawichonyi hose nakewikia wanake wa mboṟa! Rina lyako lyisendo huyawo, na marina ha wande wako, Abrahamu na Isaki; nawo wawe mfoeṟa fo wandu kiidi kya oruka.”

SHIIMBO SHA DAWIDI 66:12

Kodosa wandu huye ya mdo yadu; luleida modonyi na mṟingenyi; koluwuta na iluende na handu kuwode shifoi.

IWUKA 19:18

Fumvu lyose lya Sinai daa lyikaduka mtsu, cha kipfa Mndumii-Ruwa nalesoka kui modo; na mtsu fulya foke fukado huye cha mtsu fo nungunyi ya modo, fumvu lyose lyikadedema mnu.

IWUKA 23:20

Ambuya, inyi njiduma malaika nakusongoe, kundu nakuringe njienyi, nawekuduo mṟasa alya handu njilekuteseheṟia.

IWUKA 24:17

Na iwoneka lya kiṟumi kilya kya Mndumii-Ruwa, kiwei cha modo fokekombetsa, huya fumvu mesonyi ha wana wa Waisraeli.

IWUKA 3:16

Henda, sanyia wameku wa Waisraeli handu hamu nowawie Mndumii-Ruwa o ndeanu, Ruwa o Abrahamu, Ruwa o Isaki, Ruwa o Yakobo, nalenjichea, kanjiwia, nkya lohi ngamuchease, njilewonase isho muiwutio ipfo Misri.

YESAYA 43:2

Koida kiidi kya mfu fo mṟinga njii nanyo; koida kiidi kya meda ifoi yechikuoweshapfo; kiidi kya modo, ochisenekia pfo manya olewo lo modo lochikukoṟapfo.

YESAYA 63:9

Kiidi kya mawukiwa hawo hose aleduma ma malaika mowakiṟapfo; Nyio amonyi alewakiṟa; kawakiṟa kawaira kawaduo tete mafiri hose wokia kacha.

DANIELI 3:27

Wandu wose wai wachili na wenyi wusongoru wuliwe wakuwumbie alya mengenyi ko mangi, wakawona wandu wo ke kuwode kindo kilewawutikia kulya ṟungunyi lya modopfo ma ochui lo mdo fowo, ma nguwo tsawo ma mpfaamo fo mtsu fuleichio kowopfo.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

MALAKI 3:1

“Ambuyenyi, njiduma msu oko, naṟeheṟe njia oshangunyi loko; na Mndumii chu mokemshiha nechea hekalu lyake faṟa; msu ulya o mkundana mokechihiṟo nyio, ambuyenyi nyi aicha, Mndumii Menyi Matoṟito ahamba.”

MARIKO 12:26

Kyaindi kya maṟukyenyi ha iwo wapfiiye a nyi mulasomie kyawo ipfo kitapunyi kya Mose ipfo ko osha lulya luweiaka modo? Ruwa kawia Mose, ‘Inyi nyio Ruwa o Abrahamu na Ruwa o Isaki na Ruwa o Yakobo?’

LUKA 20:37

Kyaindi kui kipfa kya wapfu, ke nyi wechiṟutso, ma Mose na alewelongio ipfo isikinyi kiheri Mndumii alemlaha. Kamhamba, Ruwa o Abrahamu na Ruwa o Isaki na Ruwa o Yakobo.

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

WAROMA 8:3

Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

NGUMBUO YA MAWAWASO 33:16

Oruka loke luichuo shose shii shicha, luwikio ona kui wucha wo Mndumii-Ruwa, ichu alechea kiidi kya kingeṟa. Mboṟa tsi tsisokie wandu wa kishari kya Yosefu, awei mnene kiidi kya wana wa mae.

NGUMBUO YA MAWAWASO 4:20

Kyaindi nyo nyi wandu Mndumii-Ruwa alemuashuo kuwuka Misri kulya nungu nyi ya menya. Nalemuwutapfo kundu muwe wandu wake chandu mukeri wulalu.

2WATESALONYIKYE 1:7

Nawe momwinenga nyo muhende iwihiṟyo moo handu hamu naso matika halya Mndumii Yesu echikuloṟa asoka ruwehu arianyi na wasu wenyi-pfinya.

WACHILI 13:13

Malaika o Mndumii-Ruwa kawia Manoa, “Mka opfo nawaṟi nawade shose njilehamba: