IWUKA 28:3 - Bibilia Kui Mdedie fo Kimochi

³ Na iyo nochiwia wandu wose wawode mrima fo osaṟe, njiwaichuṟie mumuyo fo osaṟe wasungusie Aroni maṟao kundu wamheṟemtse nanjiṟundie kiidi kya iṟunda lya wukohanyi.

IWUKA 28:3 ပူးပေါင်းရင်းမြစ်များ

1WAMANGI 7:14

Nao nawei mana o mka mkusu o kishari kya Naftali, na ndee nawei mndu o Tiro mtsanyi o aṟeṟa; nawemwinenge wulaanyi na wuṟango wo, maṟunda hose ha aṟeṟa. Kashika ko Mangi Solomoni, kamṟundia maṟunda hake hose.

IWUKA 35:10

“Na orio mndu kiidi kyanu awode mrima fo osaṟe nache, nawute isho shose Mndumii-Ruwa awawasia;

IWUKA 35:25

Na waka wose wawewode mrima ya osaṟe, waleoka ko mawoko hawo, nawo wakaende isho waweokie, nguo tsa fana ya mapuchi, na tsa fana ya usuṟungi, na ndusu tso tsa kimaande, na nguoyo ya kitani kicha.

IWUKA 35:30

Lyefurumia Mose kawia wana wa Waisraeli, “Ambuyenyi, Mndumii-Ruwa amemlaha kui rina lyake Bezaleli mana o Uri, mana o Huri, o kisharinyi kya Yuda;

IWUKA 35:31

nao kamwichuṟa mumuyo fo Ruwa kui osaare, na wuṟango, na wumanyi, na iṟunda lya wuaria wo orio mbaṟi;

IWUKA 35:35

Naleichuṟa wanduwo wurango wo mrimenyi, kundu waṟunde orio mbaṟi ya iṟunda, ya moṟeha maho, na maṟunda ha wuṟango, na ya moṟehaṟeha nguo, kiidi kya ndusu tsa fana ya mapuchi, na tsa fana ya usuṟungi, na ya kimaande, na kitani kicha, na ya mopfuma nguo; ya iwo wekeṟunda maṟunda ho hose, na ya mawooka imanya maṟunda ha wuṟango.”

IWUKA 36:1

Nahong'u Bezaleli na Oholiabu na wandu wengi wose wawode wuaria wawainenge nyi Ruwa wosungusia shindo sha handu haele heindia, wechiṟunda chandu Mndumii-Ruwa alewawasa.

IWUKA 36:2

Nahong'u Mose kalaha Bezaleli na Oholiabu na orio mndu awewode wuaria sa Mndumii-Ruwa alemsumba, na sa wawewwode macha herunda, kawawia wawoke iṟunda.

MFANANO 2:6

Kipfa Mndumii nekeinenga wandu wuṟango; Dumbunyi lyake kuwode wulaanyi na imanya shose,

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

WAEFESO 1:17

Kundu Ruwa chu o Mndumii odu Yesu Kristo nao nyio Wande menyi wuitoṟi ili molanga immanya namwenenge Mumuyo motambahalwo nawe momṟangusha.

NGUMBUO YA MAWAWASO 34:9

Yosua mana o Nuni nawewode mrima fo osaaṟe, kyamba awememhekia mawoko hake; nakae handu hake. Ko ikyo Waisraeli waleindia Yosua na iosha mawawaso halya Mndumii-Ruwa aweinengie Mose.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.