IWUKA 26:1 - Bibilia Kui Mdedie fo Kimochi

¹ “Kiidima sungusia handuho hekaa kuwade masulia ikumi; hasungusie kui nguwo ya katanyi njicha injioke, handu hamu na ndusu tsa fana ya buluu na kimaande, handu hamu na makerubi; iṟunda lyo liwe lya uwaria mcha.

IWUKA 26:1 ပူးပေါင်းရင်းမြစ်များ

2SAMWELI 7:2

Kyasia, Dawidi kadeda na mwikimbi Nathani kambia, “Ambuya njikeri mbenyi injisungusie nyi mashidi ha wuhuru wung'anyi ha meresi, na isanduku lya Ruwa likiheri ihemenyi.”

1WAMANGI 6:29

Njomombo tsa orio kiṟiha katsichopa wopacha mṟeho ya shiumbe shiwode makungo, makangachi na maṟeho ha shiwaṟo shiwaṟie.

1MBONYI TSA MAHERI 17:1

Kyasia, Dawidi nawekeri kanyi koke ko kiheri. Mkonu fumu kalaha mwikimbi Nathani kambia, “Ambuya, inyi njikeri ikaa iya mbenyi njiicha injisungusie na mashidi ha meresi, na isanduku lya mkundana lya Mndumii likeri ihemenyi.”

1MBONYI TSA MAHERI 21:29

Kiheri kyo ihema lyekoyanyia lya Mndumii sa liwelisungusie nyi Mose, na rasio yewuta shidaso shemaya modonyi, liwei kulya nuka ya Gibeoni.

IWUKA 25:18

Na iyo sungusia makerubi hawi ha sahabu; nohawike ko iṟunda lyetsana, ipfo mtsitsioni ya kitimakyo kya osaṟio oralu na oralu.

IWUKA 25:4

na ndusu tsa rangi ya samawi, na ya sambarau na ya kimande na nguo kitani kicha, na singa tsa mburu;

IWUKA 25:8

Nawo wanjisungusie handu ha haele; kundu njiidime ikaa kiidi kyawo.

IWUKA 26:2

Wuleshe wo orio isulia wochiwa mita ikumi na tsiwi, na wulandari wochiwa mita tsiwi, masualia hose hechiṟingana.

IWUKA 26:31

“Na iyo sungusia isulia lya ndusu tsa fana ya buluu, na tsa fana ya usuṟungi na tsa fana ya kimaande, na nguwo kitanyi kicha kikioke, lyechipfumo na iwiko makerubi, iṟunda lya wuaria wucha;

IWUKA 26:36

“Numa nosungusie keṟihika mongo fo Ihema, kya ndusu tsa fana ya Samawi, na tsa fana ya buluu, na tsa fana ya kimaande, na kitani kicha ki kioke, iṟunda lya moṟehaṟeha.

IWUKA 31:7

ihema lyekusanzia na isanduku ya mṟingishie, na loṟika lo osaṟio lui huyalyo, na shihia shose sha Ihema;

IWUKA 35:11

handuho hekaa na ihema lyake, na kipfinyiko kyake, na shipfunga shake, na mbau tsake, na mataruma hake na ngo tsake, na mrihiyo yake;

IWUKA 35:35

Naleichuṟa wanduwo wurango wo mrimenyi, kundu waṟunde orio mbaṟi ya iṟunda, ya moṟeha maho, na maṟunda ha wuṟango, na ya moṟehaṟeha nguo, kiidi kya ndusu tsa fana ya mapuchi, na tsa fana ya usuṟungi, na ya kimaande, na kitani kicha, na ya mopfuma nguo; ya iwo wekeṟunda maṟunda ho hose, na ya mawooka imanya maṟunda ha wuṟango.”

IWUKA 35:6

na ndusu tsa fana ya mapuchi, na tsa fana ya usuṟungi, na tsa fana ya kimaande na kitani kicha, na singa tsa mburu;

IWUKA 36:35

Numa kasungusia isulialyo lya ndusu tsa fana ya mapuchi, na tsa fana ya usurungi, na ya kimaande na kitani kicha, tsinjioṟowie; kawika na makerubi iṟunda lya mwaria, nyi wudo alesungusia.

IWUKA 39:3

Nawo wakahuohuo sahabuyo tane yawa mapalu masise mnu, numa wakaicharanduo iwe ndusu kundu waidime ipfuma hamu na ndusutso tsa fana ya buluu na tsa fana ya usurungi, na tsa kimaande, na tsa kitani kicha, na iṟunda lyi liwei lya wuaria wung'anyi mnu.

IWUKA 40:2

“Mkonu fo kuwoka fo meri fo kuwoka nochihoṟotsa handuho hekaa ihema lyekusanzia.

MAITALA 3:25

Iṟunda lyawo liwei lyeringa ihema lyiele, handu hamu na kikoyo kyalyo na lisulia lya mongo fo ihemalyo,

MAITALA 4:25

Wechikudika masulia ha ihemenyi liele na ha ihemenyi lyesanzia handu hamu na kipfinko kyalyo, kipfinko kya njonyi njimamiri ya mburu kikihekie huyalyo, isulia lya mongo,

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 2:21

Indi Yesu nyi alededa kya mbihu foke mfo fui hekalu lilya.

WAEBRANIA 8:2

Aiipfo moiṟicha shilya shii sheele na hema lilya lya lohi Mndumii aleliwika-ho amonyi, chi mndu o wandupfo.

WAEBRANIA 9:2

Kyamba hema lilealyo-ho lilya lya kuwoka. Napfondo kuwei kiwawa njolewo kilya na mesa na mkate iya iwei-maalye Ruwa. Nalyo lii idumbuye rina, Lyo yele.

WAEBRANIA 9:9

Lyo lii mfanano fotungya maheri ha halemcha. Nafo fuwei na njodambiko na shidaso shiwekeendo ma shilaweidima iwanza sheko sha mrima fo mowika nasho wuindi.

OTAMBAHALUO LO YOHANE 19:8

Kainengo pfinya nakuṟaaye maṟao maili pang'a maharami.” (Mmaṟao ho nyi mawuto mecha ha wandu wa Ruwa.)

OTAMBAHALUO LO YOHANE 21:3

Ngaicho ṟu ling'anyi lyiuka ipfo loṟikenyi lo wuitoṟi lyechihamba, “Aika kanyi ka Ruwa awode hamu na wandu. Nao echitsinda kowo nawo wechiwa wandu wake. Nao Ruwa amonyi nyechiwa Ruwa owo.