IWUKA 24:3 - Bibilia Kui Mdedie fo Kimochi

³ Mose kahenda iwia wandu madedoho hose ha Mndumii-Ruwa, na mdumbuye yake yose; wandu wose wakahaluo kui ṟu limu, wehamba, “Madedo hose Mndumii-Ruwa adeda lochihawuta.”

IWUKA 24:3 ပူးပေါင်းရင်းမြစ်များ

2MBONYI TSA MAHERI 15:14

Wakalya nyamu ko Mndumii-Ruwa ko ṟu ling'anyi, na iiria maṟu hawo huye mnu, membe na iranda.

2MBONYI TSA MAHERI 15:15

Kyasia wandu wose wa Yuda wakawada sia ing'anyi mnu kipfa kya ili walelya nyamu ko mrima yawo yose. Walemshiha ko mrima yawo yose, wakambona. Nao Mndum ii Ruwa kawainenga ofoṟo njora tsawo tsose.

SHIIMBO SHA DAWIDI 50:5

“Njilahiyeni wandu walya waowoye Ruwa oko Walya walewika kyaasa na inyi kui shidaso!”

IWUKA 19:8

Wandu wose wakaidikia handu hamu wakahamba, “Isho shose Mndumii-Ruwa alehamba lochishiwuta.” Na Mose kawia Mndumii-Ruwa, madedoho ha wandu.

IWUKA 24:2

na Mose amonyi nyio echisembelia kufui na Mndumii-Ruwa; indi iwo wechisembelia kufuipfo, manya wanduwo wechido handu hamu nanyopfo.”

IWUKA 24:7

Kiidima kaira kitapu kya mkundana kakisoma madunyi ha wandu; wakahamba, “Isho shose Mndumii-Ruwa ahamba lochishiwuta, naso lochiindia.”

YEREMIA 11:4

Ifu nyi mma njilelya na wandu wako njiwawuta Misri, kiidi kya riko lya modo fo menya. Njilewawia wanjiindie na iṟunda lilya njilewawawasa ke wakawuta wado wechiwa wandu wako na inyi njiwe Ruwa owo.

YEREMIA 34:13

“Inyi Mndumii-Ruwa, Ruwa o Israeli, ngahamba njidi: Njilewika mkundana foko na waku wanu mandi halya njilewawuta orukenyi lo Misri wai masinga, ngawawia:

HAGAI 2:5

Chando njilehamba lilya mulewuka Misri, na Mumuyo foko fukakaa huye yanu ma mulaowuo.

MALAKI 2:10

Alewo! So lose luwode Wande umu? Ruwa chu moluumba chi umu tupu? Kyawa se kida ili orio mndu awutia manomae mbonyi tsilawaṟi? Lochifanyisa ngafu mkundana fo ndeadu?

NGUMBUO YA MAWAWASO 11:1

“Kui kipfa kya ikyo, kundenyi Mndumii-Ruwa, Ruwa onu, na iwada wuhendeli woke mkonu yose na mawawaso hake, na mdumbuye yake.

NGUMBUO YA MAWAWASO 4:1

Mose kaengeṟa ihamba, “Hendelienying'u na iosha mawawaso hose na shilya njilemulosha, kundu muidime ikaa na ichilia kulya orukenyi Mndumii-Ruwa, Ruwa o Wandeanu, aimuinenga.

NGUMBUO YA MAWAWASO 4:45

Nalewainenga mdumbuye, mloshie na shitutumo sa Mose aleinenga Waisraeli mandi walewuka Misri,

NGUMBUO YA MAWAWASO 4:5

“Kyasiang'u! Njimulosha mawawaso na shilya shose Mndumii-Ruwa, Ruwa oko alenjitutuma ke njiwute, kundu mushiwade ipfo orukenyi kundu muihenda ikaa.

NGUMBUO YA MAWAWASO 5:1

Mose nalelaha Waisraeli handu hamu wose, kawawia: “Lanye Waisraeli, adanyienyi mawawaso na shiteṟio njikeri ihamba oshangunyi lonu inu. Kuloshenyi na ihaawutsia kui wuhendeli.

NGUMBUO YA MAWAWASO 5:31

Kyaindi iyo Mose hoṟoka iya kufui na inyi; inyi njechikuwia mawawaso hako hose na wuikimbi wose na shitutumo sa ochiwalosha, kundu orukalo njechiwainenga luwe lowo!’”

NGUMBUO YA MAWAWASO 6:1

Iha nyiho mawawaso, Mndumii-Ruwa, Ruwa onu, alenjitutuma njimuloshe, kundu muhaawutsie kulya orukenyi kundo muihenda ikaa.

YOSHUA 24:21

Nalyo wandu walya wakahaluo Yoshua, “Ote nyi lochiṟundia Mndumii.”

YOSHUA 24:22

Yoshua kawawia, “Nyo nyi mokuṟingishia muwenyi, ke nyi mosambuṟa Mndumii, na mukeri ihenda imṟundia, “Nawo wakamhaluo ‘So nyi waṟingishi.’”

YOSHUA 24:24

Nawo wakahaluo, “Luhenda iṟundia Mndumii-Ruwa, Ruwa odu na imwindia.”