IWUKA 10:2 - Bibilia Kui Mdedie fo Kimochi

² Na iyo noidime ihamba madunyi ha mana opfo, na madunyi ha mchuku opfo, nyi mbonyi njiki njilewutia Misri na shichano shako njileloṟa kiidi kyawo; wawuteho imanya ke inyi nyi Mndumii-Ruwa.”

IWUKA 10:2 ပူးပေါင်းရင်းမြစ်များ

2SAMWELI 7:22

Iyo nyi mwitoṟi o shose? Lulemeicho kya Ruwa ungi cha iyo-pfo. Ma kuwode Ruwa ungi cha iyo-pfo.

SHIIMBO SHA DAWIDI 44:1

Hoi Ruwa, luleicho na madu hadu, wandeadu waleluwia, mawuto ulewuta kiheri kyawo, lilya mbooko:

SHIIMBO SHA DAWIDI 44:2

Kui owoko lopfo nyi ulewingia wandu wa mkambo, Kowawika-pfo handu hawo. Iyo kulelyisa wandu-wo wukiwa, kopfumbutsa waku wadu.

SHIIMBO SHA DAWIDI 58:11

Na mndu nyechihamba, nkya lohi Kuwode wueri ko ulya asumhanyi. Nkya lohi kuwode Ruwa ekeanduo kunu orukenyi!

SHIIMBO SHA DAWIDI 71:18

Manya ngakuo ngawada mhasa, hoi Ruwa, ulanjide. Mṟasa njiwie wandu wa rikalyi pfinya tsapfo, na orio mocha wuidimi wopfo.

SHIIMBO SHA DAWIDI 78:3

Mbonyi luletsiicho na itsimanya; sa waku wadu waleluwia.

IWUKA 13:14

Nahong'u kechiwa ili mana opfo echikuwesa ili lya ngama, kechihamba, “Kudi nki ki?” Nochimmbia Mndumii-Ruwa naleluwuta Misri; kuwuka kulya mmbenyi ya wusinga, kui pfinya ya owoko loke;

IWUKA 14:18

Na Wamisri wechimanya ke Inyi njii Mndumii-Ruwa ilyi njechikuwonyia kiṟumi ko Farao, na makari hake, na wedoya frasi tsake.”

IWUKA 14:4

Na inyi njechiumiṟa mrima fo Farao, nao namuoshe numa, inyi njii Mndumii-Ruwa.” Kyasia wakawuta wado.

IWUKA 7:17

Mndumii-Ruwa nahamba, ‘Kya mbonyitsi nochinjimanya ke inyi nyi Mndumii-Ruwa; ambuya, njikapa mṟingafu fo ipfo medenyi na ndichi ii njiwode owokonyi loko, nafo fochihaluka fuwe samu.

IWUKA 7:5

Na Wamisri wechimanya ke inyi njii Mndumii-Ruwa, ili njechihoṟoya owoko loko Misri na iwutapfo wana wa Waisraeli wawuke kiidi kyawo.”

IWUKA 8:6

Kyasia, Aroni kahoṟuo owoko loke huya mṟinga yose ya Misri; na ngeletso tsikadoya huye, tsikapfumba oruka lo Misri.

YESAYA 38:19

Ai na moo, ee da, ai na moo, nyio echikuṟumisha cha inyi inu; Wande nechimanyishia wana wulohi wopfo.

EZEKIELI 20:26

ngawewaleka wakufanyitse wawenyi kiidi kya shidaso shawo, kyamba nyi waledasa wana wawo wawe shidaso shemaya modonyi. Iki kikawa ngapo kowo kundu wawuteho imanya ke inyi nyi Mndumii-Ruwa.

EZEKIELI 20:28

Kyamba njilewaende na orukenyi lulya njiwewateṟie, nawo wekiwona mafuvu maleshe na mashidi haoṟie necha, wakawoka ihaendie shidaso shawo. Wakawenjipfulutsa nyashi ko shidaso shilya shepfaama walewuta hamu na iletsia mvinyo.

YOELI 1:3

Wiyenyi wana wanu mbonyi tsi, nawo wawiye wana wawo, nawo wawiye rika liicha.

WAEFESO 6:4

Nanyo mui wande mulapfulutsye wana wanu nyashi, indi muwaholotse kui wutoṟishi na wuikimbi wo Mndumii Kristo.

NGUMBUO YA MAWAWASO 4:9

“Kyaindi muambuye necha na ikuṟisa mnu mulashike ihadima shindo shilya muleshiwona na meso hanu muwenyi. Kulashike ihoya manya limu kiidi kya moo yanu mbonyitso tsihadimo mrimenyi yanu. Ongoyenyi wana na wachuku wanu,