IWUKA 1:7 - Bibilia Kui Mdedie fo Kimochi

⁷ Na wana wa Waisraeli wawekepfumbuka mnu, na iengeṟeka wakafo wakawada pfinya, wakaichuṟa oruka lulya.

IWUKA 1:7 ပူးပေါင်းရင်းမြစ်များ

MAWOOKIONYI 1:20

Ruwa kahamba: “Mṟinga fuichuṟo nyi shindo shii na moo. Na malehe hawerunduka ipfo orukenyi shia maloalo ha ruwehu.”

MAWOOKIONYI 1:28

Ruwa kawawikya ona, na iwawia, “Hendenyi mochifee muengeṟeke, muichuṟe masanga na ihaitoṟia; muchilie makunga ha ipfo mṟingenyi, na malehe ha ruwehu, na orio kii kiumbe kii na moo kii kunu orukenyi.”

MAWOOKIONYI 12:2

na inyi njechikutana iyo uwe mkambo fung'anyi na ikuwikia mboṟa na ing'anyisha rina lyapfo, na iyo nowe mboṟa:

MAWOOKIONYI 13:16

Njechipfumbutsa luwa lyapfo cha kiluli; na kokoya mndu kechiidima iitala kiluli, na luwa lyapfo nawo nechiidima iliitala.

MAWOOKIONYI 15:5

Kamwiitsa na nja, kahamba, “Keambuya ipfo ruwehu wulalu, keitala nyenyeri, kokoya kochiidima itsiitala. Kammbia nyi wudo oshari lopfo lochipfumbuka.”

MAWOOKIONYI 17:16

Na inyi njechimbikia ona, na njechikuinenga mana ipfo koke. Ee-da, njechimbikia ona, nao nechiwa mayo o mkambo ya wandu na wamangi wa mbaṟi tsa wandu nyi ipfo koke wechiwuka.”

MAWOOKIONYI 22:17

iwikya mboṟa njechikuwikia mboṟa, na ipfumbutsa, njechipfumbutsa oshari lopfo cha nyenyeri tsa ruwehu na cha msanga fo ipfo mawambao ha ipalyipalyi na oshari lopfo lochiitoṟia wakituwa wapfo;

MAWOOKIONYI 26:22

Kakurepfo kasuma ṟungu lyingi, lyo walakiloyane kipfa kyalyo. Kalidumbuya rina nyi Rehobothi, kahamba, “Kyamba Mndumii ameluwonyia maanya, naso lochiengeṟeka orukenyi.”

MAWOOKIONYI 26:4

Njechipfumbutsa oshari lopfo cha nyenyeri tsa ruwehu, na inyi njechiinenga oshari lopfo njorukatsi tsose, na kiidi kya oshari lopfo mkambo ya wandu wose wa wuyana wechicha iwikio ona.

MAWOOKIONYI 28:14

Na oshari lopfo lochiwa cha kilulyi kya wuyanenyi, na iyo nochikuala wokia ora lo kyukanyi, na lo ngamenyi na ora lo nuka na lo mtsudu; na ipfo kopfo na ko wana wapfo mbaṟi tsa wa wuyana mpfondu wechicha iwikio ona.

MAWOOKIONYI 35:11

Ruwa kambia, “Inyi nyi Ruwa menyi pfinya, pfumbuka noengeṟeke; nowe mkambo na mamwingi fo mkambo fo wandu wechiwuka kopfo, na wamangi wechiwuka shitsinyi shapfo.

MAWOOKIONYI 46:3

Kahamba, “Inyi nyi Ruwa, Ruwa o ndeo, kulaowuo isoka tane Misri; cha kipfa njechikuhaluo nowe mkambo fung'anyi kulya Misri.

MAWOOKIONYI 47:27

Ko ikyo Israeli kakaa orukenyi lo Misri, kiidi kya orukenyi lo Gosheni. Wakawadapfo masaa, wakaengeṟeka na ipfumbuka mnu.

MAWOOKIONYI 48:16

na malaika alenjiashuo mawichonyi hose nakewikia wanake wa mboṟa! Rina lyako lyisendo huyawo, na marina ha wande wako, Abrahamu na Isaki; nawo wawe mfoeṟa fo wandu kiidi kya oruka.”

MAWOOKIONYI 48:4

kanjiwia, ‘Inyi iya, njechikuengeṟia wufee wopfo, na ikupfumbutsa, na Inyi njechikutana nowe itorito lya mkambo ling'anyi, numa njiinenge washari wapfo oruka lu numa yapfo luwe lowo lo mlungana.’

MAWOOKIONYI 9:1

Ruwa kawikia Noe mboṟa handu hamu na wana wake kawawia, “Pfumbukenyi, mufee muichuṟe masanga.

NEHEMIA 9:23

Ambuya nyi ulefeeṟa wana wawo cha nyenyeri tsa ruwehu, kowaende na orukenyi lulya ulewikia kyasa waku wawo.

SHIIMBO SHA DAWIDI 105:24

Katana wandu wake wafee mnu, kawawuta wakawa ngohoda kota watuuri wawo.

SHIIMBO SHA DAWIDI 107:38

Nao nekewainenga mboṟa wakaengeṟeka mnu, manya ekeanguṟa mapo hawopfo.

IWUKA 1:12

Kyaindi chandu walewalisa wukiwa nyi wudo walepfumbuka na iengeṟa ilaa kulya na kulya. Wamisri walewado nyi wuowu kipfa kya wana wa Waisraeli.

IWUKA 12:37

Wana wa Waisraeli wakaira kyaṟo wokia Ramesesi mṟasa Sukothi, nawo itala lyawo waweshikie cha wandu shiku mahana haṟandaṟu (600,000) wandu wasoṟo waweichumia na madende, kuutapfo itala lya wana watutu.

IWUKA 5:5

Kiidima Farao kahamba, “Ambuyenyi, wandu wa iya orukenyi nyi wafoi, nanyo muiwadokosha, walakudike maṟio hawo.”

EZEKIELI 16:7

‘Kaa na moo uwe cha ikidi lilicha lilidonge mdeminyi. Na iyo kowelea kowa manowaka ang'anyi mawee hake hamaumbe necha, na njui tsapfo tsikalea necha. Kyaindi nuwekeri kiṟanguo .’

MAWUTO HA WASU 13:17

Ruwa o mkambo fu fo Israeli alesambuṟa waku walya wadu katorisha mkambo fu kiheri wei wasami kulya orukenyi lo Misiri kawawuta-fo na owoko lwapfinya kawaduo njia.

NGUMBUO YA MAWAWASO 10:22

Kiheri waku wanu walehenda Misri, waweshikie wandu makumi mfungade tupu, kyaindi wulalu Mndumii-Ruwa, Ruwa onu, amemupfumbutsa mukafo cha nyenyeri tsa ruwehu.”

NGUMBUO YA MAWAWASO 26:5

nochihamba madedoha oshangunyi lo Mndumii-Ruwa, Ruwa opfo: “Wande oko nawei Mwarameo alewuṟiwuṟi masangenyi ipfo na ipfo alawode kanyi, numa kasoka na Misri. Kakaapfo na wa kanyi koke. Wawei wandu waangu tupu kiherikyo; kyaindi wakapfumbuka wakawa mkambo fung'anyi, wandu wawode pfinya na wafoi.