HOSEA 9:7 - Bibilia Kui Mdedie fo Kimochi

⁷ Mfiri ya ngapo yameafukia, na mfiri yetaa kiṟache yameafukiada, Waisraeli kimbaṟi mumanye mkonu fo; ambuya nyi mokehamba miikimbi nyi tondo, na ichu asongoyo nyi mumuyo nyi msuko; nyi mokehamba mudo kifpa kya mawicho hanu hang'anyi, na kipfa kya kituwa kyanu king'anyi.

HOSEA 9:7 ပူးပေါင်းရင်းမြစ်များ

2WAMANGI 9:11

Naalyo Yehu kahendia waṟundi wa Mndumii oke. Umu owo kambesa, Ngesa nyi ofoṟo? Nyi kiki kyaende mndu chu nao awodo nyi oṟuṟe? Na mbonyi tsa madedo hake.

YESAYA 10:3

Nanyo mochiwuta kiki mkonu focheo, na kiheri kya orumatso, kechicha kiwuka kuleshe mnu? Alewo mochidichiawu muwone ngaya? Na kiṟumi kyanu mochikida hanga?

YESAYA 26:11

Mndumii owoko lopfo lui luirie, indi wawonyipfo; indi wechiwona wuṟisi-ṟisi wopfo kipfa kya wandu wapfo, nawo wechiowuo; ee, modo fochirumatsa wakituwa wapfo.

YESAYA 34:8

Kipfa nyi kiheri kya kiṟache kya Mndumii maka fotao kundu wakapanyie Sioni.

YESAYA 44:25

Njekenyamaṟa shichano sha wewuta wongo, na ihaluo wahanga wawade oṟuṟe; njekewihiṟa walaanyi na numa, ngahaluo wuṟango wowo wutondo;

YEREMIA 10:15

Nyi wulya tupu, nyi iṟunda lyelemba kiheri kyawo kecheo wechideka.

YEREMIA 11:23

Manya kochiwada mndu motsuhaa kowo-pfo, kipfa njechiende mawicho huya wandu wa Anathothi, kiidi kya maka focheo.”

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

YEREMIA 23:13

“Njiwonyi wutondo kiidi kya waikimbi wa Samaria; wakahamba shisuku ko rina lya Baali, wakadekesha wandu wako Israeli.

YEREMIA 25:14

Kipfa wandu wafoi wa mkambo na wamangi wanene wechiwatuura, nawudo njechiwataa kiṟinganyi na mawuto hawo na maṟunda ha mawoko hawo.’”

YEREMIA 29:26

‘Mndumii-Ruwa nakuhaluo iyo Sefania uwe mkohanyi handu ha mkohanyi Yehodaya, uwe mnene o mba ya Mndumii-Ruwa. Nyi kyapfo iyo umkumbe mbenyi ya wapfungo, na impfunga na mshe icho ose awodo ni waṟumu ekehamba shisuku.

YEREMIA 46:21

Ma maaskari wake watao wueri nyi cha taho njinoru; nawo da wahaluka, wakadicha kimu, walaidime itirisia, kiheri kehoṟuo kyaafukia.

YEREMIA 6:14

Wo nyi walechiṟa shifaṟe sha wandu wako huye tupu, wechihamba, “Ofoṟo! Ofoṟo!” Makulawode ofoṟo.

YEREMIA 8:11

Kipfa nyi walechiṟa matiinga ha wandu wako huyehuye, wechihamba kuwode ofoṟo, nalo lulaipfo.

SHILIO 2:14

Waikimbi wapfo nyi walekuendie wuikimbi wo kulemba, Kyamba walekutambaṟuya necha wuwicho wopfo kundu uidime ikualachapfo, kyaindi nyi walekuendie mbonyi tsa wongo na tsekudetsa.

EZEKIELI 13:10

Ambuya chandu waikimbi wo waidetsa wandu wako wechihamba ofoṟo, ofoṟo napfo kulawode ofoṟo. Wandu wo wako nyi wakeri iwika omombo sa lufafa na waikimbi wo wakalushikia na chokaa.

EZEKIELI 13:3

“Mndumii-Ruwa nyi ahamba ochia nyi lo waikimbi wo wai watondo wakeri iongou shilya shauka mdonyi yawo walai wadume.

EZEKIELI 25:17

Kipfa njihenda iwataa kiṟache king'anyi kui nyashi yako, nawo wechiwutaho imanya ke inyi nyi Mndumii-Ruwa, ili wechiwona kiṟache kyako huye yawo.”

EZEKIELI 38:23

Nyi wudo njihenda iwuta, na wandu wose wa mkambo yose ya wandu wawone wutonga na wuele woko. Nyilondi wechiwutaho imanya ke Inyi nyi Mndumii-Ruwa.”

EZEKIELI 9:10

Kyaindi inyi njewaichio wukiwa ma iwasaṟiapfo, njechiwataa kya isho shose walewuta.”

HOSEA 14:1

Wandu wa Samaria nyi wechikapo ko ideko lyawo, kyamba nyi walelekana na Mndumii-Ruwa owo, nyi wechiwoho ko oshu, shiwana shawo nyi shechipoṟipotso, na waka wawo wakapikie nyi wechirandulio.

HOSEA 5:9

Efraimu nyi yechiwa nuka mresi . Iki nyi kindo kya lohi kihenda iwutika kiidi kya Israeli.

HOSEA 8:13

Ambuya wo nyi wakundi iwuta mwano na shidaso, nyi wekewuta shidaso wakawelya nyama tso, kyaindi inyi Mndumii-Ruwa shekenjichihiṟapfo, Inyi njihenda ikumbuo njonyamaṟo tsawo, njihenda iwakapa kipfa kya madeko hawo, ambuya nyi njihenda iwawihiṟa wusingenyi kulya Misri.

HOSEA 9:8

Ambuya, miikimbi nyi akeri mringi o Waifraimu handu ha Mndumii-Ruwa, kyaindi orio handu aida nekyedeho cha kilehe, manya mbenyi ya Mndumii-Ruwa oke nasuikie.

AMOSI 8:2

Kanjiwia, “Amosi, nkiki uwonyi?” Ngahamba, “Njiwonyi kikunja kya ndunda tsa kuari.” Nahong'u Mndumii kanjiwia, Mtsitsionyi fo wandu wa Israeli foshika; njechiwasaṟia-se manyalepfo.

MIKA 2:11

Kokoya kuwemewuka mndu kadeda madedo ha wongo na ha wulya kahamba; ‘Ngaende wuikimbi, ke mochiwona mvinyo na wari sa wufoi,’ ichu moonguo nechikundo nyi wandu wa.

MIKA 7:4

Ulya mcha kota wo nekelisa wandu wukiwa cha mbeche. Kokoya kwipfo asumhanyi nyi cha oṟiho lo msha. Mkonu fowo fohoṟuo fuweiwedio foshika. Wulalu nyi wai iṟewe.

SEFANIA 3:4

Waikimbi wake nyi wandu wafafa, walembi; wakohanyi wake walefanyitsa ngafu handu haele, wakahaluo wuwawaso wunyamaṟi.

MARIKO 3:21

Walya wa kanyi koke wekiicho wado, wakahenda imwonduo; cha kipfa walehamba nyi awodo nyi oṟuuṟe.

LUKA 21:22

Kipfa shiherisho, nyisho shewuwuya kisecha, kundu shilya shii shiṟehie shishike shose.

2 WAKORINTO 5:13

Kyamba kiwe luleṟango nyi kya Ruwa kiwe luisango mhie nyi kipfa kyanu.

OTAMBAHALUO LO YOHANE 16:19

Na mṟi fulya fung'anyi fukang'nalawuka fukapaṟakana fukawa shifunyo shiṟaṟu, na mṟi iya ya mkambo ya wandu ikawunduka. Na mṟi fulya fung'anyi fo Babilon Ruwa nalafuhadima. Kafurutsa kirahu kya mnyoe fo mwinyo fuichuo wutuke wo nyashi ya Ruwa.