HOSEA 9:4 - Bibilia Kui Mdedie fo Kimochi

⁴ Ambuya wechihenda iwutia Mndumii-Ruwa mwano fo mvinyopfo; manya wechiidima imchihiṟa ko shidaso shawopfo; kelya wechilya kifananyi na kelya keawuka kilionyi, iwo wose wechilya kelya kyo nyi wechikufanyitsa ngafu, kelya kyo nyi kechiwaihutsa wo wawenyi tupu; kyechiwa iendo na mbenyi ya Mndumii-Ruwa sepfo.

HOSEA 9:4 ပူးပေါင်းရင်းမြစ်များ

IWUKA 29:40

Na handu hamu na ichondi limu nochiwuta mboṟiko tsiṟaṟu tsa mso mcha fulonganyi na mafuda hamahuo, cha mboṟiko imu na robo; na mvinyo mboṟiko imu na robo, kiwe mwano fo kindo kenyo.

IWUKA 40:23

Kaṟihicha mkate iya huyayo oshangunyi lo Mndumii-Ruwa; chandu Mndumii-Ruwa alewawasia Mose.

YESAYA 57:6

Ohawi lopfo lui kiidi kya pichi lya maho mapaṟepaṟe ikyo nolewona kui kuṟu kuhya; noleletsia kidaso kya mṟinga kowewika na mwano fo mso; ngesa njiwekutsia na isho uletana?

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

YEREMIA 16:7

Kuwode moinenga ichu ampfie kelyapfo, manya mringa fommbihiṟia moo nanyo kipfa kya ipfiio nyi ndeye angu mae-pfo.

YEREMIA 6:20

Nkya iki njiendio mpfamiṟo fuwukie Sheba, na msanzo fofo fuwukie oruka lo kuleshe? Mwano yanu yemaya modonyi yaidikiopfo, Ma shidaso shanu shinjichihiriye-pfo.

EZEKIELI 24:17

‘Ambuya nyi ochisumukia kya indi uladose ṟu. Manya ochiloṟa iawuka lya icho apfapfo. Ṟaa kidami kyapfo, uwekuṟaya shadu shapfo, manya ulashikie oshangu lopfo manya ilya kelya kya iawuka.’

EZEKIELI 24:22

Nanyo nyi mochiwuta chandu njilewuta inyi kyamba mochishikia njoshangu tsanu pfo, manya mochilya shelya sha iawuka pfo.

DANIELI 1:8

Indi Danieli kadumbuo mrimenyi foke ke echikuwasha na kelya ang'u mvinyo fo mangipfo kundu nalakufanyitse ngafu. Katerewa mnene ulya mnzenge nakumnengie momu.

HOSEA 3:4

Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

HOSEA 7:16

Ambuya, nyi walehalukia maruwa hengi, wakawa cha uda wulekeidima iṟunda, Wanene wawo nyi wechipfa ko oshu, kipfa kya madedo hawo hekudosa dosa, Kipfa kya ikyo nyi wechisalucho orukenyi lo Misri.

HOSEA 8:13

Ambuya wo nyi wakundi iwuta mwano na shidaso, nyi wekewuta shidaso wakawelya nyama tso, kyaindi inyi Mndumii-Ruwa shekenjichihiṟapfo, Inyi njihenda ikumbuo njonyamaṟo tsawo, njihenda iwakapa kipfa kya madeko hawo, ambuya nyi njihenda iwawihiṟa wusingenyi kulya Misri.

YOELI 1:13

Yoeli awia wandu ṟaenyi makunyia na isumukia nyo makohanyi, fihiṟenyi nyo waṟundi wa kitaṟa kedasia. Hendenyi hekalunyi muṟee makunyia mufuhiye Ruwa kio kyose! Nyo waṟundi wa Ruwa oko. Kipfa shidaso sha shilimu ma sha mfinyo shiendose hekalunyi lya Ruwa pfo.

YOELI 1:9

Kuwode mso ma mvinyo fo dasia hekalunyi lya Mndumii-Ruwa pfo; Makohanyi, waṟundi wa Mndumii-Ruwa, wasumukia.

YOELI 2:14

Nyiu iaichi? Kofia Ruwa nechiidima imusaṟia; na imuinenga mboṟa tsa mademehu, mumnenge shidaso sha mbeu na shenyo.

WALEWI 17:11

Kyamba moo fo mbihu nyi ipfo samunyi fui, na Inyi ngamuinenga nyo samuyo rasionyi, kundu muwike kisanza kipfa kya mrima yanu; kipfa nyi samuyo yekewika kisanza kipfa kya mrima yanu.

WALEWI 21:17

“Wia Aronyi kudi: Luwa lyapfo lyose lya ipfo shisharinyi shapfo shose shechicha msa awode wufafa mbihunyi foke, awode momu fonjitikiria inyi Ruwa oke najiendie mwano fo mkatepfo.

WALEWI 21:21

Sa amfee nyi mkohanyi Aroni awode ufafa nalatikirie injiendie kidaso kekoṟa modonyi; kipfa kya ili awode ufafa, kyasia nalanjitikirie Inyi Ruwa kechinjiendie mkate foko.

WALEWI 21:6

Wechiwa waele ko Ruwa owo; manya walarume rina lya Ruwa owo, kyamba wo nyiwo wekedambika shiano shekeinengo Mndumii-Ruwa, Ruwa kui modo kelya kya Ruwa ko ikyo kiwawaṟi wawe waele.

WALEWI 21:8

Nochimanya mkohanyi ke namshimbuo, kyamba nyio ekeambia mwano fo mkate fo Ruwa opfo, nochimmanya ke namwele, kyamba Inyi Mndumii-Ruwa, Ruwa njikushimbuo iyo njii mwele;

AMOSI 5:22

Ee, ma chando muinjiwutia mwaano yanu yemaya modonyi na ya mso yanu, njechiiambyapfo; ma njechiambya mwaano yanu ya ofoṟo na ya shuuma shinorupfo.

MALAKI 2:13

Ngoseṟa nyo muwuta isho, mukashikia kitaṟa kya Mndumii kui mchenyeṟe, na ifuha ling'anyi, nalaidime ma iwona kidaso kyo, nalakiambie mawokonyi hanu na ichihiyo kyayo.

MAITALA 19:11

“Mndu kapaaya mnying'a fo mndu oose nechiterefuka mfiri mfungade.

MAITALA 28:2

“Wawasa Waisraeli kudi: Nyo mochinjiinenga shidaso shikundikie orio kiheri kyakyo: Shelya shemaya modonyi shiwode opfaamo lucha luchihiṟie.

MAITALA 4:7

“Huya mesa yewika mkate yeṟihichia oshangunyi lo Mndumii-Ruwa waaleho kitambaa kya fana ya buluu huyakyo wechiwikaho sahanyi, mboṟiko tsa ubani, mboṟiko na bilauṟi kipfa kya mwano ya mpfinyo. Mkate fochiwiko o mesenyi kiheri kyose.

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

NGUMBUO YA MAWAWASO 26:14

Njilelya kienga kya ikumi kiheri njikapa kiliopfo; njileitsa na nja ya mba yako mandi njiweterefukiepfo manya kiengakyo njileinenga waṟumupfo. Njilekuindia hoi, Mndumii-Ruwa, Ruwa oko; njilewuta orio kindo kulenjiwawasa kya mwano fo kienga kya ikumi.