HOSEA 9:3 - Bibilia Kui Mdedie fo Kimochi

³ Ambuya wechikaa orukenyi lo Mndumii-Ruwapfo, Ee wana wa Efraimu nyi wechiwuya wusingenyi kulya Misri, wechihenda ilya shelya sha ngafu kulya Ashuru.

HOSEA 9:3 ပူးပေါင်းရင်းမြစ်များ

1WAMANGI 9:7

Kyasia njesamiṟa wandu wako Israeli wuka oruka lu njilemuinenga, na mba njileishimbuo kipfa kya rina lyako, njechiikumba kuleshe na inyi, na yechiwa kindo kemino na ipiṟo kiidi kya wandu wa mkambo yose.

2WAMANGI 17:6

Kiidi kya maka fo kenda fo wumangi wo Hoshea, mangi o Ashuru kaduo Samaria, kaduo wandu wa Israeli wapfungo mṟasa Ashuru, wandu maata kawawika mṟinyi fo Hala, na wengi afui na meda Habori, meda Gozani na wengi mṟi ya Media.

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

YEREMIA 2:7

Inyi ngawawika kiidi kya oruka luichuo kando, mulyepfo ndunda na mecha hose haipfo, indi nyo kiheri kilya muleida kiidi kya oruka lulya, mulefanyitsa oruka lulya loko na kyooṟa kyako mkakihaluo kindo kisuikie.

SHILIO 5:6

Ambuya, nyi lokehenda iterewa shelya ko Wamisri, na Waashuru kundu luidime iihutsa mbihu yadu.

EZEKIELI 4:13

Kindo ki nyi kyaloṟa chandu Waisraeli wechilya mkate yawo injifanyitse ilimandi wechidao wusingenyi kiidi kya njoruka njihenu.”

DANIELI 1:8

Indi Danieli kadumbuo mrimenyi foke ke echikuwasha na kelya ang'u mvinyo fo mangipfo kundu nalakufanyitse ngafu. Katerewa mnene ulya mnzenge nakumnengie momu.

HOSEA 11:11

Wechicha wawuka Misri wechichumia cha shilehe, wechirunduka wawuka Ashuru cha mbeta, na inyi njechiwawihiṟa kanyi kowo, nyi inyi Mndumii-Ruwa ngahamba.

HOSEA 11:5

Kyasia, nyi wechiwuya na Misri; na mangi o Ashuru nechiwasongoya, kyamba nyi waleleha injiosha.

HOSEA 7:11

Efraimu nyi awa cha mbeta injitondo ilawode wuṟango, kunu ikeri Misri ang'u Ashuru iterewa.

HOSEA 7:16

Ambuya, nyi walehalukia maruwa hengi, wakawa cha uda wulekeidima iṟunda, Wanene wawo nyi wechipfa ko oshu, kipfa kya madedo hawo hekudosa dosa, Kipfa kya ikyo nyi wechisalucho orukenyi lo Misri.

HOSEA 8:13

Ambuya wo nyi wakundi iwuta mwano na shidaso, nyi wekewuta shidaso wakawelya nyama tso, kyaindi inyi Mndumii-Ruwa shekenjichihiṟapfo, Inyi njihenda ikumbuo njonyamaṟo tsawo, njihenda iwakapa kipfa kya madeko hawo, ambuya nyi njihenda iwawihiṟa wusingenyi kulya Misri.

HOSEA 9:6

Kiheri kyo mochidicha ngapo tsa oruka lonu, Misri yechiwaambia koke kyaindi shipfu shanu shimuwedie kulya Memfisi. Sangari yechioṟa kiidi kya shisa shanu sha fesa; na msha nyi yechioṟa ipfo mahemenyi hanu.

WALEWI 18:28

Kyasiang'u, nanyo, manya mulawute isho, shile wudo orukalo lochimudaika chando luledaika walya wawemusongoe ikaapfo

WALEWI 20:22

“Kimuwaṟi iwada na iawutsia mawawaso na wuikimbi woko wose; shile wudo oruka lulya njimuduo lochimudaika.

WALEWI 25:23

“Manta teri ilakumbo manyale kipfa teri nyi masaa hako nanyo nyi wahenu na wakyaṟo wekuidia orukenyi loko.

AMOSI 7:17

Ko ikyo Mndumii nyi ahamba adi, Mka opfo nyechiwa mmeluki na mṟuhui mṟinyi, wana wapfo wa kika na wa kiumi wechiwooho nyi oshu, na dema lyapfo lyechihawo kui shiwoho-kyahu kui kyahu; na iyo kumonyi nyi ochipfa orukenyi lo ngafu; na kya lohi Israeli nyechidao kuleshe ai mpfungo awuka orukenyi loke.”

MIKA 2:10

Kurenyi hendenyi konu! Iya kuwode hesia moo pfo. Kipfa kya iwuṟa wuhendeli, masaramayo hang'anyi hamuwedie!

MAWUTO HA WASU 10:14

Petro kahamba, “Manya, ote, hoi Mndumii! Cha kipfa ndalemlye maale kindo kya ngafu na kindo kilai kiharami.”

NGUMBUO YA MAWAWASO 28:63

“Chandu kilechihia Mndumii-Ruwa imuonyishia na impfumbutsa mkaengeṟeka na wudo Mndumii-Ruwa echichihio imwendie ngapo na irumatsa. Nanyo mochiwuto ipfo orukenyi kundu muihenda iluchilia.

NGUMBUO YA MAWAWASO 28:68

Mndumii-Ruwa nechimuwihiṟa na Misri kui ngalawa ing'anyi kyaṟo aleteṟia ke echimuwihiṟase na Misripfo mpfo kundu mochiheṟia ikukumba ko wakituwa wanu muwe masinga, kyaindi kuwode mndu echimuhuṟapfo.’”

NGUMBUO YA MAWAWASO 4:26

kyasiang'u, inyi inu ngalaha ruwehu na wuyana shiṟingishie kyanu; ngamuwia napata ke mochirumara nakamu ipfo orukenyi kundu muihenda ichilia mataya ya meda fo Yordani. Mochikaapfo kiheri kileshe, mulakombetso nakamupfo.

YOSHUA 23:15

Kyaindi wulalu ambuyenyi, Mndumii-Ruwa ichu ai Ruwa onu, chandu aleawutsia shiasa sha shindo shicha alemuwutia nyi na wudo echeidima imuendie shindo shiwicho na imukapa muwuke kunu orukenyi lui lucha alemuinenga.