HOSEA 9:10 - Bibilia Kui Mdedie fo Kimochi

¹⁰ Mndumii-Ruwa nyi ahamba le; kiherikyo njilekoya Waisraeli, nyi wawei cha msabibu fuwedoye kundu ko nuka; Kiheri kyo njilekoyana na waku wanu, wawei cha mbeu ya kuwoka ya mashidi ha msinepfu , kyaindi kiheri waleshika Baal-peori, wakalya mma yeindia Baali. Wakawa kindo kisuikie cha kindokyo walekikunda.

HOSEA 9:10 ပူးပေါင်းရင်းမြစ်များ

1WAMANGI 16:31

Ngoseṟa, kudee ma mawicho ha Yeroboamu mana o Nebati, Ahabu chu nalealika Yezebeli mana o waka o Ethbaali, Mangi o Wasidoni; kasingia na iterewa Baali.

2WAMANGI 17:11

Na ipfaamiṟa ubani ipfo rasionyi tsose tsa maruwa ha wongo na iosha kido kya wandu wa mkambo iwo Ruwa alewafuna. Wakasuiṟa Mndumii kui mawuto hawo mawicho.

SHIIMBO SHA DAWIDI 115:8

Iwa waleiwika wechifanana nayo, orio umu ekeikusiria.

SHIIMBO SHA DAWIDI 81:12

Ngawada wakahenda kui orikiki lo mrima yawo; wachumie kiidi kya mdumbuye yawo.

SHIIMBO SHA SOLOMONI 3:6

Nyiu ichu ado awuka patenyi, nyi afananyi cha ngo ya mtsu; napfaama nyi manemane na ubanyi, na kiluli kya opfudano lo ulya mokumba wotengeta?

YESAYA 28:4

na kiwaṟo kya wucha wo wuitoṟi woke wuinaa, likeri mdohu fo pichi lidoye necha lyechiwa cha mkuyu fulesonguo iwiṟa kiheri kilaweshikie, mndu katsiwona nechitowuo na itsilya oweṟe lumu.

YEREMIA 11:13

Kipfa itala lya maruwa hapfo iyo Yuda haṟinganyi na itala lya mṟi yapfo; chandu itala lya njia tsa Yerusalemu nyi wudo mulehoṟotsa rasio tsa kindo kilya kya wusutsu, shitaṟa shepfaamiṟa Baali uvumba.

YEREMIA 24:2

Kikunja kimu kiwewode mkuyu njicha mnu cha kiheri kesambuo mkuyu ya kuwoka. Kikunja kya kawi kiwewode mkuyu njiwicho mnu tsilechiwa ma iliyo.

YEREMIA 3:24

“Kyaindi kindo kya sonu kyalya irunda lya wandeadu wokia uwanake wodu, mapo hawo ha machondi na mmbe, wana wawo wa kisoṟo na wa kika.

YEREMIA 3:25

Lulae na sonu tsadu, iṟenze lyadu lilushikie; kipfa luledekio Mndumii-Ruwa odu, so na wandeye wadu, wokia wukoho wodu itane inu, ma luleindia ṟu lya Mndumii-Ruwa odu-pfo.”

YEREMIA 31:2

‘Inyi Mndumii-Ruwa njihamba; wandu walya walekia iwoho, njilewainenga mboṟa kulya nuka ya msanga. Kiheri Waisraeli waweshiha isia moo,

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

EZEKIELI 20:8

Kyaindi wakanjimina, walakunde injiadanyia. Walekunda ilekana na sanamu tsilya tsawo ma ilekana na maruwa halya ha wongo ha wa Misri pfo, ikyo kikanjiinenga njikunde iwasotsia ngapo na nyashi yako ing'anyi kulya Misri.

HOSEA 11:1

Kuwokia Israeli awei mana mtutu nyi njiwemkundi, kuwokia Misri nyi njilemlaha nyi mana oko.

HOSEA 13:5

Nyi inyi njilemuembeṟa kiheri muwekeri kulya nuka, kiidi kya oruka lulya luwei nuka ya msanga.

HOSEA 2:15

Ipfo njechimbihiṟia madema hake ha msabibu, na mfo fo Akori, njechifutana fuwe kichumi kya ngaya. Nechinjiosha ko ikunda lyake chandu awekewuta kiheri awei manake, cha kiheri awewuka kiidi kya oruka lo Misri.

HOSEA 4:14

Kyaindi njechihoṟuo wana wanu wa kika kiheri wawuta wumelukimeluki-pfo, ma wamali wanu kiheri waiwuta wuṟuhui-pfo, kipfa, wasoṟo wawenyi nyiwo waioshana na wamelukiwo, na iwuta nawo shidaso kiidi kya miindie ya wumeluki. Wandu wa watuṟie wuṟango kya lohi wechirumara!

HOSEA 4:18

Wakamenyo mvinyo fufoi, wekekuombotsa wumelukinyi wo wamonyi; wakakundia ihutsio sonu kota iinengo kiṟumi.

AMOSI 4:5

wutenyi shaano shanu, ya kilya kikiwikye mtarang'ao; muonguo mwano mulewuta kui ikunda lyanu na ihamba kyatso; kipfa ikyo kimuchihiṟye nyo, lanye wana wa Israeli, Mndumii-Ruwa ahamba.

MIKA 7:1

Ochia loko! Chandu kii wulalu, kifanani cha ili wandu wamaa isambuo; kuwode ndunda tsakuwoka njitsilangie pfo. Nyi cha kiheri kyehaa zabibu, kuwode ma kidingo kimu kya zabibu kelyapfo!

MAITALA 15:39

Mambotso shechiwa ngumbuo konu. Orio mandi mochishiwona, mochikumbuo mawawaso hako hose na ihaawutsia, kundu mlaoshe lango tsanu na isho mochishiambuya na meso hanu.

MAITALA 18:13

Shilimu shose sha kuwoka sha ndunda njiwiri tsa mademenyi hawo sa wechinjiendie inyi, tsechiwa tsapfo. Orio mndu alaterefukie o ipfo mbaṟinyi yapfo neidima ikuliia.

WAROMA 6:21

Nyi kiira kiki mulewona ho mandi halya? Chi kiwei kya mbaṟi imwinengye mopfia kyayo sonu wulalu? Cha kipfa kiira kyakyo nyi opfu.

NGUMBUO YA MAWAWASO 32:10

Nalewakoya orukenyi lo nuka, nuka tsilawode mṟinga tsiwode owira luwawo, Nalewaringa na iwalela, nalewatana cha riso lyake.

NGUMBUO YA MAWAWASO 32:17

Waledasia maṟimu halai ruwa, Waleosha maruwa sa walahaichi manyale, maruwa mahya sa halecha mfiri ii ya afui, sa wameku wawo walalehaindia manyale.

NGUMBUO YA MAWAWASO 4:3

Nyo mulewona na meso hanu shindo Mndumii-Ruwa alewuta kya Baal-peori.

WACHILI 6:32

Mkonu fo wakalaha Gideoni Yerubaali ilyi lyahamba, “Baali nakudedie amonyi oshangunyi loke, ‘Kipfa nalewunduo rasio lya Baali.’”