HOSEA 9:1 - Bibilia Kui Mdedie fo Kimochi

¹ Ambuya, nyo Waisraeli manya mulachihio, ma mlasungusie mfuho ing'anyi cha wandu wengi wa mkambo, kyamba nyi mulewa wandu waṟuhui, mukalekana na Mndumii-Ruwa onu; mukakuchihiṟa na wueri wo wuṟuhui wulewutikia handu hehuya Ngano.

HOSEA 9:1 ပူးပေါင်းရင်းမြစ်များ

SHIIMBO SHA DAWIDI 73:27

Kipfa welekana na iyo wechideka; nyi kulerumatsa wose walekuda Iyo.

YESAYA 17:11

Wokia mkonu fulya kulewaya, kulewewika mṟishe, na kiheri kya ngamenyi koalutsa mbeu tsapfo, kyaindi shilimu shechideka mkonu fo wukiwa, na isokionyi fowa yewaha.

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 2:20

“Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

YEREMIA 44:17

Indi orio kindo lulekiliia nyamu lochikiṟunda: Lochipfaamiria mka mangi o ngina ubani na imletsia mwaano fonyo chandu luwekewuta so luwenyi na waku wadu, wamangi wadu na wasongoru wadu, kiidi kya mṟi ya Yuda na njienyi tsa Yerusalemu. Maheri ho luwewode kando kalushikie, lukafuda ma lulewona ngataṟa yosepfo.

SHILIO 4:21

Nyo wa Edomu nyi mochiidima ikeseka wulalu, nanyo wa Uzi nyi mochiidima ichihiyo wulalu. Kyaindi kikombe ki kya sahabu nyi kechiwachea, nanyo nyi mochihenda ikinyo na inango, nanyo nyi mochichumia kiṟanguo.

EZEKIELI 16:15

“Kyaindi kiṟumi kya wucha wopfo kikakutewa kohenda iwuta shindo sha mkika na ilya na walya wewuta sha useṟeṟi.

EZEKIELI 16:30

Mndumii-Ruwa nahamba adi, “Ambuya chando mrima fo fopfo fui mfafa, mawuto ha mawicho hadi ulehawuta, kofanana na mndu mka amwohi.” Mndumii-Ruwa nahamba adi, “Mrima fopfo fui mkuwu, kipfa mawuto ho ulewuta nyi hekewuto nyi waka waohi.

EZEKIELI 20:32

Kyamba mrimenyi yanu mukusaṟie ke mukundi ifanana na wandu wa mkambo yose mochiindia sanamu chawo, ikyo kechiidima iwapfo.’”

EZEKIELI 21:10

Lulunuo na ipfuṟano necha kundu luidime iwaha; Lulupfuṟane luidime iaka aka cha owaṟuko, Kochiwada oforopfo kipfa wandu wako wawaminyi.

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

HOSEA 2:12

Njechirumatsa msabibu yake na mkuyu, ekehamba nyi wueri kuwuka ko wakunde wake. Njechiitana iwe ngeṟa, na mando ha ngeṟenyi hechiilya.

HOSEA 4:12

Wandu wako weketerewa wulaanyi ko mashidi; wukidi wowo wo lasha nyiwo wokewainenga otambahaluo. Macha hawo hewuta wuṟuhui nyiho hawadetsa; wawuta wuṟuhui ko ioshana na maruwa hengi, wakanjida inyi Ruwa owo.

HOSEA 5:4

Mawuto hawo nyi hawaima walaidime iwuuya Mndumii-Ruwa owo, Mrima yawo nyi iichuo wuṟuhui, wanjiichi inyi Mndumii-Ruwa pfo.

HOSEA 5:7

Kyamba nyi waleda ikusiria ko Mndumii-Ruwa, wafee wana wa mkika ambuya meri fui okombe, nyi fochiwameṟa handu, hamu na madema hawo.

AMOSI 3:2

Nyi nyo tupu njilemumanya kiidi kya wandu wa mkambo ya wuyanenyi kose; kwi kipfa ikyo, njechimuwuwuya manyamaṟo hanu hose.

AMOSI 4:5

wutenyi shaano shanu, ya kilya kikiwikye mtarang'ao; muonguo mwano mulewuta kui ikunda lyanu na ihamba kyatso; kipfa ikyo kimuchihiṟye nyo, lanye wana wa Israeli, Mndumii-Ruwa ahamba.

AMOSI 6:13

Nyo mokechihiṟo nyi mbonyi tsa maai, mokehamba, Ngesa chi lulekuwonyia membe kui pfinya tsadu so luwenyi?

AMOSI 8:10

Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

YAKOBO 4:16

Na wulalu mokekushela na maseṟeṟi hanu. Orio ikushela lya mbaṟi ii lii liwicho.

YAKOBO 5:1

Kendeng'u-wo wulalu nyo mui wasuṟi, muhende lia na ifuha kya marohyo hanu hechimhoya.