HOSEA 8:7 - Bibilia Kui Mdedie fo Kimochi

⁷ “Ambuya nyi wakeri iwaya otanu, nawo waihenda isambuo kiwiriwiri. Ambuya shilimu shawo shikeri mdemenyi, shechioṟa shilimu pfo. Manya kokoya shechikumbia shilimu sho nyi shechilio nyi wahenu.

HOSEA 8:7 ပူးပေါင်းရင်းမြစ်များ

MAWOOKIONYI 41:23

Na aiha mahaa mfungade masise mafila, haleumiṟo nyi otanu lo ora lo ngamenyi, hakaoṟa numa ya iho.

2WAMANGI 15:19

Kyasia, Pulu mangi o Ashuru kacha, kundu nakape Israeli, na Menahemu kamnenga kiheo kya fesa shilo (34,000) kundu namtarame iwanza wuitoṟi woke huya oruka lo Israeli.

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

YOBU 4:8

Inyi kindo njiichi, wewaaya wuwicho, wechesambuo iwonyio.

MFANANO 22:8

Mowaaya mawicho nechisambuo opfu, Na ndichi yake yehoṟwo yechitsitsa.

KOHELETI 5:16

Ikyo nyi kindo kiwicho mnu nakamu ke chando alecha na wudo echikuhendya, nao nyi kiira kiki airaho icho alelya wukiwa na itambahana kya wulya?

YESAYA 17:11

Wokia mkonu fulya kulewaya, kulewewika mṟishe, na kiheri kya ngamenyi koalutsa mbeu tsapfo, kyaindi shilimu shechideka mkonu fo wukiwa, na isokionyi fowa yewaha.

YESAYA 55:2

Kitewe ketaa fesa ko kindo kilai kando nki? Na shilya mowona ko kindo kilaihutsa? Njiadanyienyi mnu, mlye kilya kii kicha na ikuchihiṟa kui wunoru.

YESAYA 66:15

Kipfa Mndumii naicha cha modo na magari hake ha shida cha otanu lo kiwiriwiri; kundu natae kiṟache kya nyashi yake ko modo fuaka na mapfundo hake kui olewo lo modo.

YEREMIA 12:13

Walewaaya Ngano wechisambuo mbosha, walelisa wukiwa mbihu yawo indi walaiṟimiṟe. Wulalu tawukenyi kipfa kya mawuto hanu, kipfa kya nyashi njiwawo ya Mndumii.”

SHILIO 5:2

Oruka lodu nyi luleo nyi wandu wahenu; na mba tsadu nyi tsileo nyi wahenu.

HOSEA 2:9

Koikyo kiheri kesambuo, njechiduo Ngano yako, njechiduo na mvinyo foko kiheri kyake. Njechimsoka nguo tsako tsa sufu na kitanyi, sa tsiwekeshikia wukitaṟe woke.

HOSEA 7:9

Ambuya wahenu nyi waleonga pfinya tsake, manya nalamanye; mhasa ikaichuo mdonyi foke, kyaindi o aichi pfo.

HOSEA 9:16

Wandu wa Efraimu nyi walekapo, wakawa cha ikidi liwode mri sa njiumu, wechifee wana sepfo, manya kokoya wafee, nyi njechiwawaha wanawo wawo wawakundi.

NAHUMU 1:3

Mndumii ekeduika nyashipfo, nawode pfinya ing'anyi, manya echihamba mndu mnyamaṟi awode wunyamaṟipfo. Mndumii nawode otende loke kiidi kya otanu lung'anyi, mapuchi nyi kiluli kya madende hake.

HAGAI 1:6

Ambuyenyi mulewaaya mbeu tsifoi mukasambuo kitutu; mkowelya manya mulaihude; mukanyo mulawute wuangari; mkaṟaa nguwo indi kuwode moicho mrikepfo; na icho moambia wueri kawika mfukonyi futochikyetochikye.

WAGALATIA 6:7

Manya muladeko, Ruwa ewa inyeṟopfo. Kipfa hando halya mndu akumba-ho mbeu nyihondo echikusambuya-ho kilya kii kyake.

WAGALATIA 6:8

Mndu kawa mokumbya ipfo nyame-hu tsake, na ipfo nyamenyi echikuwutya-ho ihenda inyamaṟika. Mndu kawa mokumbya Mumuyo-hu na ipfo Mumuyonyi echikuwutya-ho ikaa na moo mwele fo mlungana.

NGUMBUO YA MAWAWASO 28:33

“Mkambo fo wandu mlafuichi fochicha iduo shilimu sha mademenyi hanu shose na ndunda tsa mmbiṟuko fonu, nanyo mochiwutio shindo sha mbaka kiheri kyose,