HOSEA 8:6 - Bibilia Kui Mdedie fo Kimochi

⁶ Nyo Waisraeli nyi nawudo wudo! Sanamu yo yanu nyi mwaria aleisungusia, ikeri Ruwa manya le pfo, ee, sanamuyo ya ihache, ya Samaria nyi ikeri ihenda ifunjo funjo!

HOSEA 8:6 ပူးပေါင်းရင်းမြစ်များ

2WAMANGI 23:15

Na ngoseṟa, kanyamaṟa, ipfo Betheli handu heterewia handu mangi Yeroboamu awewikie mana o Nebati ulya aletewa wandu wa Israeli wawute wunyamaṟi; kanyamaṟa rasio tso kawepaṟapaṟa maho hatso shipeṟengu peṟengu, kashisa mṟasa shikawa kiluli, kiidima kakoṟa sanamu ya Ashera.

2WAMANGI 23:19

Kiidi kya orio mṟi fo Samaria mangi Yosia nalenyamaṟa handu heterewia maruwa ha wongo halewiko nyi wamangi wa Israeli, kundu wataluo na iruma Mndumii-Ruwa kawenyamaṟa rasio tso tsose chandu alewuta ipfo Betheli.

2MBONYI TSA MAHERI 13:8

Wulalu nyo nyi mokusaṟa ke mochiidima ihoṟoka kihadi na wumangi wo Mndumii-Ruwa sa Dawidi aleinengo na wufee woke, ate kipfa muwode ichekeṟo ling'anyi na sanamu tsa sahabu tsa mahache, sa Yeroboamu alewasungusia tsiwe maruwa hanu!

2MBONYI TSA MAHERI 31:1

Kyasia, mfuho fulya fukasia, na wandu wose wa Israeli, wakahenda mṟinyi yose ya Yuda, wakafunjafunja ngo tsose tsa maho, na idumbuodumbuo sanamu tsose tsa Ashera, ruwa o kika, na ngoseṟa wakanyamaṟa rasio na handu hose heindia maruwa hengi ha wongo. Nawudo walewewuta kundu kungi kose kiidi kya Yuda, Benyamini, Efraimu, na Manase, mṟasa kiheri walemarisa ishirumatsa shose. Nyilyondi walewuya na mṟinyi yawo, orio mndu na wuitoṟinyi woke.

YEREMIA 10:14

Orio mndu nai cha indo lya ngeṟenyi lilawode wuṟango. Orio mnganya o sahabu nasonu kipfa kya sanamu yake aleisalaṟa; Kipfa sanamu yesalaṟa nyi wongo, kuwode moo kiidi kyayo-pfo.

YEREMIA 48:13

Wamoabu wechiwadia ruwa owo Kemoshi sonu chandu wandu wa Israeli walewadia sonu Betheli, ruwa ulya wawemkusirie.

YEREMIA 50:2

“Hamba kiidi kya mkambo, irienyi bendeṟa na ihamba, mlaṟike kindo ma kimu. Hambenyi: ‘Babeli yamewado, Beli nasutso, Merodaki naiṟewe; sanamu tsake tsasutso, maruwa hetsana hadedema.’

HOSEA 10:2

Mrima yawo iwenjiichuṟe ngeṟo, Wulalu nyi kikiwaṟi wawone ngapo ya wuwicho wowo, Mndumii-Ruwa nyi echiwunduo marasio ho hawo, na inyamaṟa shitaṟa sho shaho.

HOSEA 13:2

Waefraimu wakaengeṟa ideko, wakasungusia sanamu tsa aṟeṟa, sanamu tsilesungusio ko mawoko hawo, tsilesungusio nyi Waaria wakahamba: “Aitsi, tsiindiyenyi.” Wasoṟo wakahekia momu ihache!

HOSEA 14:3

Mterewenyi mhoṟie, mudumbuye mochihamba, ‘Uluhoṟie madeko hadu hose, keambia shiinengo shadu, naso nyi lochikuadapfuma ko mrima.’

MIKA 1:7

Sanamu tsafo tsa wuhuru tsechifunjo funjo, orio kindo kikiinengie ko wameluki wa hekalu, kechirumatso na modo. Shisanamu shose njechishinyamaṟa. Shilewumbio kwi wueri wo wumeluki, nasho shechiṟunda-se itaya wumeluki.”

HABAKUKI 2:18

“Sanamu tsengusia nyi kiki tsaidima, ma ulya aleisungusia? Sanamu yesalaṟa, ii mlosha o wongo kiki yaidima manya ulya alesalaṟa itane awikaho kikusirio kyake na iwikapfo sanamu tsiladeda?

MAWUTO HA WASU 17:29

Kyasiang'u kokoya so lui wa mbaṟi ya Ruwa ma lulakae lokusaṟa ke Ruwa afananyi na sahabu ang'u fesa ang'u iho nyisho shindo shii shisungusie kui wuarya na wuṟango wo wandu.

MAWUTO HA WASU 19:26

Nanyo muwonying'u na iicho muicho ke chi kunu Efeso tupu kya indi na Asia yose pyu Paulo cho ameidikisha wandu weengi na iwahaluo mhio yawo kechihamba ke maruwa chiho haa matsane na mawokopfo.