HOSEA 8:5 - Bibilia Kui Mdedie fo Kimochi

⁵ Nyo Wasamaria ambuya nyi, njisuo sanamu yo yapfo ya ihache. Nyashi yako nyi ikeri iwaakia, nyi mochikaa mui wadeko mudo itane indii?

HOSEA 8:5 ပူးပေါင်းရင်းမြစ်များ

2MBONYI TSA MAHERI 13:8

Wulalu nyo nyi mokusaṟa ke mochiidima ihoṟoka kihadi na wumangi wo Mndumii-Ruwa sa Dawidi aleinengo na wufee woke, ate kipfa muwode ichekeṟo ling'anyi na sanamu tsa sahabu tsa mahache, sa Yeroboamu alewasungusia tsiwe maruwa hanu!

SHIIMBO SHA DAWIDI 19:13

Ima mṟundi opfo nalawute shindo sha wutimbiri Mbonyi tsa wutimbiri tsilekane na inyi. Nlyong'u njechiwa menyi wusumhanyi, Njechiwa mwele njilawode paṟi, ndawode deko lying'anyi

MFANANO 1:22

Nyo matondo, mṟasa indi mochikunda wutondo? Na walya wemina mukunde imina lyanu, Na masembo isuo wuṟango?

YESAYA 45:20

Sanzenyi muche; na itikiria hafui, nyo wa mkambo fulekiṟo; wawode wuṟango walya weduo sanamu ya ikidi lipachepfo; nyi weketerewa ruwa alechiidima ikiṟa.

YEREMIA 13:27

Ngamewona wuwicho wopfo, wuṟuhui wopfo, na wulala wopfo, ngafu na wumeluki wopfo, wui huya mafumvu kiidi kya mdemi. Ochia lopfo, Iyo Yerusalemu! Noleha iheṟemtso; mbonyitso nochikaa natso noshike indii?’”

YEREMIA 4:14

Iyo Yerusalemu sanja mrima fopfo ulawade wuwicho, kundu uidime ikia. Mahio hapfo mawicho hechikaa kiidi kyapfo ushike indii?

YEREMIA 48:13

Wamoabu wechiwadia ruwa owo Kemoshi sonu chandu wandu wa Israeli walewadia sonu Betheli, ruwa ulya wawemkusirie.

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

HOSEA 10:8

Handu wawekeindia shifumvunyi sha Aweni, wunyamaṟi wo Waisraeli nyi kochihenda inyamaṟo, ambuya msha na sangari, nyi shechioṟa marasionyi hawo, nawo nyi wechiwia mafumvu, “Lushikie” na shitoṟomotso, “Luolokienyi!”

HOSEA 13:2

Waefraimu wakaengeṟa ideko, wakasungusia sanamu tsa aṟeṟa, sanamu tsilesungusio ko mawoko hawo, tsilesungusio nyi Waaria wakahamba: “Aitsi, tsiindiyenyi.” Wasoṟo wakahekia momu ihache!

HOSEA 8:6

Nyo Waisraeli nyi nawudo wudo! Sanamu yo yanu nyi mwaria aleisungusia, ikeri Ruwa manya le pfo, ee, sanamuyo ya ihache, ya Samaria nyi ikeri ihenda ifunjo funjo!

AMOSI 8:14

Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

MIKA 1:7

Sanamu tsafo tsa wuhuru tsechifunjo funjo, orio kindo kikiinengie ko wameluki wa hekalu, kechirumatso na modo. Shisanamu shose njechishinyamaṟa. Shilewumbio kwi wueri wo wumeluki, nasho shechiṟunda-se itaya wumeluki.”

MAWUTO HA WASU 7:41

Mafiri halya wakatsana mfano fo ihache wakafuendye shidaso wakachihio nyi kilya wakiwikye na mawoko hawo wawenyi.”

NGUMBUO YA MAWAWASO 32:22

Nyashi yako yechiaka cha modo, yechikoṟa tane shi ko waṟumu, yechirumatsa wuyana na shose shiipfo, yechikora omombo lo mafumvu.