HOSEA 8:1 - Bibilia Kui Mdedie fo Kimochi

¹ Kapenyi iranda! Kyamba mkituwa nyi aicha cha mbeṟo, nasokie mba ya Mndumii-Ruwa, kyamba nyi waletehiya mkundana foko, wakaweleha wuwawaso woko.

HOSEA 8:1 ပူးပေါင်းရင်းမြစ်များ

2WAMANGI 18:27

Mnene ulya o wanzenge kawawia, “Ngesa mndumii oko nanjiduma njihambe mbonyi ii ko mndumii onu na konu tupu? Ngesa anjidumie na ko wandu wekekaa mawandenyi wai waanduye hamu nanyo ilya madifi hawo wawenyi na inyo mahuamo hawo wawenyi?”

YESAYA 18:3

Lanye wandu mukeri wuyanenyi kose, nanyo wenyi oruka, bendeṟa ikairio huye fumvuhu, ambuyenyi; na wakakapa taṟumbeta, adanyienyi.

YESAYA 24:5

Kake wuyanawu wui wufanyitse ngafu kui wandu wekekaapfo; kipfa watahachie mawawaso hako, wakailacha wuwawaso, wakeleha kyasa kya mlungana.

YESAYA 58:1

Mndumii-Ruwa ahamba, “Poṟohoṟa ma kulade. Iria ṟu cha mokapa iranda; Ongoya wandu wako deko lyawo, na mba ya Yakobo wunyamaṟi wowo.”

YEREMIA 31:32

Mkundano fu chi cha fulya njilewika na waku wawo lilya njilewawuta Misri ko owoko loko pfo, kipfa mkundana fu walefutehiya, ma chandu inyi mbei Mndumii owo. Inyi Mndumii-Ruwa ngahamba.

YEREMIA 34:18

Wandu waletehia mkundana foko wakaweleha iosha wuwawaso wo mkundana fo wulewikiana na inyi, njechiwawutia cha kilya waletana ihache lilya walelidumbuo makidi hawi na iida kiidi kyalyo.

YEREMIA 4:13

Ambuya! Mkituwa opfo nechido huye cha mapuchi, na magari hake ha shida hechiwa cha kiwiriwiri, farasi tsake tsiichi iwikia mteṟa kota owishi. Ochia lodu! Kipfa lunyamaṟikie.

YEREMIA 4:5

Hambenyi kiidi kya Yuda, onguonyi kiidi kya Yerusalemu, na ihamba, “Kapenyi iranda kiidi kya oruka, fahiya mnu na ihamba sanzenyi handu hamu, luide kidi kya mṟi iwode omombo.”

YEREMIA 48:40

Mndumii-Ruwa nahamba adi; “Ambuya, mkambo fo wandu wechirunduka, na itowokia wa Moabu, cha owishi, lualie makungo halo.

YEREMIA 49:22

Ambuya mkituwa nechirunduka cha mbeṟo na iṟambatsa makungo hake huya Bosra. Mkonu fo mrima fo mbahanyi tsa Edomu fochiwada wuowu cha mndumka aifee.”

YEREMIA 51:27

Iria bendeṟa ya shida wuyanenyi, kapa taṟumbeta kiidi kya wandu wa mkambo; teseheṟa mkambo ikapana nao; laha mangi isaṟikia; mangi tsa Ararati, Mini na Ashkenazi. Wika mbahanyi sumhana nawo; ende frasi cha mapo ha nzihe.

YEREMIA 6:1

Dichenyi nyo wana wa Benyameni kundu mukie; wukenyi kiidi kya Yerusalemu, Kapenyi iranda kiidi kya Tekoa. Wikenyi kichano ipfo Beth-hakeremu; ambuya kuwode mawicho hang'anyi hakeri iimehiya hache ora lo mtsudu.

EZEKIELI 11:4

Koikyo Iyo mndu waikimbe ikimba wandu wa.”

EZEKIELI 16:59

Mndumii-Ruwa nyi ahamba adi, “Njechikuwutia sumhana na mawuto hapfo, kyamba nyi ulemina kyasa kyapfo koweumbuya mkundana.

EZEKIELI 17:3

Uwawie, nyi wudi Mndumii-Ruwa ahamba, Nyi kuweipfo mbeṟo sa ing'anyi makungo hayo haweng'anyi mnu, mamberi hayo nyi hawemaleshe, hakawechopo kui fana tsa mbaṟi tsifoi. Mbeṟo yo ikarunduka mṟasa mafuvuhu ha Lebanoni, ikakaa machenjehu ha ikidi lya meresi;

EZEKIELI 7:14

“Wakapa ombe na iachikia orio kindo, kyaindi kuwode sa aikure nahende shidenyipfo, kyamba nyashi ya Mndumii ikeri ihoya wandu wose.

HOSEA 4:6

Wandu wako warumara kipfa walanjiichi; kipfa iyo mkohanyi noleha iwapfunda. Ngakuleha ulawe mkohanyi oko. Kipfa nohadima mdumbuye ya Ruwa opfo, na inyi njechihadima iwikia mboṟa wana wapfo.

HOSEA 5:8

Kapenyi ombe ipfo Gibea na taṟumbeta ipfo Rama. Kapenyi king'oṟa ipfo Beth-aweni. Nyo wana wa Benyameni wakituwa wapfo nyi wakeri nduma yapfo.

HOSEA 6:7

Ambuya nyo mulefunja mkundana chandu Adamu alewuta; kyamba walenjiwutia kui wuhoṟotsupfo,

HOSEA 9:15

Ambuya wuwicho wowo nyi wulewokia kulya Gilgali; nyi wudo Mndumii-Ruwa ahamba. Ipfo nyipfo njiilewoka iwasuo. Kipfa kya mawuto hawo mawicho, ambuya nyi njihenda iwafuna kanyi koko, manya njechiwakunda sepfo; Wanene wawo wose nyi walelekana na inyi.

YOELI 2:1

Kapenyi membe ipfo Sioni; kapenyi iranda huye ya ifumvu lyako liele! Wandu wose wa oruka lo Yuda, dedemenyi kipfa mkonu fo Ruwa fotikiria!

YOELI 2:15

Kapenyi ombe ipfo Sioni! Wawasenyi wandu wakuotoye; lahenyi shisanzio sheadapfuma Ruwa.

AMOSI 3:6

Ngesa, ombe lochikapo mṟinyi, wandu walechiowuo? Mṟi fochiwona ngapo, ilanjiende nyi Mndumii?

AMOSI 8:3

Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

AMOSI 9:1

Njilewona Mndumii ahoṟoki kufui na kitaṟa kyedasya, kahamba, kapa mdo ya ngo itane ngiṟi tsadihina; nowefunja mdo ya ngiṟi tso shiteeno shiteeno; inyi njechiwaaha mndu owo mfurumi kui oshu, kuwode ma umu owo echidicha ang'u umu owo echikiapfo.

HABAKUKI 1:8

Frasi tsawo tsinjiangu kota rumu, nyi tsilang'a kota shisii sha kiukanyi, wenyi frasi wekekudosa ke frasi tsawo tsiichi irunduka cha mbeṟo yeshiha kelya.

SEFANIA 1:16

mkonu fo taṟumbeta na singiri Mṟi injiiṟihiye omombo, Iwode shitanga shileshe mnu.

ZEKARIA 11:1

Pfunguo mongo yapfo iyo Lebanonyi, Kundu modo furumatse mashidi hapfo.

ZEKARIA 9:14

Nao Mndumii nechiwonekana huye yawo, Mfi foke fochiwa cha mbaṟuko, Mndumii-Ruwa nechikapa ombe, Nechihenda na otanu sa lwapfinya lo nuka

MATAYO 24:28

Handu hai mnying'a na mamtonyi napfondo hekekuwumbia.”

1 WAKORINTO 15:52

Waṟu cha ili okema kiheri kya ombe lofurumya; kyamba kochikapo ombe na wapfu wechiṟuka warie moo fulechisia naso lochiilachika.

NGUMBUO YA MAWAWASO 28:49

“Mndumii-Ruwa nechiende mkambo fumu fo wandu kuwuka kuleshe fumupufukie owicho cha mbeṟo, mkambo mulaichi manya mdedie fowo.