HOSEA 7:14 - Bibilia Kui Mdedie fo Kimochi

¹⁴ Nyi walenjifihiṟia kyaindi chi ko mrimapfo, wakawekupiṟimtsia shitaṟenyi shawo, kundu njiadanyie shiterewo shawo sha mso na mvinyo, kyaindi waengeṟa injidekio inyi.

HOSEA 7:14 ပူးပေါင်းရင်းမြစ်များ

IWUKA 32:6

Wakakure ngamenyi otuko wakalekia kidaso, wakaende mwano ya ofoṟo, wandu wakadamia ilya na inyo, wakakure washine.

YESAYA 29:13

Mndumii kahamba, “Kipfa wanduwa wekecha injiindia na madumbu hawo kyaindi mrima yawo ilekanyi na Inyi, na wuindi na wucha wowo nyi mloshie ya kiwandu.

YESAYA 52:5

Kyasia, wulalu nkiki njiwuta iya, Mndumii ahamba, “Kokoya wandu wako waledao wulya? Iwo waiwaitoṟia, wafahia, Mndumii ahamba, rina lyako lirumo mfiri puti.

YESAYA 65:14

ambuya waṟundi wako wechiimba na sia ya mrima, kyaindi nyo nyi mochifuha muiwasokionyi fowa ya mrima; nyi mochifihiṟa mnu kipfa kya fowa ya ngoo tsanu.

YEREMIA 12:2

Kowawaaya wakado, wakang'ana na iṟaa ndunda, wekekusenda kui madedo hawo, indi mrima yawo ikeri haleshe na iyo.

YEREMIA 3:10

Kyaindi hamu na isho shose mshiki oke, Yuda ichu awode mtambo alemeche na koko na mrima foke fose-pfo, nalecha na makulembetseṟe.” Mndumii ahamba.

SHILIO 2:18

Njomombo tsapfo iyo mṟi fo Sioni fihiṟia Mndumii-Ruwa! Mcheny'eṟe yapfo ipusuke cha meda kio na mfiri! Fihiṟa na isumukia kulawode itsitsa.

HOSEA 13:16

Kikiwaṟi Samaria Wakoṟo yo kipfa kya injileha, Wandu wake wechipfia shidenyi; Wakoku wawo wechipfa; Waka wakapikie wechiranduyo ndeu tsawa.”

HOSEA 13:6

Kyaindi kiheri mulelya mukaihuda, mukawoka ikudosa mukatana monjihadima.

HOSEA 13:9

“Njihenda imurumatsa nyo Waisraeli; Nyiu echimuikanyia?

HOSEA 3:1

Mndumii-Ruwa kanjiwia, “Hendase nokunde mndu mka amkunde nyi wasoṟo wengi sa ai mmeluki. Mkunde chandu inyi Mndumii-Ruwa njikundi Waisraeli, ma chandu wo waihalukia maruwa hengi kipfa wawodo nyi oṟoo lo mandasi ha msabibu njiumu.”

HOSEA 8:2

Waisraeli wekenjifihiṟia wechihamba, “Mndumii-Ruwa odu nyi lukuichi.”

AMOSI 2:8

wo wekelaaya nguo tsilya wandu walesoko, na ipfo rasionyi lya ruwa owo inyo wekyenyo olea luiluhuṟe na fesa tsilya tsilewoneka ipfo kikumbyonyi kya wandu.

AMOSI 8:3

Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

MIKA 2:11

Kokoya kuwemewuka mndu kadeda madedo ha wongo na ha wulya kahamba; ‘Ngaende wuikimbi, ke mochiwona mvinyo na wari sa wufoi,’ ichu moonguo nechikundo nyi wandu wa.

ZEKARIA 7:5

“Wia wandu wose wa oruka na wakohanyi ochihamba ilindi mulekuotoya na ikuinadya meeri fo katanu na meeri fo mfungade maaka yo makumi mfungade ngesa mulekuotoya kipfa kyako, mulekuotoya kyako?

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.

WAFILIPI 3:19

Hando wakeri ikushitsya-ho wawenyi ipfo odetsonyi ndewu nyiyo Ruwa owo, kiṟumi kyawo kiwaendye wuṟenze, nawo nyiwo wekekumbuo shikeri sha wanda ii.

YAKOBO 4:3

Moterewa mulaambya nyi kipfa moketerewa owicho kundu mushifole-fole mochilisiṟa nasho lango tsanu.

YAKOBO 5:1

Kendeng'u-wo wulalu nyo mui wasuṟi, muhende lia na ifuha kya marohyo hanu hechimhoya.

WACHILI 9:27

Wakakure wakahenda mademenyi hawo ha msabibu, wakahaa ndunda tsa msabibu wakatsifindika kiidima wakatsikama wakasungusia mvinyo wakawika mfuho. Wakaanga mbenyi ya ruwa owo wakalya na inyo; kiidima wakaruma Abimeleki.