HOSEA 7:1 - Bibilia Kui Mdedie fo Kimochi

¹ Ambuya kiheri njikundi ichiṟa wandu wako Israeli, wuwicho wo Efraimu nyi wokekuloṟa, handu hamu na mawuto mawicho ha Samaria. Kyamba wo nyi wawuta sha wongo, miwi nyi aifunja mba tsa wandu, na wasoki nyi wasaṟikia, wandu ipfo paṟepaṟenyi.

HOSEA 7:1 ပူးပေါင်းရင်းမြစ်များ

YESAYA 28:1

Ochia lo oṟo ya orikiki lo wananzi wa Efraimu, na kiwaṟo kya wucha wo wuitoṟi woke wuinaa, likeri mdohu fo pichi lidoye necha lya iwo walelemo nyi mvinyo.

YESAYA 59:12

Kipfa madeko hadu haengeṟeka na ifo oshangunyi lopfo, na manyamaṟo hadu hakawa wuṟingishi huye yadu; kipfa luwode madeko lukakaa naho, mawicho hadu lomehamanya;

YESAYA 59:13

kiidi kya madeko na, lukadeda kui orikiki na inyamaṟa, lukakusaṟa madedo ha wongo na ihawuta mrimenyi.

YESAYA 59:14

Mwanduye fomehaluka fukahenda nduma, na wukiilohi wuhoṟoki haleshe mnu, kipfa lohi ihalukie njia njilandari na wuhoṟotsu wochiidima iidapfo.

YEREMIA 51:9

Luleheṟie ichiṟa Babeli, indi kechiwa-pfo Denyi mṟifu, luhende, orio mndu oruka loke, kipfa mwanduye foke nyi fung'anyi mnu, fukuirie mṟasa mapuchinyi.

EZEKIELI 16:46

Wawiye ipfo Samaria nyi akeri huye yapfo hamu na wana wake na mananu opfo mtutu Sodoma nyi akeri nuka yapfo hamu na wana wake.

EZEKIELI 23:4

Ulya ang'anyi nawekelaho nyi Ohola, na ulya mtutu nyi awekelaho nyi Oholiba. Kyasia wana wa wawaka wakawa wako, na wo wakanjifeya wana wa kiumi na wa kika. Sumuhana na marina ho hawo. Ohola nyi Samaria na Oholiba nyi Yerusalemu!

EZEKIELI 24:13

Cha kipfa mawuto hapfo nyi hai mawicho, ngawetambahana ikusanja kyaindi ulawe, koikyo ochiwa isanjasepfo mṟasa ili mandi nyashi yako yechikuhoya.

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

HOSEA 11:12

Efraimu nanjiṟingichia ko madedo ha wongo, na mba ya Israeli ko wulembi; ma wulalu Yuda nakeri iangalala ko Ruwa, nao nyi akeri mwele, nao nyi mhendeli.

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

HOSEA 12:1

Orio kindo wandu wa Israeli wawuta mfiri puti nyi sha wulya na sherumatsa. Wuṟiingi, wongo, wunesi na wuwahi wuiengeṟeka kiidi kyawo. Wawadana na Waashuru na ikapa mbucha na Wamisri.

HOSEA 12:2

Mndumii-Ruwa nyi awode mondu na Yuda; ambuya nyi ahenda ikapa Yakobo sumuhana na madeko hawo, na iwataa sumhana na mawuto hawo.

HOSEA 4:17

Wandu wa Efraimu wamekupfunga na sanamu. Koikyo! Waleke waengeṟe ichumia chandu wakunda!

HOSEA 4:2

Ilya nyamu, wongo, uwahi, wuiwi na wuṟuhui wuichuopfo. Wunyamaṟi wuongeṟa ifo, na samu ipusuyo orio mkonu.

HOSEA 5:1

Keadanyienyi lanye wakohanyi! Keadanyienyi nyo Waisraeli! Keadanyienyi nyo oshari lo kimangi. Nyi kiwemuwaṟi muhoṟokie wusumhanyi, kyaindi nyi mulehaluka mdeho kulya Mispa. Mukawehaluka mdeho ipfo Tabori;

HOSEA 6:4

“Kyaindi Mndumii-Ruwa nyi ahamba adi, ‘Njikuwutie ki iyo Efraimu? Njikuwutie ki iyo Yuda? Ikunda lyanu koko nyi likeri cha mtiima fo ngamenyi, likawefanana na ṟauṟa ya ngamenyi yekehaduka owinyi.

HOSEA 7:13

Ochia nyi lowo kyamba nyi walenjida inyi, ngapo na iwahoye kyamba nyi walenjidicha, na inyi njiwekundi iwakiṟa, kyaindi wakawoka injideda shindo sha wongo.

HOSEA 8:5

Nyo Wasamaria ambuya nyi, njisuo sanamu yo yapfo ya ihache. Nyashi yako nyi ikeri iwaakia, nyi mochikaa mui wadeko mudo itane indii?

HOSEA 8:9

Ambuya, nyi walehenda iterewa Waashuru wawaikanyie, wakawekuwia cha nzoi iṟahaṟaha njienyi, Efraimu nyi aleakuo wakunde wake,

AMOSI 3:10

Kipfa waichi iwuta shilya shisumhanyipfo, Mndumii ahamba iwo wawikiye kisa kya wusoki na wulang'a ipfo mmbenyi tsawo.

AMOSI 3:9

Onguonyi mbonyi kiidi kya mamba ha Ashdodi, na kiidi kya mamba ha oruka lo Misiri, muhambe, Kuwumbyenyi huye ya mafumvu ha Samaria, ambuyenyi nyi mtiṟi ing'anyi cha iki iipfo, na mawicho hang'anyi cha kiki hafoipfo.

AMOSI 8:14

Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

MIKA 6:16

Nyi muosha ofano luwicho lo mangi Omri, na ofano luwicho lo kishari kya mangi Ahabu, na ofano luwicho lo kishari kya mana o Ahabu, mukaweosha makusaṟo hawo. Ko ikyo njimuendie orumatso, orio mndu nechimumina. Wandu wechiwapiṟa orio handu.”

MATAYO 23:37

“Iyo Yerusalemu, iyo Yerusalemu, kui mowaha waikimbi na iwo wai wadume kopfo kowakumbya maho, na sa kafoi da mbekundi isanya shiwana shapfo na chando nguku yekesanya malea hayo ipfo shi ya makungo hayo nanyo ma malakunde.

LUKA 13:34

Ee-Yerusalemu, Yerusalemu, okewaaha wadedi wa Ruwa kowekumbia na iwo wawadume kopfo maho, nyi kafoi kada njiwekundi isanyia wana wapfo handu hamu chando nguku yekesanyia malea hayo makungonyi nanyo mulakunde!

LUKA 19:42

Kahamba, “A kulamanya-wo na iyo mfiri-fu fo inu mbonyi-tso tsiwechikuendie ofoṟo! Kyaindi ulalu shameṟiko mesonyi hapfo ulawonyi.