HOSEA 6:8 - Bibilia Kui Mdedie fo Kimochi

⁸ Gileadi nyi mṟi fo wandu wawicho, nyi mṟi fuichuo samu,

HOSEA 6:8 ပူးပေါင်းရင်းမြစ်များ

2SAMWELI 20:8

Kyasia, wakakoya Amasa ngaṟahambenyi lya Gibeoni. Yoabu naweṟee nguwo tsake tsa shidenyi na oshu loke oralu lumu. Yoabu kahendia Amasa imṟikiṟa, na kokiṟika kasoṟomuo oshu loke, kawia Amasa,

2SAMWELI 3:27

Abneri ahende ishika Hebroni, Yoabu kamduo mongonyi fung'anyi cha ili akundi ideda nao amonyi; kaira oshu loke lung'anyi kakapa nalyo Abneri ndewunyi, na imbaha kechitaa kiṟache kipfa kya ili alewaha manaomaye o Yoabu o Asaheli.

1WAMANGI 2:5

“Ngoseṟa ya isho, noichi chandu Yoabu mana o Seruya alenjiwutia, chandu alewutia wandu walya wawi wawei mbahanyi wa Israeli, Abneri, mana o Neri, na Amasa, mana o Yetheri. Nalewawaha, kataa kiṟache kiheri kya ofoṟo, kafanyitsa samu okowa lo kitsi kyake, na shadu aweṟee madendenyi hake.

SHIIMBO SHA DAWIDI 10:8

Nekekaa kundu ko maowionyi, Handu ha kiseekenyi kawaha alai na mti, Meso hake hekeṟinjawia mndu mfafa.

SHIIMBO SHA DAWIDI 141:4

Kulaṟungamishe mrima foko handu kuwode mbonyi njiwicho, njilacheiichiwia mawuto halewa, handu hamu na wandu wekewuta wunyamaṟi; manya njilalye shelya shawo sha useṟeṟi.

SHIIMBO SHA DAWIDI 59:2

Unjikiṟe na wewuta mawicho, unjikiṟe na wandu wa samu.

YESAYA 59:6

Ndusu tsa maṟawushi tsechiwa maṟao-pfo, manya wechiidima ikushikia na maṟunda hawo ha mawoko-pfo; maṟunda hawo nyi ha madeko; mawuto ha ngafu nyi hai mawokonyi hawo.

YEREMIA 11:19

Kyaindi inyi njiwekeri cha kidahina kihoo, kidao kishinjionyi; manya njiweichi ke wawemewika chila kiṟika wehamba, “Wulalu lunyamaṟe ikidi na ndunda tsalyo, lumkumbe kuleshe nawuke orukenyi lo wenyi moo, kundu rina lyake lilawono na ikumbuyo-se.”

HOSEA 12:11

Kulya Gileadi nyi handu ha wunyamaṟi, kulya Gilgali walewuta mapung'a ha shidaso, koikyo rasio tsawo nyi tsechiwa cha mbumbi tsa maho, kiidi kya mfongo ii mademenyi?

HOSEA 12:12

“Yakobo naledichiya orukenyi lo Aramu, akeripfo kaṟunda kundu nawone mka, kalisa machondi kundu nawone mka.

HOSEA 4:2

Ilya nyamu, wongo, uwahi, wuiwi na wuṟuhui wuichuopfo. Wunyamaṟi wuongeṟa ifo, na samu ipusuyo orio mkonu.

HOSEA 5:1

Keadanyienyi lanye wakohanyi! Keadanyienyi nyo Waisraeli! Keadanyienyi nyo oshari lo kimangi. Nyi kiwemuwaṟi muhoṟokie wusumhanyi, kyaindi nyi mulehaluka mdeho kulya Mispa. Mukawehaluka mdeho ipfo Tabori;

MIKA 7:2

Kuwode msa aowoye Ruwa aledeo orukenyi-pfo; kuwode mndu mhoṟotsu kiidi kya wandupfo. Orio umu nalaaya ipusuo samu, manya kuwode umu mhoṟotsu kiidi kya wandupfo.

MAWUTO HA WASU 25:3

Ke nawawutye kicha kyewachihiṟa nawawase naendo na Yerusalemu. Nawo nyi wadedye kyama kehenda kumbahya kulya njiehu.

YOSHUA 21:38

Kiidi kya oruka lo oshari lo Gadi, nyi waleinengo Ramothi fo Gileadi nafo nyi fuwei mṟi fodichia handu hamu na mapata hafo helisia shiuma, Mahanaimu na mapata hake helisia shiuma,