HOSEA 6:1 - Bibilia Kui Mdedie fo Kimochi

¹ “Ndenyi luwuye na ko Mndumii-Ruwa! Ambuya nyio amonyi aleluranduo, kyaindi nao amonyi nyi echiluchiṟa; Nyio alelufaṟa, nyio amonyi echichiṟa shifaṟe shadu.

HOSEA 6:1 ပူးပေါင်းရင်းမြစ်များ

2MBONYI TSA MAHERI 30:6

Kyasia mangi na wasongoru wake wakaduma wandu, waṟaṟanje paruo, orukenyi lose lo Israeli na Yuda. Baruo yo iwewode ndumi yehamba, “Nyo wandu wa Israeli mulekia isaṟikio lya mangi o Ashuru. Wuyenyi Mndumii-Ruwa, Ruwa o Abrahamu, Isaki, na Yakobo, kundu nao nawemuwuya.

YOBU 16:9

Nanjiranduo kiidi kya ihoṟuo lyake, kanjiwonyia; kanjiimadia ngamru huye yako Mkituwa oko nanjituluya meso mawawo.

YOBU 22:23

Kowuuya Ruwa nochiwanga, kowuta wukika wukakaa haleshe na mba yapfo,

YOBU 34:29

Kokoya Ruwa atsia, nyiu echiidima imbonyia-owingo? Kaṟika kyamu kyake nyi echimbona.

YOBU 5:18

Kipfa o nekewawiṟa kawechiṟa;

SHIIMBO SHA DAWIDI 30:7

Mndumii, kui madedo hapfo Iyo nyi kulewanza fumvu lyako Nyi uleṟika kyamu kyapfo, Ngaawo mmoo.

SHIIMBO SHA DAWIDI 6:2

Mndumii, unjileheṟe, kipfa njikeri-naa, Mndumii unjichiṟe mafuo hako haawa.

SHIIMBO SHA DAWIDI 71:20

Iyo, uleluloṟa matuuro mawicho, hafoi, nochiluwihiṟia-se moo. Nochiluirya-se huye, kuwokia wanda terinyi.

KOHELETI 3:3

Kiheri kewaaha, na kiheri kechiṟa; Kiheri kewunduo, na kiheri kewika mba;

YESAYA 17:7

Mafiri-ho mndu nechiambuya ulya Momuumba, na meso hake hechiambuya Mwele o Israeli.

YESAYA 2:3

Na wandu wa masanga wechihendaho na ihamba, “Nchonyi luhende fumvuhu ko Mndumii, kanyi ko Ruwa o Yakobo, nao nechilulosha njia tsake, naso lochiosha mawawaso hake; kipfa kiidi kya Sioni, kochiwuka iwawaso na idedo lya Mndumii liwuke Yerusalemu.”

YESAYA 30:22

Nanyo nyi mochifanyitsa kipfinyiko kya sanamu tsanu tsa fesa, na mawala ha sanamu tsanu tsa sahabu tsi tsisalaṟe; nochitsikumba kuleshe cha kindo kifanyi ngafu; nochihamba, kure uwuke iya.

YESAYA 30:26

Saa ya meri yechiwa cha saa ya mnengeṟi, sa ya mnengeṟi yechiengeṟeka ka mfungade, cha saa ya mkonu mfungade, kiidi kya mkonu fulya Mndumii echipfunga ngapo tsilya tsa wandu wake, na ichiṟa itiinga lya ngapo tso.

YESAYA 55:7

Mndu mbicho nade ohendo loke, Na alai na wusumhanyi nade makusaṟo hake; nawuye ko Mndumii, Nao nechimsaṟia; Nache na-ko Ruwa odu, Nechimhoṟia nakamu.

YEREMIA 3:22

Wuyenyi nyo mui wewuta shindo shilachihiṟa, inyi njechichiṟa mawuto hanu mawicho. “Nanyo mohamba, ‘Ambuya locha kopfo; kipfa iyo nyi Mndumii-Ruwa odu.

YEREMIA 30:12

“Inyi Mndumii-Ruwa ngahamba njidi: Shifaṟe shapfo shichiapfo, matiinga hapfo hechichiapfo.

YEREMIA 30:17

“Njechikuwihiṟia oru lopfo, na matiinga hapfo njechihachiṟa, ma chandu walekulaha “Namkumbe, ‘Mṟi fo Sioni fulawode mofuambuya!’

YEREMIA 33:5

Wandu wechiheṟia ikoyana na Wakalidayo indi ikyo kechiwa wulya, kipfa maṟungu haichuo mnying'a ya wandu iwo njechiwawaha kipfa kya nyashi yako na tuke yako. Kipfa watana wuwicho wu wose, inyi njechida mṟi fu.

YEREMIA 33:6

“Manya kudo, inyi njechikiṟa mṟi fu na iinenga wandu wa oru, njechiwainenga iwemba na ikaa kipuo.

YEREMIA 50:4

“Mafiriho na maheriho, ngahamba inyi Mndumii-Ruwa, wandu wa Israeli na wandu wa Yuda wechisanza handu hanu na iwuya wechifihiṟa na injishiha inyi Mndumii-Ruwa, Ruwa owo.

YEREMIA 50:5

Wechiwesa njia yehenda Siyoni, na shamu shawo nyipfo shiembeṟukie, wechihamba, “Njonyi.” Nawo wechiwadana na Mndumii-Ruwa kiidi kya mkundana fo mlungana fulechikaa fuhadimike.

SHILIO 3:11

Kanjifuna njienyi tsako, kanjihaluo kiriteko na mkiwa, Nyi alenjifuna ipfo njienyi, Kanjifunjafunja kanjida njii mkiwa.

HOSEA 11:10

Ambuya wechicha injiosha inyi Mndumii-Ruwa, ili njechiringona cha miiso, kiheri kyo chechiringona nyi wechinjicheya wechichumia wawuka ora lo kyukanyi wechidedema.

HOSEA 12:6

Wuyenyi ko Mndumii-Ruwa onu, kuwadenyi na ikunda na wukiilohi, muwekaa mkusirienyi ko Mndumii-Ruwa kiheri kyose.

HOSEA 14:1

Wandu wa Samaria nyi wechikapo ko ideko lyawo, kyamba nyi walelekana na Mndumii-Ruwa owo, nyi wechiwoho ko oshu, shiwana shawo nyi shechipoṟipotso, na waka wawo wakapikie nyi wechirandulio.

HOSEA 14:4

Kyamba Ashuru yeidima ilukiṟapfo, lochiidima ikusiriase frasi tsa shida se pfo. Ambuya manya lochilahase shindo sho lushisungusie luwenyi ke nyi Ruwase pfo. Ipfo kopfo hoi Mndumii ngoeda tsekesaṟio.”

HOSEA 3:5

Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.

WALEWI 14:48

“Kingise kokoya nyi mkohanyi aida napfo na iambuya, kokoya ndaaṟe ilaledung'ana ipfo mba, mba yammaa ishio chokaa; nlyondi mkohanyi echihamba kee mbayo injiheṟemtsu, kyamba ndaaṟe iya ilesalaa.

SEFANIA 2:1

Kusanzenyi nyo oshari luwuṟie sonu;

NGUMBUO YA MAWAWASO 32:39

Ambuyenyi, “Inyi nyio Ruwa njimonyi manya kuwode ungi shile na inyipfo. Inyi njekewaaha na iwika moo, njekewika shifaṟe ngawechiṟa, kuwode mndu echiidima iashuo icho oose ai mawokonyi hakopfo.

1SAMWELI 2:6

Mndumii-Ruwa nekewaaha na Iṟutsa, o nekyewasotsia ko waṟumu nao nekewawihiṟase.

1SAMWELI 7:3

Samweli kawia Waisraeli, “Kokoya mowuya Mndumii-Ruwa na mrima fonu fose kimuwaṟi muwute ipfo kiidi kyanu maruwa mahenu na sanamu tsa Ashtarothi. Halukienyi Mndumii-Ruwa kui mrima fose na imṟundia o amonyi tupu, nao nechimukiṟa kuwuka mawokonyi ha Wafilisti.”