HOSEA 5:6 - Bibilia Kui Mdedie fo Kimochi

⁶ Ambuya nyi wechihenda na mapo hawo ha mbe na machondi; wechishiha Mndumii-Ruwa; kyaindi wechiidima imbona pfo, kyamba amekuletsana nawo.

HOSEA 5:6 ပူးပေါင်းရင်းမြစ်များ

IWUKA 10:9

Mose kamhaluo, “Lochihenda na wanake wadu, na wameku wadu, na wana wadu, na wana wadu wa kika, lochihenda na machondi hadu na mmbe tsadu; cha kipfa kiluwaṟi isungusia Mndumii-Ruwa mkonu mnene.”

MFANANO 1:28

Nlyondo wechinjilaha, indi njechiidikya pfo; Wechinjishiha mnu, wechinjiwona pfo

MFANANO 15:8

Mwano fo mndu mbicho fuwichuṟye Mndumii; Indi shiterewo sha mndu mhoṟotsu nyi sia yake.

MFANANO 21:27

Kyaano kya walai wecha nyi kiwichuṟiye Kii kiwicho-wicho ili mandi alasumhanyi aende.

SHIIMBO SHA SOLOMONI 5:6

Njileṟuhuo mongo kyaindi mkunde oko awemahenda. Mrima foko fulekeseka lyando awededa, indi mkunde oko awemhaluka kaida; ngamshiha, njilambone, ngamlaha, nalanjiidikie.

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

YEREMIA 11:11

Kyasia Mndumii nahamba adi, “Njechiende mawicho huya wo, walechiidima ihadicha, wechinjililia kyaindi njechiwaichopfo.

YEREMIA 11:14

Kyasia ulaterewie wandu-wa, ma kulaire ṟu lyapfo, na iterewa kipfa kyawo; kipfa njechiadanyia-pfo ma wakafuha kipfa kya wukiwa wowo-nyi ote.

YEREMIA 14:12

Manya wakakuotoya njechiicho kiterewo kyawo-pfo, wakawuta mwano na shidaso shemaya madonyi hamu na shilimu njechiambilia-pfo, njechiwarumatsa kui oshu, na njaa na ndaṟe ya makokoi.”

YEREMIA 7:4

Mulakusirie mhambo ya wongo ili walehamba, ‘Hekalu lya Mndumii, hekalu lya Mndumii, Ee hekalu lya Mndumii.’”

SHILIO 3:44

Kokushikia ipuchinyi ling'anyi, shiterewo shadu shilaidime ikushikia.

EZEKIELI 8:18

Ko kipfa kya ikyo, nyashi yako yechiwasokia, manya riso lyako lyechiwaliliapfo, manya njechiwasaṟia pfo ma kokoya wechicha ifihiṟia madunyi hako, njechiwaadanyiapfo.”

EZEKIELI 8:6

Kawuya kanjiwiase, “Iyo mndu, uwonyi shindo shi shishiwicho wana wa Israeli wa keri iwuta shikatana shanjiinenga ngakukaya kuleshe na handu ha hako hai haele. Kemekutsie nuwonase mawicho hawose hafoi hang'anyi kota iha.”

HOSEA 8:13

Ambuya wo nyi wakundi iwuta mwano na shidaso, nyi wekewuta shidaso wakawelya nyama tso, kyaindi inyi Mndumii-Ruwa shekenjichihiṟapfo, Inyi njihenda ikumbuo njonyamaṟo tsawo, njihenda iwakapa kipfa kya madeko hawo, ambuya nyi njihenda iwawihiṟa wusingenyi kulya Misri.

AMOSI 8:12

Nawo wechiṟahaṟaha wuka ipalyipalyi itane ipalyipalyi; na wuka ora lo mtsudu na lo ngamenyi; wechiwika mteeṟa ipfo na ipfo, wechishiha idedo lya Mndumii walechiliwona.

MIKA 3:4

Kuwode kiheri kechicha mfuhiye Mndumii-Ruwa, kyaindi echimhaluo-pfo. Nechiṟika kyamu kyake mandi-ho, kipfa muwutie mawuto mawicho.

MALAKI 1:10

“Nanga kokoya kuwewode mndu moshinga mongo; mulache iatsa modo fo wulya kitaṟenyi kyako kedasia! Njimchihie kyanupfo, manya shidaso shawuka mawokonyi hanupfo, Mndumii Menyi Matoṟito ahamba.

LUKA 5:16

Nao kawa mosheṟuka, kakaa kundu kulawode wandu kechiterewa Ruwa.

YOHANE 7:34

Mochinjiwalya mulechinjikoya. Kyamba kundo inyi njechikaa moidima ishika-ho nyopfo.”