HOSEA 5:3 - Bibilia Kui Mdedie fo Kimochi

³ Ambuya inyi njiwaichi wandu wa Efraimu, Waisraeli waidima idekeka koko pfo. Nyo wandu wa Efraimu nyi muleṟuhuya, ambuya Waisraeli wose nyi walekufanyitsa.

HOSEA 5:3 ပူးပေါင်းရင်းမြစ်များ

YESAYA 7:16

Kipfa kiherikyo manacho alameidima isambuṟa isuo mawicho na iduo mecha oruka lulya iyo usuo wamangi walya wawi lochideo mrapu.

YESAYA 7:17

Mndumii nechiende huye yapfo, na huye ya wandu wapfo, na huye ya mba ya ndeo, mkonu ilalemeche, wokia mkonu fulya Efraimu alewuka kiidi kya Yuda; mangi o Ashuru.”

YESAYA 7:5

Kipfa Shamu ikusaṟie mawicho huyapfo hamu na Efraimu na mana o Remalia wehamba,

HOSEA 1:2

Kiheri Mndumii-Ruwa alewoka ideda na wandu wa Israeli kui dumbu lya Hosea, nalewia Hosea, “Henda nohende ialika; mka opfo echiwa mhendeli kopfo pfo; na wana wapfo nawudo wechituṟa wuhendeli cha mayawo. Nawudo wandu wako walenjida inyi na wakawa wameluki.”

HOSEA 12:1

Orio kindo wandu wa Israeli wawuta mfiri puti nyi sha wulya na sherumatsa. Wuṟiingi, wongo, wunesi na wuwahi wuiengeṟeka kiidi kyawo. Wawadana na Waashuru na ikapa mbucha na Wamisri.

HOSEA 13:1

Kiheri Waefraimu walededa, wandu nyi walededema; Waefraimu nyi wawewode pfinya ing'anyi mnu kiidi kya Israeli; kyaindi kiheri walewooka iindia Baali; wakakuendie opfu.

HOSEA 13:5

Nyi inyi njilemuembeṟa kiheri muwekeri kulya nuka, kiidi kya oruka lulya luwei nuka ya msanga.

HOSEA 5:11

Efraimu nyi walelya wukiwa, kawesoko na shilya shiwembaṟi, kyamba nyi alekunda iosha wutondo.

HOSEA 5:13

Kiheri wandu wa Efraimu, walemanya ndaṟe yawo, na Wayuda wakawemanya itiinga lyawo, wana wa Efraimu nyi, walehenda ko mangi, o Ashuru kundu nawaikanyie, kyaindi echiidima imukanyia, manya ichiṟa itinga lyanupfo.

HOSEA 5:9

Efraimu nyi yechiwa nuka mresi . Iki nyi kindo kya lohi kihenda iwutika kiidi kya Israeli.

HOSEA 6:10

Ambuya, nyi njilewona kindo kiwicho mnu kiidi kya mba ya Israeli, wana wa Efraimu nyi waiengeṟa ikufanyitsa.

HOSEA 6:4

“Kyaindi Mndumii-Ruwa nyi ahamba adi, ‘Njikuwutie ki iyo Efraimu? Njikuwutie ki iyo Yuda? Ikunda lyanu koko nyi likeri cha mtiima fo ngamenyi, likawefanana na ṟauṟa ya ngamenyi yekehaduka owinyi.

HOSEA 8:11

“Ambuya wandu wa Efraimu nyi walewika marasio hafoi, naho hakawaengeṟia njonyamaṟo.

AMOSI 3:2

Nyi nyo tupu njilemumanya kiidi kya wandu wa mkambo ya wuyanenyi kose; kwi kipfa ikyo, njechimuwuwuya manyamaṟo hanu hose.

AMOSI 5:12

Kipfa njiichi chando mawicho hanu hafoi, na chando wunyamaṟi wonu wung'anyi; nyo mokewonyia wenyi wusumhanyi, mokeambya shetsutsuma, na ihaluo walya wahuṟi oo mongonyi walawone kilya kiwasumhanyi.

NGUMBUO YA MAWAWASO 33:17

Kiṟumi kyake nyi kiṟumi kya ipung'a lya kuwoka, membe tsake nyi tsa mboho njisoṟo, nechikapa natso mkambo ya wandu, nechiwafunyia mtsitsionyi ya wuyana, Efraimu nechiwada membetso shiku ikumi, membe tsake nyi shiku sha membe tsa Manase.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

OTAMBAHALUO LO YOHANE 3:15

Njiichi mawuta hapfo hose. Kyaho uwode manya mrike manya mbeopfo. Nanga kokoya uwei ma mrike ang'u mbeo!