HOSEA 5:14 - Bibilia Kui Mdedie fo Kimochi

¹⁴ Kyamba inyi njechihenda iwa cha miiso ko Efraimu, na imana lya miiso ko wandu wa Yuda. Kyamba inyi njimonyi njihenda iwaranduo randuo na iwaduo, manya kuwode mndu echiidima iwakiṟa pfo.

HOSEA 5:14 ပူးပေါင်းရင်းမြစ်များ

YOBU 10:16

Kokoya ngairia mdo fu foko nuinjilasa cha mwiso na injipoṟipotsa na mbonyi tsapfo tsa ṟiho.

YOBU 10:7

Iyo noichi njiwode tewe pfo, ma kuwode monjikiṟa owokonyi lopfo pfo.

SHIIMBO SHA DAWIDI 50:22

“Manyenyi isho, nyo mokehadima Ruwa, njilashike imuranduo, kulechiwoneka momuchiṟa.

SHIIMBO SHA DAWIDI 7:2

Alache injiraha mrima foko cha miiso, Kechifunjafunja kulawode monjichiṟa.

YESAYA 5:29

Iringona lyawo lyechifanana na lya mwiso; Wechiringona cha maalea ha mwiso; Ee, wechiringona na iduo wapfungo, Na iwaduo na ihenda kipuo, Kulechiwoneka mowakiṟa.

YEREMIA 25:38

Mndumii-Ruwa nadee handu hake heowa, cha mwiso fudeye opanga lofo, oruka lowo lui nuka ya msanga tupu, kipfa kya shida ya wandu wawicho, na nyashi ing'anyi ya Mndumii-Ruwa iaka.

SHILIO 3:10

Oo nyi cha rumu likeri injiowelia; kawewa cha miiso ikuṟikie.

HOSEA 13:6

Kyaindi kiheri mulelya mukaihuda, mukawoka ikudosa mukatana monjihadima.

HOSEA 2:12

Njechirumatsa msabibu yake na mkuyu, ekehamba nyi wueri kuwuka ko wakunde wake. Njechiitana iwe ngeṟa, na mando ha ngeṟenyi hechiilya.

HOSEA 6:1

“Ndenyi luwuye na ko Mndumii-Ruwa! Ambuya nyio amonyi aleluranduo, kyaindi nao amonyi nyi echiluchiṟa; Nyio alelufaṟa, nyio amonyi echichiṟa shifaṟe shadu.

AMOSI 2:14

Na icho aidicha ekooya kidichionyipfo; Manya icho aichi ikapa mteeṟa pfinya yake yesia; Ichu akuhodye echiidima ikiṟa moo fokepfo.

MIKA 5:8

Waisraeli wechiwinza wakituwa wawo na iwarumatsa piu.

NGUMBUO YA MAWAWASO 28:31

Mmbe tsanu tsechishinjo oshangunyi lonu kyaindi mochiinengoho manya ngamrapfo. Nzoi tsanu mochitsisoko ko pfinya muwonyi na meso hanu manya mochiwihiṟiopfo. Machondi hanu hainengyo wakituwa wanu, kulawode manya mndu echimutarama.

NGUMBUO YA MAWAWASO 32:39

Ambuyenyi, “Inyi nyio Ruwa njimonyi manya kuwode ungi shile na inyipfo. Inyi njekewaaha na iwika moo, njekewika shifaṟe ngawechiṟa, kuwode mndu echiidima iashuo icho oose ai mawokonyi hakopfo.