HOSEA 4:9 - Bibilia Kui Mdedie fo Kimochi

⁹ Kyaindi isho shechiwakoya, nasho shechikoya wakohanyi; njechiwahoṟuo kipfa kya mchumie fowo, njechiwatana watae kipfa kya mawuto hawo wamonyi.

HOSEA 4:9 ပူးပေါင်းရင်းမြစ်များ

MFANANO 11:31

Kuambuye, mndu o wusumhanyi nechitao aa wuyanenyi, Ngesa mbicho na mdeko chi sa kafoi mnu?

MFANANO 12:14

Mndu nechiihuda mecha kui ndunda tsa dumbu lyake, Na mndu nechiwihiṟyo mawuto ha mawoko hake.

MFANANO 5:22

Shiwicho shechihoya wewuta sha mkika, Nao nechiwado nyi shiwoho sha njonyamaṟo tsake

YESAYA 24:2

Na kechiwa chandu kikeri ko wandu, nyi wudo kechiwa ko mkohanyi; chandu kikeri ko isinga, nyi wudo kechiwa ko mndumii olyo; chandu kii ko isinga ika, nyi wudo kechiwa ko mka mangi; chandu kii ko mohuṟa, nyi wudo kechiwa ko mokumba; chandu kii ko moinengia, nyi wudo kechiwa ko moinengio; chandu kii ko ulya o mbucha aiṟimiṟa, nyi wudo kechiwa ko icho momtarama kaiṟimiṟa.

YESAYA 3:10

Wienyi wenyi wusumhanyi ke wechiwa nanga, kipfa wechilya ndunda tsa mawuto hawo.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

EZEKIELI 44:10

“Ko Walawi walya walelekana na inyi kiheri Waisraeli walenjida wakaindia maruwa hengi, nyi wechikudika ngapo yawo.

EZEKIELI 44:12

Kyamba nyiwo walesongoya Waisraeli iindia maruwa hengi, wakatewa wandu wakawuta wunyamaṟi. Ambuya nyi njechiwahoṟoya owoko loko njiwakape. Nyi wudo Inyi Mndumii-Ruwa ngahamba, nyi wechikudika ngapo yawo.

HOSEA 1:4

Mndumii-Ruwa kawia Hosea, “Inenga mana cho rina, ‘Yezreeli,’ kipfa kutsuhee-pfo kiheri kitutu tupu, na inyi njechikapa wandu wa mba ya Yehu kipfa kya wuwahi sa alewuta kulya pichinyi lya Yezreeli. Njechiarisia kuleshe wumangi wo Yehu kiidi kya isanga lya Israeli.

HOSEA 10:10

Ambuya njichea wandu wa wanyamaṟi njiwakape, wandu wa mkambo ya wandu nyi wechiwaṟingichia na iwakapa, nyi wahenda ikapo kipfa kya njonyamaṟo tsawo tsing'anyi mnu.

HOSEA 12:2

Mndumii-Ruwa nyi awode mondu na Yuda; ambuya nyi ahenda ikapa Yakobo sumuhana na madeko hawo, na iwataa sumhana na mawuto hawo.

HOSEA 12:3

Mandi Yakobo awei wusunyi wo mae nyi alewada kitsinano kya wawae. Kiheri aleng'ana kalimbana na Mndumii-Ruwa.

HOSEA 7:2

Kii kidi wakusaṟie manya le pfo ke inyi njikumburie mawuto hawo mawicho hose, wulalu mawicho hawo nyi hawatengetia njora tsose, na isho wawutie shose nyi shikeri oshangunyi loko.

HOSEA 8:13

Ambuya wo nyi wakundi iwuta mwano na shidaso, nyi wekewuta shidaso wakawelya nyama tso, kyaindi inyi Mndumii-Ruwa shekenjichihiṟapfo, Inyi njihenda ikumbuo njonyamaṟo tsawo, njihenda iwakapa kipfa kya madeko hawo, ambuya nyi njihenda iwawihiṟa wusingenyi kulya Misri.

HOSEA 9:15

Ambuya wuwicho wowo nyi wulewokia kulya Gilgali; nyi wudo Mndumii-Ruwa ahamba. Ipfo nyipfo njiilewoka iwasuo. Kipfa kya mawuto hawo mawicho, ambuya nyi njihenda iwafuna kanyi koko, manya njechiwakunda sepfo; Wanene wawo wose nyi walelekana na inyi.

HOSEA 9:9

Nyo nyi musoṟowie kiidi ka wunyamaṟi chandu kiwekeri kulya Gibea; Mndumii-Ruwa nyi echikumbuo madeko hawo, nao nechiwakapa kipfa kya wunyamaṟi wowo.

ZEKARIA 1:6

Indi madedo hako na mawawaso hako njilewawasia waikimbi, waṟundi wako, ngesa, wandeanu walehawona? Wakawuya ihaluka wehamba, chando Mndumii menyi matorito aweteseheṟie iluwutya, chando kiwewaṟi mawuto hadu, na wudo alewewuta kirianyi na mawuto hadu.

MATAYO 15:14

Lekanenyi nawo! Nyi wasongoru wai wapfu meso waisongoya wapfu meso. Kya indi mpfu-meso kasongoya mpfu meso njia nyi wechioloka ṟungunyi wa wawi.”