HOSEA 4:7 - Bibilia Kui Mdedie fo Kimochi

⁷ Chandu wakohanyi waleongeṟeka, na wudo wose waleengeṟa injitwaṟa. Koikyo, njechihaluo kiṟumi kyawo kiwe sonu.

HOSEA 4:7 ပူးပေါင်းရင်းမြစ်များ

EZRA 9:7

Cha kipfa lulekunyamaṟia kuwokia waku walya wadu mṟasa inu, koikyo kipfa kya madeko hadu so, wamangi wadu, na wakohanyi wadu luledambikio mawokonyi ha wamangi wahenu, lukawoho, lukapfungo, lukaiwio, na isutso wusutsu mṟasa inu kudi.

HOSEA 10:1

Waisraeli nyi wawei cha msabibu mcha, msabibu fokeṟaa ndunda. Chandu ndunda tsikeengeṟeka, na wudo waleengeṟa iwika marasio, chandu oruka lowo luleengeṟa ikumbia, nyi wudo waleengeṟa ngo tsawo tseindia.

HOSEA 10:6

Samuyo nyi yechidao Ashuru, ikeri itao cha okamba ko mangi ang'anyi; Wandu wa Efraimu nyi wahenda iwado nyi sonu, Waisraeli nyi wahenda iwado nyi sonu kipfa kya sanamu yo yawo.

HOSEA 13:14

Ambuya njechikiṟa wandu wa wawuke ko waṟumu pfo, ma njechiwakiṟa kiidi kya opfupfo! Iyo opfu nyiku matuuro hapfo hakeri? Na ipfo ko waṟumu nyiku arisikio lyapfo likeri? Inyi njechiwasaṟia se pfo.

HOSEA 13:6

Kyaindi kiheri mulelya mukaihuda, mukawoka ikudosa mukatana monjihadima.

HOSEA 4:10

Wechilya, kyaindi wechiihuda-pfo; wechimelukameluka, kyaindi wechiwona wana-pfo, kipfa wanjida inyi Mndumii-Ruwa, na ioshana na maruwa hengi.

HOSEA 5:1

Keadanyienyi lanye wakohanyi! Keadanyienyi nyo Waisraeli! Keadanyienyi nyo oshari lo kimangi. Nyi kiwemuwaṟi muhoṟokie wusumhanyi, kyaindi nyi mulehaluka mdeho kulya Mispa. Mukawehaluka mdeho ipfo Tabori;

HOSEA 6:9

Kyamba chandu wasoki wekeowia wandu, njienyi kundu wawasoke, nyi wudo wakohanyi walekoyana wechiowelia. Wakawaha wandu njienyi wechihenda Shekemu, ambuya nyi walewuta wuwicho wuṟatsie.

HOSEA 9:11

Wucha wo Efraimu nyi wosaramaya cha shilehe; ambuya wana wechifeosepfo, kuwodese wana wafeosepfo, manya kuwodese waka ikapikapfo.

HABAKUKI 2:16

Noichuo sonu handu ha kiṟumi iyo nofanane na walawadine; kirahu kya owoko lo kulyo lo Mndumii kihalutse nokiambie, na sonu ing'anyi yechicha huyapfo na huye ya kiṟumi kyapfo.

MALAKI 2:9

Kui kipfa kya ikyo inyi nyi njechimhaluo muwe kindo kimine na kifari oshangunyi lo wandu wose, chando nyo mulekeindia njia tsako, mukakundia wandu wuwawasonyi.”

NGUMBUO YA MAWAWASO 32:15

“Waisraeli walewa wasuṟi wakadekio Mndumii, Waleihuda wakachia kui fana, numa wakalekana na Mndumii-Ruwa alewawumba, wakapiṟa iṟaṟa lya, okiṟo lowo.

WAFILIPI 3:19

Hando wakeri ikushitsya-ho wawenyi ipfo odetsonyi ndewu nyiyo Ruwa owo, kiṟumi kyawo kiwaendye wuṟenze, nawo nyiwo wekekumbuo shikeri sha wanda ii.

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.