HOSEA 4:6 - Bibilia Kui Mdedie fo Kimochi

⁶ Wandu wako warumara kipfa walanjiichi; kipfa iyo mkohanyi noleha iwapfunda. Ngakuleha ulawe mkohanyi oko. Kipfa nohadima mdumbuye ya Ruwa opfo, na inyi njechihadima iwikia mboṟa wana wapfo.

HOSEA 4:6 ပူးပေါင်းရင်းမြစ်များ

2MBONYI TSA MAHERI 15:3

Ko kiheri kileshe wulalu, wandu wa Israeli walai na Ruwa o lohi, ma wakohanyi wewalosha, ma wuikimbi pfo.

YOBU 36:12

Indi walamiindie, wechiarisika kwi oshu, na opfu kipfa kya ituṟa wuṟango.

SHIIMBO SHA DAWIDI 119:139

Wuitiki woko wulentewa ngasaramaya, kyamba waturi wako walehadima madedo hapfo.

SHIIMBO SHA DAWIDI 119:153

Keambuya matuuro hako, kenjikiṟa kyamba njilehadima iwawaso lyapfopfo.

SHIIMBO SHA DAWIDI 119:61

Shiwoho sha walai wasumhanyi shilenjipfunga, indi njilehadima iwawaso lyapfopfo.

SHIIMBO SHA DAWIDI 18:27

Kipfa iyo nyi ochikiṟa wandu wawonyio, Na meso ha wutimbiri nyi ochihasotsa.

MFANANO 10:21

Dumbu lya mndu o wusumhanyi lyeihutsa wafoi, Kyaindi matondo hekepfa kipfa halaichi kindo.

MFANANO 19:2

Manya kii kicha mrima fo mndu fuuṟe wuṟango pfo Na ichu mokambiṟa na madende nawuta wunyamaṟi

YESAYA 1:3

Mmbe iichi menyi oyo, Na nzoi iichi tengo lya menyi yo, Kiṟihishie Israeli aichipfo, wandu wako wekekusaṟapfo.

YESAYA 17:10

Kipfa kulehadima Ruwa o Okiṟo lopfo, ma kulekumbuo iṟaṟa lya oṟiho lopfo-pfo; kipfa kya ikyo kowaya madema mecha, kowikapfo msabibu njihenu.

YESAYA 27:11

Maṟamba hakauma hechifunjo; waka wechicha wahakoṟe modo; kipfa iwa chi wandu wawode wuṟango-pfo; kui kipfa ikyo, ichu alewawumba echiwasaṟiapfo, na ichu alewawika echiwahoṟia pfo.

YESAYA 28:7

Ma kudo, iwa nawo wadeko kui mvinyo, wadekie kui kenanza; mkohanyi na mwikimbi wadekie kui wunanzi, wai wameṟe nyi mvinyo, wadekie kui kenanza; wekedeko shiwonesioni, wakakapa mtulia kiidi kya mwanduye.

YESAYA 29:12

Numa kitapu ki kikainengio mndu kindo ki, nao kahamba, “Inyi njiwode wuṟango pfo.”

YESAYA 3:12

Kiidi kya mbonyi tsa wandu wako, wana nyiwo wechiwawonyia, na waka nyi wo wechiwaitoṟia. Lanye wandu wako, wemusongoya wamudekesha, wanyamaṟa njia yapfo.

YESAYA 45:20

Sanzenyi muche; na itikiria hafui, nyo wa mkambo fulekiṟo; wawode wuṟango walya weduo sanamu ya ikidi lipachepfo; nyi weketerewa ruwa alechiidima ikiṟa.

YESAYA 5:13

Kui kipfa ikyo wandu wako wawaduo wapfungo, kipfa kya ituṟa wuṟango na wulaanyi; na wandu wawo wawode kiṟumi wawodo nyi njaa, na wengi wawo wawodo nyi nyoda ing'anyi.

YEREMIA 2:8

Wakohanyi walehamba, “Oku Mndumii-pfo;” Manya wa kanyi walenjimanyapfo, walisi wakanjida, waikimbi wakahalukia Baali wakaikimba kyake, wakaosha mbonyi tsa wulya.

YEREMIA 4:22

Kipfa wandu wako nyi matondo, wanjiichi-pfo; nyi wana wawuṟie wuṟango, walaidima imanya wai waṟango iwuta mawicho; indi iwuta mecha wawode wurango-pfo.

YEREMIA 5:21

“Adanyienyi idedo li nyo masembo mulaichi kindo, muwode meso kyaindi mulawonyi kindo; muwode madu kyaindi mulaidime iicho.

EZEKIELI 44:23

Ambuya Wakohanyi nyi wechilosha wandu wa Israeli waidime imanya shindo shiele na shilya shilai shiele wawewaloṟa shindo shii ngafu na shilya shilai ngafu.

HOSEA 13:6

Kyaindi kiheri mulelya mukaihuda, mukawoka ikudosa mukatana monjihadima.

HOSEA 2:13

Njechimtaa kiṟache kya mkonu iya ya Baali aleiṟumisha, na maheri aledo ikoṟa ubani, na ikuchopa na rachi tsake na shishelo sha maho sha wuhuru wung'anyi, na ihendia wakunde wake, na injihadima inyi. Nyi inyi Mndumii-Ruwa ngadeda.

HOSEA 4:1

Adanyienyi Mndumii-Ruwa, nyo Waisraeli. Mndumii-Ruwa nanunuwa kipfa kya wandu wa oruka lu. Kuwodese wuhendeli ma mrima mcha orukenyi-pfo; kuwodese mndu aichi Ruwa kunu orukenyi-pfo.

HOSEA 4:12

Wandu wako weketerewa wulaanyi ko mashidi; wukidi wowo wo lasha nyiwo wokewainenga otambahaluo. Macha hawo hewuta wuṟuhui nyiho hawadetsa; wawuta wuṟuhui ko ioshana na maruwa hengi, wakanjida inyi Ruwa owo.

HOSEA 4:14

Kyaindi njechihoṟuo wana wanu wa kika kiheri wawuta wumelukimeluki-pfo, ma wamali wanu kiheri waiwuta wuṟuhui-pfo, kipfa, wasoṟo wawenyi nyiwo waioshana na wamelukiwo, na iwuta nawo shidaso kiidi kya miindie ya wumeluki. Wandu wa watuṟie wuṟango kya lohi wechirumara!

HOSEA 5:4

Mawuto hawo nyi hawaima walaidime iwuuya Mndumii-Ruwa owo, Mrima yawo nyi iichuo wuṟuhui, wanjiichi inyi Mndumii-Ruwa pfo.

HOSEA 6:6

Kyamba kindo kinjichihiṟie ipfo konu nyi wuhoṟotsu, manya chi shidaso pfo, imanya Mndumii-Ruwa manya chi shidaso shemaya modonyipfo.’”

HOSEA 7:11

Efraimu nyi awa cha mbeta injitondo ilawode wuṟango, kunu ikeri Misri ang'u Ashuru iterewa.

HOSEA 7:9

Ambuya wahenu nyi waleonga pfinya tsake, manya nalamanye; mhasa ikaichuo mdonyi foke, kyaindi o aichi pfo.

HOSEA 8:1

Kapenyi iranda! Kyamba mkituwa nyi aicha cha mbeṟo, nasokie mba ya Mndumii-Ruwa, kyamba nyi waletehiya mkundana foko, wakaweleha wuwawaso woko.

HOSEA 8:12

Kokoya njiwechiwaṟehiya mawawaso hako hafoi, ma kudo wawehawona cha kindo kihenu kowo tupu.

HOSEA 8:14

Ambuya, Waisraeli nyi walehadima ichu alewaumba, wakakuwikia mba tsawo tsa usuṟi, Yuda wakaengeṟa mṟi ifoi na iikara njomombo tsake, kyaindi njihenda idika modo fuhende ikoṟa mṟi yo na iolotsa njomombo tso tsayo.”

HOSEA 9:17

Kyamba waleha imwadanyia, Mndumii-Ruwa oko nyi echiwakumba, nawo nyi wechihenda iṟahaṟaha kiidi kya mkambo ya wandu.

MATAYO 1:6

Yese kafee mangi Dawidi, Dawidi kafee Solomon ipfo ko mka o Uria.

MATAYO 15:14

Lekanenyi nawo! Nyi wasongoru wai wapfu meso waisongoya wapfu meso. Kya indi mpfu-meso kasongoya mpfu meso njia nyi wechioloka ṟungunyi wa wawi.”

MATAYO 15:8

“Wandu wa oruka-lu nyi wekenjindya na madumbu hawo kya indi ngoo tsawo tsikahenda kuleshe na inyi.

1SAMWELI 2:12

Wana wa kisoṟo wa Eli wawei wandu wawicho mnu nakamu. Walekeindia Mndumii-Ruwa menyi matorito.