HOSEA 4:3 - Bibilia Kui Mdedie fo Kimochi

³ Koikyo, oruka lose lui ngumia, wandu wose wa orukalu wakeri isaramaya, handu hamu na mando ha ngeṟenyi na malehe; ma makunga ha ipalyipalyinyi hairumatso.

HOSEA 4:3 ပူးပေါင်းရင်းမြစ်များ

YESAYA 33:9

Oruka luikapa kilio, na ilehela; Lebanoni yatandawuka na inaa; Sharoni yawa cha nuka ilawode mṟinga; Bashani na Karmeli tsaaṟawuka maṟa.

YEREMIA 12:4

Mṟasa indii oruka lofuha kipfa kya oruka lowuṟa mvuo, maṟa hose ha mdemenyi hanaa. Mando hai ngeṟenyi na ndehe tsapfa, kipfa kya wuwicho wo wengi wahamba; “Ruwa echiwona mtsitsionyi fodu pfo.

YEREMIA 23:10

Kipfa oruka luichuo waṟuhui, kipfa kya ilya nyamu oruka luifihiṟa, maṟa ha nuka hauma; ohendo lu luluwicho, na pfinya tsawo chi tsa wusumhanyi pfo.

YEREMIA 4:25

Ngaambuya njilawone mndu ma umu, ndehe tsose tsihendie kuwodeho ma imu pfo.

YEREMIA 9:10

“Njechifihiṟa huya mafumvu, njechisokio nyi fowa kipfa kya kundu kolisa patenyi; Kipfa kulawode moida-ho kipfa kusaramaye. Ma kuichio ṟu lya mbe pfo. Ndehe tsa ruwehu na mando ha ngeṟenyi, shose shadicha shikadeka.

YEREMIA 9:9

‘Ngesa njilawuwuye isho?’ Mndumii ahamba. ‘Ngesa njilatae kiṟache kiidi, kya mkambo fo wandu wa mbaṟi ii?’”

EZEKIELI 38:20

Kyamba makunga hai ipalyipalyinyi na shilehesho shirunduka, mando ha ngeṟenyi, na mando ha hekekukuruo wanda handu hamu na wandu wose wa wuyana, nyi wechidedema ili mandi wechinjiwona. Kyamba mafumvu, shitoṟomotso na njomombo tsa mba nyi shechioloka wanda.

YOELI 1:18

Mbe tsikeri iana wukiwa kipfa ili kulawode kelya kyatso; mapo ha machondi naho hakeri ifihiṟa wukiwa.

AMOSI 1:2

Nao nalehamba “Mndumii nechikoṟoṟoma awuka Sioni, Ru lyake lyechiichio wokia Yerusalemu; Shilya shiiliso nyi walisi shechifuha, Na alya owerihu ko Karmeli kochinaa.”

AMOSI 5:16

Kipfa kya isho, Mndumii-Ruwa menyi matorito ahamba ichu ai Mndumii; Kochiwada kifuhiyo kiidi kya njia tsing'anyi tsose, nawo wehenda wechihamba, Ochia! Ochia! Wechilaha mndu mdemi nache nakape kilio, na iwo waichi ifuha wakape kilio.

AMOSI 8:8

Kipfa kya ikyo, ngesa oruka lochidedema, na waipfo wechikapa kilio? Ee lochikupaya cha Meda; lochilya wukiwa na ieka cha Meda fo Misiri.

NAHUMU 1:4

Nekededya ipalyipalyi likahaduka, na ihadutsa meda yose; Bashanyi ikaloloma, na Karimeli; kiwaṟo kya Lebanonyi kikanaa.

SEFANIA 1:3

Njechimamiṟa mndu o wandu na orio kikiwike kyose. Mando ha ngeṟenyi ndehe tserunduka; makunga ha mṟingenyi, hamu na wawicho; njechirumatsa mndu o wandu elechikaa nawono - Mndumii ahamba.

ZEKARIA 5:4

Mndumii Menyi Matorito nahamba ke nechidika oseso lu ko orio mba na mṟi fo waiwi na walya welya nyamu tsa wongo wechisenda rina lyake kya maai. Oseso lu lochirumatsa mba tsa maho na mashidi.”