HOSEA 4:18 - Bibilia Kui Mdedie fo Kimochi

¹⁸ Wakamenyo mvinyo fufoi, wekekuombotsa wumelukinyi wo wamonyi; wakakundia ihutsio sonu kota iinengo kiṟumi.

HOSEA 4:18 ပူးပေါင်းရင်းမြစ်များ

MAWOOKIONYI 38:24

Kukaidaho meri iṟaṟu Yuda kaendio mbonyi ke, “Malyi o mana opfo Tamari, naleṟuhuyo, nao narie mana alai o kanyi ka.” Yuda kahamba, “Mendenyi na nja nakoṟo na modo.”

SHIIMBO SHA DAWIDI 47:9

Wanene wa mkambo wakusanza handu hamu, wawe wandu wa Ruwa o Abrahamu. Kipfa ngawo tsa wuyana tsii na Ruwa, namng'anyishe mnu.

IWUKA 23:8

Na iyo kulaambie kindo ketsutsumo; cha kipfa kitsutsumo kekepfumba meso ha iwo wawonyi, na ipfuluo madedo ha walya wasumhanyi.

YEREMIA 2:21

Inyi nyi njiwekudongie, msabibu mcha, mbeu njicha njisambuṟe; nulehaluka kuda kowa msabibu fo ngeṟenyi mesonyi hako?

EZEKIELI 16:15

“Kyaindi kiṟumi kya wucha wopfo kikakutewa kohenda iwuta shindo sha mkika na ilya na walya wewuta sha useṟeṟi.

HOSEA 4:10

Wechilya, kyaindi wechiihuda-pfo; wechimelukameluka, kyaindi wechiwona wana-pfo, kipfa wanjida inyi Mndumii-Ruwa, na ioshana na maruwa hengi.

HOSEA 4:2

Ilya nyamu, wongo, uwahi, wuiwi na wuṟuhui wuichuopfo. Wunyamaṟi wuongeṟa ifo, na samu ipusuyo orio mkonu.

HOSEA 9:10

Mndumii-Ruwa nyi ahamba le; kiherikyo njilekoya Waisraeli, nyi wawei cha msabibu fuwedoye kundu ko nuka; Kiheri kyo njilekoyana na waku wanu, wawei cha mbeu ya kuwoka ya mashidi ha msinepfu , kyaindi kiheri waleshika Baal-peori, wakalya mma yeindia Baali. Wakawa kindo kisuikie cha kindokyo walekikunda.

AMOSI 5:12

Kipfa njiichi chando mawicho hanu hafoi, na chando wunyamaṟi wonu wung'anyi; nyo mokewonyia wenyi wusumhanyi, mokeambya shetsutsuma, na ihaluo walya wahuṟi oo mongonyi walawone kilya kiwasumhanyi.

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

MIKA 7:3

Wose nyi wewuta mawicho tupu; wanene na wenyi menge wakundi itsutsumo, walya wang'anyi waloṟie na pata wuwicho wowo, na iwuta kui wulembi kulawode wuowo.

NGUMBUO YA MAWAWASO 16:19

Mulapfuluo kiilohi; mulawade ikundia, manya mulaambie kitsutsumo, kyamba itsutsuma lyekewaaha meso ha wandu wawode osaaṟe na ipfuluo mondu fo mndu o wusumhanyi.

1SAMWELI 8:3

Kyaindi wanawo waleosha mchumie fo ndeawopfo. Indi walewooka ikushihia kiira. Walewoka iambia kitsutsumo wakapfuluo kiilohi.