HOSEA 4:16 - Bibilia Kui Mdedie fo Kimochi

¹⁶ Waisraeli wai walang'a cha nzoi. Nkili Mndumii-Ruwa echiwalisa, cha machondi patenyi ling'anyi lya maṟa?

HOSEA 4:16 ပူးပေါင်းရင်းမြစ်များ

SHIIMBO SHA DAWIDI 78:8

Ee-da, walawe cha wandee wawo, kishari kya mtoolo na wutimbiri, kishari kilekekusungusia mrimenyi, manya mrimenyi foke fulawei lohi ko Ruwa.

YESAYA 22:18

Nyi kya lohi nechikulema na ikukumba cha mpiṟa, itane oruka lo kuleshe, napfondo ochipfiia, na magari ha kiṟumi kyapfo napfo hechekaa hai sonu ya mba ya mndumii opfo.

YESAYA 30:23

Nao nyi echiolotsa mvuo ikape huya mbeu, kundu nowaaye kiidi kya oruka-lu; nochiwona na mkate fo kilimu kya oruka lu, nalo lochiṟaa na iichuo; mandiho shuma shapfo shechiliso handu hang'anyi ngoseṟa.

YESAYA 5:17

Nyi lyondi shidahina sha machondi, shechilya maṟa hasho shishenyi, kiidi kya mṟi iya iledeo ilawode mndu ikasamo, wahenu wechilyapfo kando.

YEREMIA 14:7

“Wandu wakahamba; ‘Manya chandu wunyamaṟi wodu woluṟingishia, iyo Mndumii noṟunde kipfa kya rina lyapfo, kipfa wunyamaṟi wodu nyi wufoi mnu wukatana woṟihisha.

YEREMIA 3:11

Mndumii kanjiwia, “Israeli ai mdeko nakuloṟa ke nawode wusumhanyi kota Yuda menyi mtambo.

YEREMIA 3:6

Koikyo Mndumii kanjiwia maheri ha mangi Yosia, “Omewona mawuto ha Israeli ichu modeko? Nadoye huye ya orio fumvu lileshe kahenda pfo iṟuhuya, na wanda ya orio ikidi liwode maṟa mawishi!

YEREMIA 3:8

Na inyi ngawona, kiheri kilya njileda Israeli menyi wunyamaṟi ngamnenga paruo yemsama kipfa kya iṟuhuya lyake, mshiki oke, Yuda awode mtambo, nalasaṟe ma nta;

YEREMIA 31:18

“Ngaicho Efraimu kenunuwa: ‘Nulenjikapa konjilosha wuindi, kipfa njiwekeri cha ihache, lilaichiwie ipfungo. Njihalutsa na inyi njekuhalukia, kipfa iyo nyi Mndumii-Ruwa, Ruwa oko.

YEREMIA 5:6

Kipfa ikyo mwiso fuwukie ngeṟenyi fochiwawaha, kisii kechiwadeha kiukanyi, rumu lyechilaaya mṟi yawo, orio motambahana iwukapfo nechitufuyotufuyo nasie; kipfa madeko hawo nyi hafoi na iwuya, numa kowo nyi kuengeṟekie.

YEREMIA 7:24

Indi wo waleichowo ma walemanya kundu kowopfo, indi wakawechumia weindia mtambo ya wumbafu wo mahio hawo mawicho walenjikumba mhongo chi oshangunyipfo.

YEREMIA 8:5

Nyi wuda kyawa wandu wa Yerusalemu wahaluka wakawuya numa, walatsitse ihaluka kudo? Wakewada mbonyi tsa wulembi walakunde iwuya.

HOSEA 10:11

Ambuya Efraimu nyi ihache lililoshe necha, nalyo nyi likundi ikapakapa Ngano; Kyaindi wulalu nyi njihenda iliṟika mshe nzingonyi yafo. Yuda nyi echikuruo ikumbi lyedema o amonyi, ee, na Yakobo nyi echikuruo ikumbi lyedemia.

HOSEA 11:6

Oshu nyi luhenda isokia mṟinyi yawo, luwehenda ifunja funja mongo yawo, luwewarumatsa ipfo njomombonyi tsawo.

HOSEA 11:7

Ambuya wandu wako nyi walenjidicha, wakakukumba wusingenyi, manya kuwode mowaashuo pfo.

WALEWI 26:33

Njechimupaṟatsana nyo kiidi kya wandu wa mbaṟi tsingi na isomuo oshu kipfa kyanu. Oruka lonu lochiwa mrapu na mṟi yanu yechiwa injisame.

ZEKARIA 7:11

Kyaindi iwo waleleha iadanyia, wakakumba madedoho mhongo wakashinga madu hawo.

1SAMWELI 15:11

Ngawado nyi fowa ili njilewika Sauli nawe mangi o naleda injiosha inyi na ameawutsia mawawaso hakopfo. Samweli kawado nyi nyashi, kaeṟeṟia Mndumii-Ruwa kio taṟaṟaa.